Fótbolti

Ein­kunnir Ís­lands: Karó­lína Lea best meðal jafningja

Íþróttadeild Vísis skrifar
Karólína Lea Vilhjálmsdóttir og Sveindís Jane Jónsdóttir í leik kvöldsins.
Karólína Lea Vilhjálmsdóttir og Sveindís Jane Jónsdóttir í leik kvöldsins. Vísir/Diego

Ísland vann Austurríki 2-1 á Laugardalsvellinum í kvöld í 4. umferð undankeppni Evrópukeppninnar 2025. Leikurinn endaði 2-1 þar sem Hlín Eiríksdóttir og Hildur Antonsdóttir skoruðu mörkin en það var Karólína Lea Vilhjálmsdóttir sem var potturinn og pannan í sóknarleik liðsins. Karólína var valinn maður leiksins.

Leikurinn endaði með sigri Íslands þar sem Hlín Eiríksdóttir og Hildur Antonsdóttir skoruðu mörkin en eins og svo oft áður var það Karólína Lea Vilhjálmsdóttir sem var potturinn og pannan í sóknarleik liðsins. Karólína Lea var valin best að mati Íþróttadeild Vísis, hér að neðan má sjá einkunnir leikmanna eftir sigur kvöldsins.

Byrjunarlið

Fanney Inga Birgisdóttir, markvörður - 6

Réði ekki mikið við markið sem Austurríki skoraði en greip vel inn í það sem þurfti og varði þau fáu skot sem komu á markið.Vísir/Diego

Guðný Árnadóttir, hægri bakvörður - 6

Hefði mögulega mátt gera betur í marki Austurríkis. Stóð sína plikt annars vel.Vísir/Diego

Glódís Perla Guðmundsdóttir, miðvörður (fyrirliði) - 7

Vaktin var staðin af miklum sóma. Sóknarmenn gestanna komstu lítt áleiðis gegn henni.Vísir/Diego

Ingibjörg Sigurðardóttir, miðvörður - 7

Stóð sína vakt einnig vel sem gerði það að verkum að gestirnir gerðu lítið sóknarlega.Vísir/Diego

Guðrún Arnardóttir, vinstri bakvörður - 7

Frábær sprettur til að skapa fyrsta markið. Skilaði svo góðum varnarleik einnig.Vísir/Diego

Selma Sól Magnúsdóttir, miðjumaður - 6

Var mest í baráttunni á miðjunni í dag. Skilaði fínu dagsverki.Vísir/Diego

Hildur Antonsdóttir, miðjumaður - 7

Rosalegur skalli til að koma Íslandi yfir. Þrumaði honum með pönnunni í netið. Baráttan einnig til fyrirmyndar.Vísir/Diego

Karólína Lea Vilhjálmsdóttir, miðjumaður - 8 (Maður leiksins)

Yfirburðar leikmaður í dag. Tvær stoðsendingar, óheppin að skora ekki úr hornspyrnum í upphafi seinni hálfleiks. Sóknarleikurinn flæddi í gegnum hana og spyrnur hennar sköpuðu ótta og hættu.Vísir/Diego

Hlín Eiríksdóttir, framherji - 7

Frábærlega tekið fyrsta markið. Yfirvegun og gæði sýnd þar til að skora. Komst í annað gott færi um miðjan seinni hálfleik sem var vel varið.Vísir/Diego

Sveindís Jane Jónsdóttir, framherji - 6

Gat notið sín mikið betur sóknarlega í seinni hálfleik en fékk úr litlu að moða í þeim fyrri. Sinnti þó baráttu- og varnarvinnunni vel.Vísir/Diego

Sandra María Jessen, framherji - 5

Skilaði góðri varnarvinnu í fyrri hálfleik þegar á þurfti að halda. Sást annars lítið sóknarmegin.Vísir/Diego

Varamenn

Alexandra Jóhannsdóttir kom inn á fyrir Selmu Sól Magnúsdóttur á 77. mínútu.

Spilaði of lítið til að fá einkunn.

Diljá Ýr Zomers kom inn á fyrir Hlín Eiríksdóttur á 90. mínútu.

Spilaði of lítið til að fá einkunn.

Emilía Ásgeirsdóttir kom inn á fyrir Söndru Maríu Jessen á 90. mínútu.

Spilaði of lítið til að fá einkunn.

Berglind Ágústsdóttir kom inn á fyrir Karólínu Leu Vilhjálmsdóttur á 92. mínútu.

Spilaði of lítið til að fá einkunn.

Fótbolti Landslið kvenna í fótbolta EM í Sviss 2025

Tengdar fréttir

Mest lesið


Fleiri fréttir

Sjá meira


×

Mest lesið