Grunur um að fiskar úr landeldi hafi komist í sjó

Þar segir að þann 3. september síðastliðinn hafi orðið óhapp við dælingu seiða milii húsa. Dæling hafi byrjað skömmu fyrir hádegi en verið stöðvuð fimm mínútum síðar þegar í ljós kom að krani á drenlögn hafi ekki verið að fullu lokaður.

Fram kemur að fiskur hafði farið um opinn kranann og niður í fjöru.

Þá segir að fyrirtækið hafi strax virkjað viðbraðgsáætlun vegna stroks og sett út í net. Starfsfólk Háfells hafi tekist að tína upp seiði sem voru eftir í drenlögninni og seiði sem sprikluðu í fjöruborðinu.

Alls náði starfsfólk Háafells 2560 seiðum, en þar af voru fimmtíu í neti.

Matvælastofnun segir að þrátt fyrir viðbrögð starfsfólks sé ekki hægt að útiloka að um 150 seiði hafi komist í sjó. Þau voru um 120 grömm að stærð og sjógönguhæf.