Innlent

Rann­­sókn miðar vel og gæslu­varð­halds­krafa lögð fram í dag

Rafn Ágúst Ragnarsson skrifar
Frá Norðfirði þar sem eldri hjón fundust látin í heimahúsi í gær.
Frá Norðfirði þar sem eldri hjón fundust látin í heimahúsi í gær. Vísir/Hjalti

Lögregla segir rannsókn máls hjóna sem fundust látin í Neskaupstað í gær miða vel. Maður var handtekinn í Reykjavík í gær og verður krafa um gæsluvarðhald yfir honum lögð fram síðar í dag. Krafan verður gerð fyrir héraðsdómi Reykjavíkur

Lögreglan á Austurlandi greinir frá þessu í tilkynningu. Enn er margt á huldu um þennan voveiflega atburð í röð voveiflegra atburða sem hafa dunið á samfélagið í Norðfirði undanfarið ár. Í gær fór fram minningarstund í Norðfjarðarkirkju vegna andláts manns sem lést af völdum voðaskots.

Lögregla hefur sagt að rannsókn eigi eftir að leiða í ljós hvenær hjónin létust. Enn sé óljóst hvort skotvopni hafi verið beitt en tæknideild lögreglunnar og réttarmeinafræðingur hafa staðið að vettvangsrannsókn. Lögregla telur sig hafa nokkuð skýra mynd af málinu og hverjir komi að því.

Hinn handtekni er einnig grunaður um að hafa tekið bíl hjónanna og ekið honum til Reykjavíkur en það líkt og margt annað í þessu máli hefur ekki verið staðfest og er til rannsóknar hjá lögreglunni á Austurlandi.

Kristján Ólafur Guðnason, yfirlögregluþjónn hjá lögreglunni á Austurlandi sagði í samtali við fréttastofu í gær að hinn handtekni sé ekki tengdur hinum látnu fjölskylduböndum. Hann telur þó íbúa Norðfjarðar ekki hafa neitt að óttast. Einn einstaklingur sé grunaður í málinu og er hann í haldi lögreglu.

Lögreglumál Fjarðabyggð Rannsókn á andláti hjóna í Neskaupstað

Tengdar fréttir

Tvennt látið í Neskaupstað og einn handtekinn

Lögreglan á Austurlandi rannsakar nú alvarlegt atvik í heimahúsi í Norðfirði. Eldri hjón voru úrskurðuð látin og einn handtekinn í tengslum við rannsókn málsins.

Maðurinn handtekinn eftir að honum var veitt eftirför

Viðbúnaður lögreglunnar á höfuðborgarsvæðinu og sérsveit ríkislögreglustjóra á Snorrabraut í dag þar sem maður var handtekinn tengist atburði í Neskaupstað þar sem tveir fundust látnir í heimahúsi í nótt.

Mest lesið


Fleiri fréttir

Sjá meira


×

Mest lesið