Frans páfi á far­alds­fæti

 Heimsókn páfa er söguleg að því leyti að hún mun standa yfir í tólf daga, en það er lengsta samfellda ferðalag páfa frá því hann tók við embættinu. Frans, sem er orðinn 87 ára hefur undanfarið glímt við ýmisskonar heilsubrest og hefur verið bundinn við hjólastól síðustu mánuði.

Ferðinni er ætlað að efla tengslin á milli trúarbragða heimsins, en Indónesía er svo dæmi sé tekið eitt fjölmennasta múslimaríki í heimi. Þá mun páfi einnig ræða loftslagsmálin og átakamál á milli ríkja á Kyrrahafi sem hafa verið að magnast undanfarið.

Auk Indónesíu fer páfinn til Papúa Nýju Gíneu, Austur-Tímor og Singapúr.