Heitur pottur og sauna, tvenna sem getur ekki klikkað!

Úrvalið hjá NormX hefur aldrei verið meira og ekki skemmir fyrir að verðin eru þau sömu og síðasta sumar segir Orri Stefánsson, sölu- og verslunarstjóri NormX. „Salan á heitum og köldum pottum hefur aukist jafnt og þétt undanfarin á. Heitir pottar hafa auðvitað þekkst hér á landi í áratugi en það eru nokkur ár síðan landsmenn fóru að meta kalda potta fyrir alvöru enda hafa köld böð góð áhrif á líkama og sál að sögn fróðra manna. Þau geta t.d. minnkað bólgur og flýtt fyrir endurheimt eftir erfiðar æfingar.“

NormX hefur rúmlega fjögurra áratuga reynslu af smíði heitra potta og því ljóst að Íslendingar kunna vel að meta þá. „Enda sameinast þar bæði gott verð og góð gæði. Ódýrasti potturinn okkar kostar 148.000 kr. en Grettislaug, sem er vinsælasti potturinn, kostar 285.000 kr. og tekur 1400 lítra. Pottarnir okkar henta íslenskri veðráttu mjög vel og með góðri umhirðu endast þeir í nokkra áratugi. Það er því óhætt að segja að erfitt sé að finna sambærilega potta á svo góðu verði hérlendis.“

Allir pottar frá NormX eru framleiddir úr gegn heilu Polyethylene plasti með UV-vörn sem kemur í veg fyrir að sólin hafi áhrif á lit þeirra. Auk þess er mjög auðvelt að þrífa þá.

Utan Grettislaugar framleiðir NormX pottana Gvendarlaug, Unnarlaug, Snorralaug og Geirslaug. Þeir eru misstórir og koma allir í þremur litum, bláum, dökkgráum og ljósgráum. Kaldi potturinn heitir Sigurlaug og kemur einnig í sömu þremur litunum.

Úrval gagnlegra og skemmtilegra aukahluta

Hjá NormX fæst allt sem þarf til að koma sér upp potti á pallinn, t.d. hitastýringar, tengibúnað og burðargrindur undir pottana. „Burðargrindurnar einfalda málið mikið þegar kemur að því að ganga frá pottinum á pallinum. Grindurnar koma í nokkrum útfærslum auk þess sem hægt er að fá þær með lengingu á einni hlið sem er heppilegt ef fólk vill hafa pláss til að leggja lokið upp að vegg. Þær koma óklæddar og því er hægt að klæða þær með því efni sem hver og einn vill. Svo má ekki gleyma að hægt er að bæta við nuddi í alla potta frá okkur.“

Úrval aukahluta er í boði og má þar t.d. nefna úrval af hitamælum, háfa í laufveiðar, bursta í þrifin, vatnsheld spil, klór og hreinsiefni. „Meðal vinsælla nýjunga í aukahlutum má nefna vönduð plastglös sem eru tilvalin við pottinn, á pallinn eða í útileguna eða sem tækifærisgjöf. Einnig hafa fljótandi „hengirúmin“ okkar slegið í gegn enda er frábær slökun að fljóta og njóta í þeim.“

Vandaðir rafmagnspottar sem henta vel aðstæðum hérlendis

Utan hefðbundinna heitra og kaldra potta er NormX nú einnig að fara að bjóða upp á rafmagnspotta frá finnska fyrirtækinu Novitek. „Þetta fyrirtæki hefur framleitt rafmagnspotta í fjölda ára. Pottarnir þeirra eru mjög vandaðir í alla staði og gerðir til að þola erfiðustu aðstæður á norðurslóðum. Það er komin mjög góð reynsla á pottana víða um heim. Allir pottarnir sem við seljum frá Novitek koma með 6 kw hiturum.“

Hann segir kosti rafmagnspotta helst vera þá að þeir séu alltaf tilbúnir til notkunar. „Þeir nota einnig minna vatn. Rafmagnspottar eru náttúrulega mjög góðir á köldum svæðum og þar sem skortur er á heitu vatni. Einnig er yfirleitt mun auðveldara að koma þeim fyrir og tengingar eru einfaldari. Þannig að rafmagnspottur getur verið góður kostur við ákveðnar aðstæður.“

Lífsgæði fólgin í saunahúsum

NormX býður upp á fimm gerðir af saunahúsum frá Saunasell sem hafa framleitt slík hús í fimmtán ár. „Fyrst má nefna hefðbundnar tunnur, „square“ tunnur, sem eru rúmbetri en hefðbundnar tunnur. Patio er önnur tegund sem er með beinum línum og er mjög stílhrein. Þessi tegund fæst í mörgum gerðum. Svo má nefna Round Cube en þessi tegund hefur hlotið hin virtu Red Dot hönnunarverðlaun. Það sem helst einkennir þessa tegund eru ávalar línur og mjög flott hönnun. Primo er svo vandaðasta gerðin en í hana er notast við tvöfaldan thermo við.“

Hann segir mikil lífsgæði vera fólgin í því að koma sér upp saunahúsum. „Saunaböð eru sögð hafa margvísleg og góð áhrif á líkamann, vöðva, liði og æðakerfi ásamt því að veita slökun og bæta svefn. Þannig að ferð í sauna er ekki bara slökun heldur er ávinningur af hverri ferð fyrir líkama og sál.“

Það er því ekki skrýtið að vinsældir saunahúsa hafi aukist hérlendis undanfarin ár. „Það sést vel á fjölda þeirra sem eru farnir selja saunaklefa. Sífellt fleiri eru að bæta við saunaklefa á pallinn eða við bústaðinn. Enda ekki skrítið þar sem hver ferð í sauna er ávísun á slökun og vellíðan.“

Ásamt því að bjóða upp á saunahúsin hefur NormX einnig hafið sölu saunaofnum frá HUUM í Eistlandi, en saunaofnar frá HUUM eru mjög vandaðir og hafa vakið eftirtekt fyrir flotta hönnun og gæði. „Þeir hafa eins og Round Cube fengið hin eftirsóttu Red dot hönnunarverðlaun. Við erum mjög ánægð að geta boðið upp á þessa flottu ofna.“

NormX er rótgróið fyrirtæki sem fagnaði 40 ára afmæli árið 2022. Framleiðsla þess fer fram í verksmiðju NormX í Vogum á Vatnsleysuströnd en verslun og sýningarsalur er í Auðbrekku 6 í Kópavogi. „Persónuleg og góð þjónusta hefur alltaf verið í forgrunni hjá starfsfólki okkar,“ segir Orri. „Enda höfum við haft stóran hóp tryggra viðskiptavina í mörg ár sem vita að hverju þeir ganga hér, úrvals vörum og góðri þjónustu.“