Mjög af­drifa­ríkur hnerri

Bolton framherjinn meiddist nefnilega við það að hnerra. Þessi 26 ára gamli Nígeríumaður fann til í rifbeinunum og baki eftir þennan afdrifaríka hnerra.

Hnerrinn varð til þess að Adeboyejo missti af leik Bolton á þriðjudagskvöldið.

„Victor hefur verið að glíma verið hundleiðinleg bakmeiðsli og hnerrinn setti allt af stað,“ sagði knattspyrnustjórinn Ian Evatt í viðtali við staðarblaðið The Bolton News.

„Hann fann líka bil á milli rifbeinanna sinna og við erum að vona að þetta sér bara brjóskið eða vöðvatognun. Við þurfum að skoða vel myndirnar til að fá það á hreint,“ sagði Evatt.

„Victor er kraftmikill strákur og meira að segja hnerrarnir hans eru kraftmiklir,“ sagði Evatt og hafði húmor fyrir öllu saman.

„Ég þarf nú samt að líta í eigin barm þegar leikmennirnir mínir eru farir að meiðast við það að hnerra. Svona er bara staðan hjá okkur og við verðum bara að taka á því,“ sagði Evatt.

Bolton hefur ekki byrjað C-deildina sannfærandi en liðið er bara í átjánda sæti með fjögur stig úr fjórum fyrstu leikjunum.