Ís­land aldrei ofar á heims­listanum

FIFA gefur út styrkleikalista sinn fjórum sinnum á ári en Ísland er í 13. sæti á nýjum lista. Liðið fer upp um eitt sæti frá síðasta lista, sem gefinn var út í júní. Ísland var í 15. sæti listans í upphafi árs.

Ísland var í 17. sæti á fyrsta heimslistanum sem gefinn var út í júlí 2003 og hefur verið á svipuðum slóðum þau rúmu 20 ár sem liðin eru síðan.

Ísland fór hæst í 15. sæti árið 2011 og aftur árið 2013. Það fór lægst í 22. sæti árið 2018.

Þá var það í ágúst 2022 sem liðið fór í fyrsta skipti upp í 14. sæti sem var hæsta sæti Íslands þar til í dag. Ísland er með 1877 stig á listanum, 20 stigum frá Danmörku sem er sæti ofar.

Frábært 3-0 sigur á Þýskalandi hefur mikið um árangurinn að segja en Ísland vann einnig 1-0 sigur á Pólverjum í síðasta landsliðsglugga. Liðið tryggði sér sæti á EM í Sviss á næsta ári með árangrinum.

Bandaríkin flugu upp um fjögur sæti á topp listans eftir sigur liðsins á Ólympíuleikunum.  England er í öðru sæti og Spánn, sem var á toppnum, fer niður í þriðja sæti.

Topp tíu

1. Bandaríkin
2. England
3. Spánn
4. Þýskaland
5. Svíþjóð
6. Kanada
7. Japan
8. Brasilía
9. Norður-Kórea
10. Frakkland
11. Holland 
12. Danmörk
13. Ísland
14. Ítalía
15. Ástralía