Albert neitaði sök

Greint var frá því í gær að Héraðssaksóknari hefði gefið út ákæru á hendur Alberti eftir að hafa áður fellt mál hans niður. Það var gert á grundvelli þess að málið þætti ekki líklegt til sakfellingar. Ríkissaksóknari felldi þá ákvörðun úr gildi og beindi því til Héraðssaksóknara að gefa út ákæru.

Albert hefur staðfastlega neitað sök frá því að ung kona kærði hann fyrir kynferðisbrot í ágúst síðastliðnum. Síðan þá hefur hann ýmist mátt spila eða ekki mátt spila með íslenska karlalandsliðinu í knattspyrnu. Nú þegar ákæra hefur verið gefin út og þingfest eru reglur KSÍ skýrar um að hann megi það ekki.