Útreikningur FÍB standist enga skoðun Magnús Jochum Pálsson skrifar 3. september 2024 23:15 Erlendur S. Þorsteinsson reiknifræðingur segir útreikning FÍB ekki ganga upp. Verst sé að hann hafi náð svona miklu flugi. Vísir/Vilhelm/aðsent Færsla á vef Félags íslenskra bifreiðaeigenda þar sem flutningsgeta strætisvagns er borin saman við flutningsgetu einkabíla hefur vakið mikil viðbrögð. Reiknifræðingur segir útreikningana ekki standast skoðun sama hvernig á þá er litið. „Einfalt reikningsdæmi sýnir að einkabíllinn hefur vinninginn yfir strætisvagninn,“ sagði í færslu sem birtist á vef FÍB í dag. Ástæðan sé að á sama tíma og fullur strætisvagn ferðist um tveggja akreina götu með fimmtíu farþega á einni mínútu geti 450 bílar farið sömu leið á sama tíma. Eftir að færslan fór á flug á samfélagsmiðlum var talan leiðrétt í færslunni í 150 bíla. En hvort sem það eru 150 eða 450 einkabílar gengur reikningsdæmið hins vegar ekki upp. Reiknifræðingurinn Erlendur S. Þorsteinsson er einn þeirra sem hefur furðað sig á útreikningunum. Óskiljanlegur útreikningur „Ég horfði á þetta og ég skildi ekki alveg hvað var verið að reyna að gera þarna,“ segir Erlendur inntur eftir viðbrögðum við færslunni. „FÍB virðist vera að hugsa þetta þannig að þú sitjir einhvers staðar og horfir á bílana fara fram hjá. Það er miklu eðlilegra að horfa ofan á flötinn, ímynda sér ákveðinn reit að ákveðinni stærð og velta fyrir sér hvað þú getur pakkað mörgum bílum í reitinn. Svo fylgistu með þessum reit flytjast með umferðinni og þá ertu alltaf að horfa á sömu bílana,“ segir Erlendur „Hvað geturðu pakkað mörgum bílum af mismunandi stærð inn í svæðið?“ spyr Erlendur og það snúist alltaf um hvað strætisvagn sé stór miðað við einkabílinn, með bili séu það tveir til þrír bílar per strætisvagn. „Ef þú horfir praktískt á umferðina á háannatíma á morgnana þá er gjarnan bara einn í bíl. Ef þú tekur Strætó á sama tíma þá færðu ekki sæti,“ segir hann. Hvort tekur minna pláss, níu strætisvagnar eða 450 bílar? Fyndnast segir Erlendur vera að meira að segja í skökkum útreikningum FÍB þá hafi strætó vinninginn fram yfir einkabílinn. „Þeir sögðu að til þess að Strætó væri jafngildur einkabílnum þyrfti níu strætisvagna. Ef maður tekur það trúanlegt þá þarftu 450 bíla í stað níu strætisvagna. Þá er spurningin hvort tekur minna pláss, níu strætisvagnar eða 450 bílar?“ „Þeir lækkuðu töluna síðan niður í 150 þegar þeir föttuðu að þeir höfðu spurt gervigreindina að einhverri vitleysu,“ segir hann. „Stenst enga skoðun“ Það sem sé þó sérstaklega pirrandi, að sögn Erlends, sé að jafnrangur útreikningur og þessi skuli vera tekinn upp af FÍB og rata þaðan án gagnrýni í fjölmiðla. „Einhver spurði Copilot-gervigreindina spurningar og gaf vitlaust prompt og fékk þar af leiðandi vitlausa niðurstöðu. Það varð að ummælum á Borgarlínu-umræðuhópnum á Facebook. Það var sett gagnrýnislaust á vef FÍB og síðan tekið gagnrýnislaust upp í frétt á mbl,“ segir Erlendur um ferðalag reikningsdæmisins. „Þetta er einhver svona disinformation-póstur sem fer á óvænt flug og endar alla leið í Morgunblaðinu. En þetta stenst enga skoðun,“ segir hann. Spurning um að massaflytja fólk tvisvar á dag Erlendur segir augljóst að fólk sé ekki sammála um hvernig eigi að leysa umferðina. Fólk í úthverfum verði að gera sér grein fyrir fórnarkostnaðinum við að búa þar. Allt hafi verið byggt upp með bíla í huga og Borgarlínan virðist ein geta bætt úr því. „Sumir hafa góða ástæðu til að búa í úthverfunum. Konan mín vildi garð og þess vegna búum við í úthverfum, segir Erlendur. „Við gerðum okkur alveg grein fyrir því þegar við fluttum úr miðbænum í úthverfi Kópavogs hvað það myndi kosta okkur.“ Deilurnar um hvað eigi að gera eru að mati Erlendar ævintýralegar. „Umferðin er bara vandamál tvisvar á dag, á morgnana og síðdegis, þegar allir fara á sama tíma í og úr vinnu og skóla. Þannig þetta er bara spurning um að massaflytja fólk og hvernig ætlum við að gera það?“ „Það eru engar betri hugmyndir en Borgarlína, meira að segja Sjálfstæðismenn í sveitarfélögum í kringum Reykjavík hafa sagt það,“ segir hann. Strætó Bílar Umferð Samgöngur Mest lesið Stóra tjaldið fellt og hætt við brennuna vegna óveðurs Innlent Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Opnun Samverks á Hellu fagnað Innlent Fjölskyldufaðir stunginn meðan sonurinn horfði á Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent „Ég upplifi þetta sem mikinn yfirgang og ofbeldi“ Innlent Fleiri fréttir Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ Sjá meira
„Einfalt reikningsdæmi sýnir að einkabíllinn hefur vinninginn yfir strætisvagninn,“ sagði í færslu sem birtist á vef FÍB í dag. Ástæðan sé að á sama tíma og fullur strætisvagn ferðist um tveggja akreina götu með fimmtíu farþega á einni mínútu geti 450 bílar farið sömu leið á sama tíma. Eftir að færslan fór á flug á samfélagsmiðlum var talan leiðrétt í færslunni í 150 bíla. En hvort sem það eru 150 eða 450 einkabílar gengur reikningsdæmið hins vegar ekki upp. Reiknifræðingurinn Erlendur S. Þorsteinsson er einn þeirra sem hefur furðað sig á útreikningunum. Óskiljanlegur útreikningur „Ég horfði á þetta og ég skildi ekki alveg hvað var verið að reyna að gera þarna,“ segir Erlendur inntur eftir viðbrögðum við færslunni. „FÍB virðist vera að hugsa þetta þannig að þú sitjir einhvers staðar og horfir á bílana fara fram hjá. Það er miklu eðlilegra að horfa ofan á flötinn, ímynda sér ákveðinn reit að ákveðinni stærð og velta fyrir sér hvað þú getur pakkað mörgum bílum í reitinn. Svo fylgistu með þessum reit flytjast með umferðinni og þá ertu alltaf að horfa á sömu bílana,“ segir Erlendur „Hvað geturðu pakkað mörgum bílum af mismunandi stærð inn í svæðið?“ spyr Erlendur og það snúist alltaf um hvað strætisvagn sé stór miðað við einkabílinn, með bili séu það tveir til þrír bílar per strætisvagn. „Ef þú horfir praktískt á umferðina á háannatíma á morgnana þá er gjarnan bara einn í bíl. Ef þú tekur Strætó á sama tíma þá færðu ekki sæti,“ segir hann. Hvort tekur minna pláss, níu strætisvagnar eða 450 bílar? Fyndnast segir Erlendur vera að meira að segja í skökkum útreikningum FÍB þá hafi strætó vinninginn fram yfir einkabílinn. „Þeir sögðu að til þess að Strætó væri jafngildur einkabílnum þyrfti níu strætisvagna. Ef maður tekur það trúanlegt þá þarftu 450 bíla í stað níu strætisvagna. Þá er spurningin hvort tekur minna pláss, níu strætisvagnar eða 450 bílar?“ „Þeir lækkuðu töluna síðan niður í 150 þegar þeir föttuðu að þeir höfðu spurt gervigreindina að einhverri vitleysu,“ segir hann. „Stenst enga skoðun“ Það sem sé þó sérstaklega pirrandi, að sögn Erlends, sé að jafnrangur útreikningur og þessi skuli vera tekinn upp af FÍB og rata þaðan án gagnrýni í fjölmiðla. „Einhver spurði Copilot-gervigreindina spurningar og gaf vitlaust prompt og fékk þar af leiðandi vitlausa niðurstöðu. Það varð að ummælum á Borgarlínu-umræðuhópnum á Facebook. Það var sett gagnrýnislaust á vef FÍB og síðan tekið gagnrýnislaust upp í frétt á mbl,“ segir Erlendur um ferðalag reikningsdæmisins. „Þetta er einhver svona disinformation-póstur sem fer á óvænt flug og endar alla leið í Morgunblaðinu. En þetta stenst enga skoðun,“ segir hann. Spurning um að massaflytja fólk tvisvar á dag Erlendur segir augljóst að fólk sé ekki sammála um hvernig eigi að leysa umferðina. Fólk í úthverfum verði að gera sér grein fyrir fórnarkostnaðinum við að búa þar. Allt hafi verið byggt upp með bíla í huga og Borgarlínan virðist ein geta bætt úr því. „Sumir hafa góða ástæðu til að búa í úthverfunum. Konan mín vildi garð og þess vegna búum við í úthverfum, segir Erlendur. „Við gerðum okkur alveg grein fyrir því þegar við fluttum úr miðbænum í úthverfi Kópavogs hvað það myndi kosta okkur.“ Deilurnar um hvað eigi að gera eru að mati Erlendar ævintýralegar. „Umferðin er bara vandamál tvisvar á dag, á morgnana og síðdegis, þegar allir fara á sama tíma í og úr vinnu og skóla. Þannig þetta er bara spurning um að massaflytja fólk og hvernig ætlum við að gera það?“ „Það eru engar betri hugmyndir en Borgarlína, meira að segja Sjálfstæðismenn í sveitarfélögum í kringum Reykjavík hafa sagt það,“ segir hann.
Strætó Bílar Umferð Samgöngur Mest lesið Stóra tjaldið fellt og hætt við brennuna vegna óveðurs Innlent Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Opnun Samverks á Hellu fagnað Innlent Fjölskyldufaðir stunginn meðan sonurinn horfði á Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent „Ég upplifi þetta sem mikinn yfirgang og ofbeldi“ Innlent Fleiri fréttir Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ Sjá meira