„Markmiðið klárlega að vinna heimsleikana“ Aron Guðmundsson skrifar 19. júní 2024 10:00 Bergrós ætlar sér langt í CrossFit heiminum Vísir/Einar Bergrós Björnsdóttir stefnir hraðbyri í að verða næsta stjarna Íslands í CrossFit. Hún stefnir langt, ætlar sér að verða atvinnumaður í íþróttinni, og hefur gengið í gegnum viðburðaríka mánuði upp á síðkastið. Bergrós reyndi fyrir sér í undankeppni fyrir heimsleika fullorðinna í CrossFit í síðasta mánuði, þrátt fyrir að vera enn gjaldgeng í flokki unglinga, en þurfti frá að hverfa eftir að hafa tognað á ökkla undir lok einnar greinarinnar. Rætt var við Bergrósu í Sportpakkanum í gær: „Ég mætti til leiks í keppnina með nánast engar væntingar sem og enga pressu þannig séð. Ég hugsa þetta ár rosalega mikið út frá því að öðlast meiri reynslu og fá að keppa og reyna fyrir mér í fullorðins flokki. Aðalatriðið var bara að hafa gaman og að fá lærdóm út úr þessu. Það náðist klárlega mjög vel. Ég lít því á þetta sem góða reynslu. En það sem gekk ekki alveg nóg vel er að ég náði ekki alveg að klára keppnina. Eftir fjórða af sex WOD-um missteig ég mig og tognaði smá á ökkla og ákvað í kjölfarið að það væri ekki sniðugt að halda áfram keppni. Ég fann strax fyrir sársauka en vildi ekki láta það sjást og reyndi því að labba venjulega í burtu. Ég var samt alveg enn en með þá von í huga að geta haldið áfram en innst inni vissi ég að það hefði eitthvað gerst.“ Bergrós er til í að leggja inn vinnuna sem mun skila henni að meðal þeirra bestu í heiminum í CrossFitVísir/Einar Erfitt fyrir hausinn Á þeim tíma voru aðeins nokkrir dagar þangað til að Bergrós ætlaði sér að taka þátt á heimsmeistaramótinu í ólympískum lyftingum sem haldið var í Perú þetta árið og ekki útséð með þátttökuna á því móti. „Fyrstu þrjá dagana eftir þetta, fjórum dögum fyrir Heimsmeistaramótið, voru líkurnar í hausnum mínum gagnvart því að ég gæti tekið þátt á HM nánast engar. Ég átti erfitt með að labba og gat ekki hugsað mér að fara lyfta einhverjum þyngdum. Þetta var því erfitt fyrir hausinn. Sérstaklega vegna þess að ég var með þjálfarann minn og mömmu mína með mér. Mér fannst það erfið tilhugsun að hafa dregið þau með mér í tólf klukkustunda flug til Perú og vera kannski ekki að fara keppa.“ Það býr hins vegar mikill styrkur í Selfyssingnum unga og með hjálp góða teymisins í kringum hana náði hún að gera sig keppnishæfa og gott betur en það. Bergrós vann nefnilegast til silfurverðlauna á mótinu, fyrst Íslendinga, og var aðeins einni góðri lyftu frá því að tryggja sér sigur á mótinu. „Það var nánast kraftaverk að ég gæti keppt yfir höfuð. Þótt að ég hafi verið svona nálægt því að vinna, sem var auðvitað markmiðið áður en ég meiddist, þá var þetta mjög skemmtileg keppni að taka þátt í. Jöfn og skemmtileg keppni. Það að hafa geta keppt og verið fulltrúi Íslands á verðlaunapalli var ótrúlega skemmtilegt.“ Vill gera sjálfa sig og fólkið í kringum sig stolt Framundan eru svo spennandi mánuðir því að í ágúst munu heimsleikar unglinga í CrossFit þetta árið fara fram. Bergrós á góðar minningar frá því móti og hreppti einmitt bronsverðlaun þar í fyrra. Bergrós ver miklum tíma í æfingaaðstöðunni hjá CrossFit ReykjavíkVísir/Einar Hún er á góðu skriði fyrir mótið sem er það eina sem hún er að einbeita sér að þessar vikurnar. „Ég er búin að fara í gegnum þrjár undankeppnir fyrir þessa heimsleika. Þær gengu ótrúlega vel. Ég mæti því til leiks í mótið með sjálfstraustið í botni og miklar væntingar. Markmiðið er klárlega bara að vinna heimsleikana. Það sem er þó mikilvægara fyrir mig er bara að gera sjálfa mig stolta. Gera mitt allra besta og gera sjálfa mig stolta því að í lok dags hef ég ekki stjórn á neinu nema því sem ég geri. Ég stjórna því ekki hvernig WOD-in verða, eða hvort að dómarinn minn sé strangari við mig en hinar stelpurnar. Það eru margir þættir sem ég hef ekki stjórn á. Ég einbeiti mér bara að því að gera mitt allra besta og um leið gera sjálfa mig og fólkið í kringum mig stolt.“ CrossFit Mest lesið Samherji Stefáns Teits kærður fyrir meint bit Enski boltinn Viktor Gísli öflugur gegn PSG Handbolti Ricciardo tapar sæti sínu hjá RB Formúla 1 Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Andri Már spilaði stóran þátt í sigri Leipzig Handbolti Amanda lagði upp á leið sinni í riðlakeppni Meistaradeildar Evrópu Fótbolti Birkir á leið til Vals á nýjan leik Íslenski boltinn Fleiri fréttir Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Helena verður á skjánum í vetur Kroos ætlaði að fara til United en svo var Moyes rekinn Fortnite er aðalleikurinn Afleitur Evrópuárangur Ten Hags upp á síðkastið Derrick Rose leggur skóna á hilluna Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Mögnuðu tímabili nýliðans Clark lokið: „Get orðið miklu betri“ Óbreytt staða á toppnum í Rocket League Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Æfir eftir stæla þjálfarans og banna leikmenn í landsliðið Sjá meira
Bergrós reyndi fyrir sér í undankeppni fyrir heimsleika fullorðinna í CrossFit í síðasta mánuði, þrátt fyrir að vera enn gjaldgeng í flokki unglinga, en þurfti frá að hverfa eftir að hafa tognað á ökkla undir lok einnar greinarinnar. Rætt var við Bergrósu í Sportpakkanum í gær: „Ég mætti til leiks í keppnina með nánast engar væntingar sem og enga pressu þannig séð. Ég hugsa þetta ár rosalega mikið út frá því að öðlast meiri reynslu og fá að keppa og reyna fyrir mér í fullorðins flokki. Aðalatriðið var bara að hafa gaman og að fá lærdóm út úr þessu. Það náðist klárlega mjög vel. Ég lít því á þetta sem góða reynslu. En það sem gekk ekki alveg nóg vel er að ég náði ekki alveg að klára keppnina. Eftir fjórða af sex WOD-um missteig ég mig og tognaði smá á ökkla og ákvað í kjölfarið að það væri ekki sniðugt að halda áfram keppni. Ég fann strax fyrir sársauka en vildi ekki láta það sjást og reyndi því að labba venjulega í burtu. Ég var samt alveg enn en með þá von í huga að geta haldið áfram en innst inni vissi ég að það hefði eitthvað gerst.“ Bergrós er til í að leggja inn vinnuna sem mun skila henni að meðal þeirra bestu í heiminum í CrossFitVísir/Einar Erfitt fyrir hausinn Á þeim tíma voru aðeins nokkrir dagar þangað til að Bergrós ætlaði sér að taka þátt á heimsmeistaramótinu í ólympískum lyftingum sem haldið var í Perú þetta árið og ekki útséð með þátttökuna á því móti. „Fyrstu þrjá dagana eftir þetta, fjórum dögum fyrir Heimsmeistaramótið, voru líkurnar í hausnum mínum gagnvart því að ég gæti tekið þátt á HM nánast engar. Ég átti erfitt með að labba og gat ekki hugsað mér að fara lyfta einhverjum þyngdum. Þetta var því erfitt fyrir hausinn. Sérstaklega vegna þess að ég var með þjálfarann minn og mömmu mína með mér. Mér fannst það erfið tilhugsun að hafa dregið þau með mér í tólf klukkustunda flug til Perú og vera kannski ekki að fara keppa.“ Það býr hins vegar mikill styrkur í Selfyssingnum unga og með hjálp góða teymisins í kringum hana náði hún að gera sig keppnishæfa og gott betur en það. Bergrós vann nefnilegast til silfurverðlauna á mótinu, fyrst Íslendinga, og var aðeins einni góðri lyftu frá því að tryggja sér sigur á mótinu. „Það var nánast kraftaverk að ég gæti keppt yfir höfuð. Þótt að ég hafi verið svona nálægt því að vinna, sem var auðvitað markmiðið áður en ég meiddist, þá var þetta mjög skemmtileg keppni að taka þátt í. Jöfn og skemmtileg keppni. Það að hafa geta keppt og verið fulltrúi Íslands á verðlaunapalli var ótrúlega skemmtilegt.“ Vill gera sjálfa sig og fólkið í kringum sig stolt Framundan eru svo spennandi mánuðir því að í ágúst munu heimsleikar unglinga í CrossFit þetta árið fara fram. Bergrós á góðar minningar frá því móti og hreppti einmitt bronsverðlaun þar í fyrra. Bergrós ver miklum tíma í æfingaaðstöðunni hjá CrossFit ReykjavíkVísir/Einar Hún er á góðu skriði fyrir mótið sem er það eina sem hún er að einbeita sér að þessar vikurnar. „Ég er búin að fara í gegnum þrjár undankeppnir fyrir þessa heimsleika. Þær gengu ótrúlega vel. Ég mæti því til leiks í mótið með sjálfstraustið í botni og miklar væntingar. Markmiðið er klárlega bara að vinna heimsleikana. Það sem er þó mikilvægara fyrir mig er bara að gera sjálfa mig stolta. Gera mitt allra besta og gera sjálfa mig stolta því að í lok dags hef ég ekki stjórn á neinu nema því sem ég geri. Ég stjórna því ekki hvernig WOD-in verða, eða hvort að dómarinn minn sé strangari við mig en hinar stelpurnar. Það eru margir þættir sem ég hef ekki stjórn á. Ég einbeiti mér bara að því að gera mitt allra besta og um leið gera sjálfa mig og fólkið í kringum mig stolt.“
CrossFit Mest lesið Samherji Stefáns Teits kærður fyrir meint bit Enski boltinn Viktor Gísli öflugur gegn PSG Handbolti Ricciardo tapar sæti sínu hjá RB Formúla 1 Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Andri Már spilaði stóran þátt í sigri Leipzig Handbolti Amanda lagði upp á leið sinni í riðlakeppni Meistaradeildar Evrópu Fótbolti Birkir á leið til Vals á nýjan leik Íslenski boltinn Fleiri fréttir Samherji Stefáns Teits kærður fyrir meint bit Ricciardo tapar sæti sínu hjá RB Viktor Gísli öflugur gegn PSG Engin vandræði þrátt fyrir að vera manni færri nær allan leikinn ÍBV og Grótta með sigra Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Birkir á leið til Vals á nýjan leik Segir álagið vera að drepa menn Helena verður á skjánum í vetur Kroos ætlaði að fara til United en svo var Moyes rekinn Fortnite er aðalleikurinn Afleitur Evrópuárangur Ten Hags upp á síðkastið Derrick Rose leggur skóna á hilluna Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Mögnuðu tímabili nýliðans Clark lokið: „Get orðið miklu betri“ Óbreytt staða á toppnum í Rocket League Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Æfir eftir stæla þjálfarans og banna leikmenn í landsliðið Sjá meira