Þrumuræðan sem tryggði Þorvaldi formannsstól KSÍ: „Ég býð ykkur annan valkost en afturhvarf til fortíðar“ Ágúst Orri Arnarson skrifar 28. febrúar 2024 18:36 Þorvaldur Örlygsson, nýkjörinn formaður KSÍ, flutti þrumuræðu á ársþinginu. vísir / anton brink Þorvaldur Örlygsson var um síðastliðna helgi kjörinn formaður Knattspyrnusambands Íslands. Þorvaldur flutti kraftmikla framboðsræðu sem hreyfði eflaust við fundargestum áður en gengið var til kjörkassa. Þar boðaði hann breytingar og framfarir, lýsti yfir óbeit sinni á óheiðarleika og sagði KSÍ ekki eiga að vera klíkuskap á kaffihúsum. Ætlar að gera það sem er best fyrir íslenska knattspyrnu Þorvaldur hóf ræðu sína á því að segja fundargestum frá þeim draumi sínum að kjörgengnir aðilar hafi hagsmuni íslenskrar knattspyrnu að leiðarljósi. „Sumir ætla að kjósa þann sem þeim finnst skemmtilegastur, aðrir þann sem er félagi þeirra, enn aðrir þann sem kemur best fyrir í sjónvarpinu. Minn draumur, þótt ótrúlegt megi virðast, er sá að menn kjósi þann sem mun gera það sem er best fyrir íslenska knattspyrnu.“ Skýr sýn á hlutverk formanns Þorvaldur sagði hlutverk formanns skipta sambandið og aðildarfélög þess gríðarlega miklu máli. Hann hefði sterka sýn um hvernig ætti að sinna því og lá ekki á skoðunum sínum um hvernig formaður KSÍ skal starfa. „Ég er þeirrar skoðunar að KSÍ eigi að vera vel rekið, hafa heildarhagsmuni knattspyrnunnar að leiðarljósi, hagsmuni iðkenda að leiðarljósi og eigi að vera stuðningsaðili félaganna og stuðla að vexti og viðgangi bæði í karla- og kvennaknattspyrnunni. Mín skoðun er sú að formaður eigi að vera í nánustu tengslum við hreyfinguna, meira en oft hefur verið, eigi að vera í betri samskiptum við félögin og styðja verkefnin sem þau eru í.“ Grasrótarmaður sem þolir ekki óheiðarleika og baktjaldamakk Að þessu sinni voru þrír sem buðu sig fram, það voru þeir Guðni Bergsson, Vignir Már Þormóðsson og Þorvaldur Örlygsson. Fór það svo að Þorvaldur stóð uppi sem sigurvegari en þar sem það þarf hreinan meirihluta til að komast í formannsstólinn þurfti að kjósa tvisvar. Guðni var úr leik eftir fyrstu kosninguna þar sem hann fékk fæst atkvæði. Í síðari atkvæðagreiðslunni var það svo Þorvaldur sem sigraði Vigni og varð réttkjörinn nýr formaður KSÍ. Þorvaldur kaus að nýta ræðutíma sinn ekki í að tala niður andstæðinga sína, heldur upphefja sjálfan sig. Reynslu, kunnáttu, þekkingu, ábyrgð og óhæðni taldi Þorvaldur til sinna helstu kosta. Hann bætti því við að frekar kysi hann gras á skónum og bolta í skottinu en að klæða sig upp í jakkaföt. Þorvaldur sagði sig grasrótarmann sem hlustar og framkvæmir, mann sem sér bilið innan hreyfingar KSÍ og bilið milli KSÍ og ÍTF. Hann taldi mikilvægt að þessir aðilar nái betur saman í stefnu og straumum. Það sem Þorvaldur þolir ekki er baktal, fals, óheiðarleiki og baktjaldamakk. Helstu stefnumál í ræðu Þorvalds Helsta mál á dagskrá er að sjálfsögðu þjóðarleikvangurinn sem lengi hefur verið kallað eftir. Þar að auki fór Þorvaldur yfir helstu málin sem brenna honum í brjósti. „Öll hreyfingin er sammála hvað varðar nauðsyn að fá nýjan þjóðarleikvang, hjálpa aðildarfélögum að bæta aðstöðu sína, tala að auki fyrir ábyrgum rekstri. Auðveldum konum að koma að stjórnun, fjölgum konum í þjálfun, dómgæslu og bætum stöðu kvennalöggjafarinnar. Ég tala fyrir dómgæslu. Til dæmis með því að tala upp dómarana, koma námskeiðum inn í skólakerfið og fjölga þannig dómurum...“ „Ekki kjósa mig“ Þorvaldur endaði ræðuna af gríðarlegum krafti. Þá talaði hann um þá áratuga reynslu sem hann hefur af öllum hliðum knattspyrnunnar, hann hafi séð allt á völlum landsins – nema mótframbjóðendur sína, en það væri önnur saga. „Formannsembætti KSÍ snýst ekki bara um að sitja fundi í útlöndum, í heiðursstúkunni á landsleikjum, safna flugpunktum og laga bindið milli leikja. KSÍ á ekki að vera klíkuskapur á kaffihúsum.“ „Ég býð ykkur annan valkost en afturhvarf til fortíðar, valkost um einhvern sem situr ekki bara á skrifstofustólnum, valkost um einhvern sem þolir ekki að óheiðarleika, misrétti eða kynferðisofbeldi eða kynjamun sé bara ýtt til hliðar. Ég býð okkur valkost – stöðnun, eða breytingar og framfarir. Ef þið viljið stöðnun, ekki kjósa mig, ef þið viljið breytingar og framfarir þá þarf hugrekki og nýtt blóð. Þá er ég ykkar maður, valið er ykkar ágætu félagar“ endaði Þorvaldur á því að segja í framboðsræðu sinni sem má sjá í heild sinni í spilaranum hér að neðan. Íslenski listinn KSÍ Mest lesið Dóttir Scholes fékk svakalegt augnaráð frá pabba sínum Enski boltinn Áhorfandi hrækti á dómara í Garðabæ Íslenski boltinn „Guð hvað ég hafði rangt fyrir mér og ég er ánægður með það“ Íslenski boltinn Úlfur talinn sá allra besti vestanhafs Íslenski boltinn „Skilyrði félagsins fyrir sölu hafa ekki verið uppfyllt“ Enski boltinn Arsenal skoðar markaðinn vegna meiðsla Havertz Enski boltinn Litla systir keppir nú líka fyrir landsliðið Sport „Nei, þetta var örugglega ég að spýta á þig“ Sport Barátta Blika um sæti í Sambandsdeild í beinni á Sýn Sport Fótbolti Stoltir af að klófesta hæfileikabúnt frá Íslandi Fótbolti Fleiri fréttir Áhorfandi hrækti á dómara í Garðabæ Úlfur talinn sá allra besti vestanhafs „Guð hvað ég hafði rangt fyrir mér og ég er ánægður með það“ Bræðraslagur í bikarúrslitaleiknum í ár: „Er alltaf að reyna að ögra mér“ KSÍ opið fyrir sjálfkrafa bönnum en reglubreyting ekki í vinnslu Valsmenn bara mannlegir? „Ég ætla ekki í eina einustu tæklingu hérna“ Tvö mörk með fyrstu tveimur snertingunum Stúkan birti samskipti dómara: „Ég þarf að taka stórar ákvarðanir“ Sjáðu Galdurinn á bak við það að KR komst úr fallsæti Uppgjörið: Fram - KR 0-1 | Galdur galdraði fram sigur Fyrirliði Fylkis sleit krossband í sigrinum langþráða Fram spilar og selur treyjur til styrktar minningarsjóðs Bryndísar Klöru Sjáðu veisluna í Kópavogi, magnaðan klobba og perluna í Eyjum „Búið að vanrækja ákveðið innra starf í Garðabænum“ Sjóðheitur Sigurður Bjartur með sjö mörk í síðustu fimm leikjum Fyrsti sigurinn á gervigrasi í 357 daga „Maður þurfti kvíðalyf síðustu mínúturnar“ Axel Óskar: „Fáir leiðinlegir leikir hér fyrir áhorfendur“ Uppgjörið: Breiðablik - FH 4-5 | Bragi breytti leiknum og Blikar sitja eftir í sárum Uppgjörið: ÍA - Víkingur 0-1 | Víkingur minnkar muninn á Val með langþráðum deildarsigri Uppgjörið: Afturelding - KA 3-3 | Mikið fjör en enn lengri bið eftir sigri Davíd Smári: „Menn eru með vofandi yfir sér risastórt augnablik“ Frábær sigur Þórs sem sækir að efsta sætinu Jökull: Ætlum okkur ofar Þróttarar fyrstir til að vinna Njarðvíkinga Uppgjörið: Stjarnan - Vestri 2-1 | Andri Rúnar gerði gömlu félögunum grikk Uppgjörið: ÍBV - Valur 4-1 | Eyjamenn rúlluðu yfir toppliðið Aðlögunar krafist eftir U-beygju Uppgjörið: FH - Breiðablik 2-3 | Blikar bikarmeistarar eftir framlengingu Fáar spilað leik á þessum velli Sjá meira
Ætlar að gera það sem er best fyrir íslenska knattspyrnu Þorvaldur hóf ræðu sína á því að segja fundargestum frá þeim draumi sínum að kjörgengnir aðilar hafi hagsmuni íslenskrar knattspyrnu að leiðarljósi. „Sumir ætla að kjósa þann sem þeim finnst skemmtilegastur, aðrir þann sem er félagi þeirra, enn aðrir þann sem kemur best fyrir í sjónvarpinu. Minn draumur, þótt ótrúlegt megi virðast, er sá að menn kjósi þann sem mun gera það sem er best fyrir íslenska knattspyrnu.“ Skýr sýn á hlutverk formanns Þorvaldur sagði hlutverk formanns skipta sambandið og aðildarfélög þess gríðarlega miklu máli. Hann hefði sterka sýn um hvernig ætti að sinna því og lá ekki á skoðunum sínum um hvernig formaður KSÍ skal starfa. „Ég er þeirrar skoðunar að KSÍ eigi að vera vel rekið, hafa heildarhagsmuni knattspyrnunnar að leiðarljósi, hagsmuni iðkenda að leiðarljósi og eigi að vera stuðningsaðili félaganna og stuðla að vexti og viðgangi bæði í karla- og kvennaknattspyrnunni. Mín skoðun er sú að formaður eigi að vera í nánustu tengslum við hreyfinguna, meira en oft hefur verið, eigi að vera í betri samskiptum við félögin og styðja verkefnin sem þau eru í.“ Grasrótarmaður sem þolir ekki óheiðarleika og baktjaldamakk Að þessu sinni voru þrír sem buðu sig fram, það voru þeir Guðni Bergsson, Vignir Már Þormóðsson og Þorvaldur Örlygsson. Fór það svo að Þorvaldur stóð uppi sem sigurvegari en þar sem það þarf hreinan meirihluta til að komast í formannsstólinn þurfti að kjósa tvisvar. Guðni var úr leik eftir fyrstu kosninguna þar sem hann fékk fæst atkvæði. Í síðari atkvæðagreiðslunni var það svo Þorvaldur sem sigraði Vigni og varð réttkjörinn nýr formaður KSÍ. Þorvaldur kaus að nýta ræðutíma sinn ekki í að tala niður andstæðinga sína, heldur upphefja sjálfan sig. Reynslu, kunnáttu, þekkingu, ábyrgð og óhæðni taldi Þorvaldur til sinna helstu kosta. Hann bætti því við að frekar kysi hann gras á skónum og bolta í skottinu en að klæða sig upp í jakkaföt. Þorvaldur sagði sig grasrótarmann sem hlustar og framkvæmir, mann sem sér bilið innan hreyfingar KSÍ og bilið milli KSÍ og ÍTF. Hann taldi mikilvægt að þessir aðilar nái betur saman í stefnu og straumum. Það sem Þorvaldur þolir ekki er baktal, fals, óheiðarleiki og baktjaldamakk. Helstu stefnumál í ræðu Þorvalds Helsta mál á dagskrá er að sjálfsögðu þjóðarleikvangurinn sem lengi hefur verið kallað eftir. Þar að auki fór Þorvaldur yfir helstu málin sem brenna honum í brjósti. „Öll hreyfingin er sammála hvað varðar nauðsyn að fá nýjan þjóðarleikvang, hjálpa aðildarfélögum að bæta aðstöðu sína, tala að auki fyrir ábyrgum rekstri. Auðveldum konum að koma að stjórnun, fjölgum konum í þjálfun, dómgæslu og bætum stöðu kvennalöggjafarinnar. Ég tala fyrir dómgæslu. Til dæmis með því að tala upp dómarana, koma námskeiðum inn í skólakerfið og fjölga þannig dómurum...“ „Ekki kjósa mig“ Þorvaldur endaði ræðuna af gríðarlegum krafti. Þá talaði hann um þá áratuga reynslu sem hann hefur af öllum hliðum knattspyrnunnar, hann hafi séð allt á völlum landsins – nema mótframbjóðendur sína, en það væri önnur saga. „Formannsembætti KSÍ snýst ekki bara um að sitja fundi í útlöndum, í heiðursstúkunni á landsleikjum, safna flugpunktum og laga bindið milli leikja. KSÍ á ekki að vera klíkuskapur á kaffihúsum.“ „Ég býð ykkur annan valkost en afturhvarf til fortíðar, valkost um einhvern sem situr ekki bara á skrifstofustólnum, valkost um einhvern sem þolir ekki að óheiðarleika, misrétti eða kynferðisofbeldi eða kynjamun sé bara ýtt til hliðar. Ég býð okkur valkost – stöðnun, eða breytingar og framfarir. Ef þið viljið stöðnun, ekki kjósa mig, ef þið viljið breytingar og framfarir þá þarf hugrekki og nýtt blóð. Þá er ég ykkar maður, valið er ykkar ágætu félagar“ endaði Þorvaldur á því að segja í framboðsræðu sinni sem má sjá í heild sinni í spilaranum hér að neðan.
Íslenski listinn KSÍ Mest lesið Dóttir Scholes fékk svakalegt augnaráð frá pabba sínum Enski boltinn Áhorfandi hrækti á dómara í Garðabæ Íslenski boltinn „Guð hvað ég hafði rangt fyrir mér og ég er ánægður með það“ Íslenski boltinn Úlfur talinn sá allra besti vestanhafs Íslenski boltinn „Skilyrði félagsins fyrir sölu hafa ekki verið uppfyllt“ Enski boltinn Arsenal skoðar markaðinn vegna meiðsla Havertz Enski boltinn Litla systir keppir nú líka fyrir landsliðið Sport „Nei, þetta var örugglega ég að spýta á þig“ Sport Barátta Blika um sæti í Sambandsdeild í beinni á Sýn Sport Fótbolti Stoltir af að klófesta hæfileikabúnt frá Íslandi Fótbolti Fleiri fréttir Áhorfandi hrækti á dómara í Garðabæ Úlfur talinn sá allra besti vestanhafs „Guð hvað ég hafði rangt fyrir mér og ég er ánægður með það“ Bræðraslagur í bikarúrslitaleiknum í ár: „Er alltaf að reyna að ögra mér“ KSÍ opið fyrir sjálfkrafa bönnum en reglubreyting ekki í vinnslu Valsmenn bara mannlegir? „Ég ætla ekki í eina einustu tæklingu hérna“ Tvö mörk með fyrstu tveimur snertingunum Stúkan birti samskipti dómara: „Ég þarf að taka stórar ákvarðanir“ Sjáðu Galdurinn á bak við það að KR komst úr fallsæti Uppgjörið: Fram - KR 0-1 | Galdur galdraði fram sigur Fyrirliði Fylkis sleit krossband í sigrinum langþráða Fram spilar og selur treyjur til styrktar minningarsjóðs Bryndísar Klöru Sjáðu veisluna í Kópavogi, magnaðan klobba og perluna í Eyjum „Búið að vanrækja ákveðið innra starf í Garðabænum“ Sjóðheitur Sigurður Bjartur með sjö mörk í síðustu fimm leikjum Fyrsti sigurinn á gervigrasi í 357 daga „Maður þurfti kvíðalyf síðustu mínúturnar“ Axel Óskar: „Fáir leiðinlegir leikir hér fyrir áhorfendur“ Uppgjörið: Breiðablik - FH 4-5 | Bragi breytti leiknum og Blikar sitja eftir í sárum Uppgjörið: ÍA - Víkingur 0-1 | Víkingur minnkar muninn á Val með langþráðum deildarsigri Uppgjörið: Afturelding - KA 3-3 | Mikið fjör en enn lengri bið eftir sigri Davíd Smári: „Menn eru með vofandi yfir sér risastórt augnablik“ Frábær sigur Þórs sem sækir að efsta sætinu Jökull: Ætlum okkur ofar Þróttarar fyrstir til að vinna Njarðvíkinga Uppgjörið: Stjarnan - Vestri 2-1 | Andri Rúnar gerði gömlu félögunum grikk Uppgjörið: ÍBV - Valur 4-1 | Eyjamenn rúlluðu yfir toppliðið Aðlögunar krafist eftir U-beygju Uppgjörið: FH - Breiðablik 2-3 | Blikar bikarmeistarar eftir framlengingu Fáar spilað leik á þessum velli Sjá meira