Fernandes í­hugar að stökkva frá borði

Fernandes hefur verið besti leikmaður United síðan hann kom til liðsins frá Sporting 2020 og var gerður að fyrirliða liðsins fyrir þetta tímabil.

United mætir Manchester City í úrslitaleik ensku bikarkeppninnar 25. maí og breskir fjölmiðlar segja að það gæti orðið síðasti leikur Fernandes fyrir Rauðu djöflana.

Félög í Sádi-Arabíu ku hafa áhuga á hinum þrítuga Fernandes, meðal annars Al-Nassr sem Cristiano Ronaldo, samherji hans í portúgalska landsliðinu, leikur með.

Fernandes hefur leikið 45 leiki í öllum keppnum í vetur, skorað fimmtán mörk og lagt upp ellefu. Hann er samningsbundinn United til 2026.