Haukur kemur á láni til ÍA frá Lille þar sem hann hefur verið frá því á síðasta ári. Hann skrifar undir eins árs lánssamning við Skagamenn.
Haukur Andri heim á láni!
— ÍA Akranes FC (@Skagamenn) July 27, 2024
Knattspyrnufélagið ÍA hefur fengið Hauk Andra Haraldsson heim á láni frá franska félaginu Lille. Lánsamningurinn gildir út júní 2025 en samhliða hefur Haukur Andri framlengt samningi sínum við Lille um eitt ár.
Velkominn heim Haukur Andri 💛🖤 pic.twitter.com/ACglCFStx8
Haukur er 19 ára gamall og uppalinn hjá ÍA, en lék tuttugu leiki með unglingaliði Lille á síðasta tímabili þar sem hann kom að átta mörkum.
Hann er þó ekki á leið heim fyrir fullt og allt því á sama tíma skrifaði Haukur einnig undir framlengingu á samningi sínum við Lille. Nýi samningurinn gildir til ársins 2027.
Haukur mun veita Skagamönnum liðsstyrk í baráttu þeirra um Evrópusæti, en liðið situr í fimmta sæti Bestu-deildarinnar með 24 stig eftir 15 leiki. Áður en Haukur hélt út í atvinnumennsku lék hann 27 leiki fyrir ÍA og skoraði í þeim þrjú mörk.