Mikið fjör og leik­gleði á fjöl­mennu ung­menna­móti

„Það var líf og fjör báða dagana. Mætingin var frábær og allt gekk þetta vonum framar þótt fjöldinn hérna hafi verið gríðarlegur þegar mest var,“ segir Atli en ríflega 130 börn á grunnskólaaldri mættu til að etja kappi í tölvuleikjunum vinsælu Fortnite, Valorant, Minecraft og Roblox.

Atli Már segir það hafa verið virkilega gaman að sjá hversu vel börn, foreldrar og ekki síst keppendur skemmtu sér og hversu virkan og mikin þátt þau fullorðnu tóku í rafsporti krakkanna.

Hann bendir síðan á að mörg þúsund krakkar víða um land taki virkan þátt í ungmennastarfi Rafíþróttasambandsins og aðildarfélaga þess. „Við leggjum líka mikið upp úr því að vel sé haldið utan um þessa krakka og starf okkar miðar að því að hjálpa þeim að þróast í rétta átt og hvetja til dáða, bæði í rafíþróttum og ekki síður í lífinu almennt. 

Þannig að ég mæli eindregið með því að krakkar sem eru að spila tölvuleiki taki þátt í ungmennastarfinu hjá einhverju af aðildarfélagum Rafíþróttasambandsins sem eru orðin 26.“

Keppni í hinum vinsæla Fortnite var býsna fjörug en þegar upp var staðið voru Blikar sigursælastir í yngri flokknum en í eldri flokki voru vaskir Suðurnesjakrakkar úr Rafíþróttadeild Keflavíkur (Rafik) svo gott sem óstöðvandi.

Einliðaleikur í Fortnite - Yngri flokkur:

1 Filip Kosta - Breiðablik

2 Þorlákur Gottskálk Guðfinnsson - FH/Fylkir

3 Brimir Leó Bjarnason - FH/Fylkir

Tvíliðaleikur í Fortnite - Yngri flokkur

1 Filip Kosta og Tómas Hrafn Gunnarsson - Breiðablik

2 Brimir Leó Bjarnason og Þorlákur Gottskálk Guðfinnsson - FH/Fylkir

3 Adrian Breki Hlynsson og Arnar Smári Sigurgeirsson - RAFIK

Einliðaleikur í Fortnite - Eldri flokkur:

1 Bragi Sigurður - RAFÍK

2 Alexander Liljar Brynjarsson - RAFÍK

3 Sigurður Breki Ólason - RAFÍK

Tvíliðaleikur í Fortnite - Eldri flokkur

1 Bragi Sigurður og Alexander Liljar Brynjarsson - RAFÍK

2 Gunnar Bjarki Valdimarsson og Rúnar Karl Bjarkason - FH/Fylkir

3 Hrafnkell Ingi Adamsson og Jóakim Jarl Hannesson - RAFÍK/FH

Önnur sem komust á verðlaunapall um helgina voru Róbert úr Ármanni sem sigraði Minecraft byggingakeppni í flokki 8-12 ára og Jóakim Jarl Hannesson, frá Rafík, sem vann Minecraft bingó í flokki 13-16 ára.

Tryggvi Freyr Jónsson frá Breiðabliki sigraði síðan í Roblox Dress to Impress og Sigurður Matthías FH/Fylkir vann í Roblox PVP í flokki 13-16 ára.

Í Valorant sigraði Vilhjálmur Máni Blöndal, Breiðabliki, í flokki 13-16 ára. Næstir komu Ríkarður Leó Ólafsson og Rúnar Lamz, einnig báðir úr Breiðabliki en óhætt er að segja að Kópavogsbúarnir hafi verið frekir til fjörsins í Valorant 13-16 ára því í kjölfarið komu tveir Blikar til viðbótar; Einar Már Karlsson og Kristján Guðni Vilhjálmsson.