Liverpool aftur á leiðinni til Adidas

Frá þessu greinir miðilinn Sport Business. Þrettán ár eru liðin frá því að Liverpool lék síðast í treyju frá Adidas.

Miðilinn greinir frá því að bæði Nike og Puma hafi barist um samning við enska félagið en Adidas hafi verið fyrir valinu. Í dag leikur félagið í búningi frá Nike og hefur liðið verið í því merki frá árinu 2020.

Nike greiðir félaginu í dag 30 milljónir punda á hverju tímabili fyrir núgildandi samning. Sú upphæð mun hækka umtalsvert í nýjum samningi við Adidas en ekki hefur verið tilkynnt um skiptin yfir til íþróttavörurisans.

En þýska fyrirtækið greiðir til að mynda Manchester United 90 milljónir punda á hverju tímabili fyrir að klæðast treyjum frá Adidas og gerði félagið tíu ára samning árið 2023. Forsvarsmenn Liverpool neituðu að tjá sig um málið þegar Sport Business leitaðist eftir staðfestingu.