Fundi lokið og annar boðaður í fyrra­málið

Elísabet S. Ólafsdóttir aðstoðarsáttasemjari staðfestir þetta í samtalið við fréttastofu. Að öðru leyti vildi hún ekki tjá sig um stöðu viðræðna. 

Fulltrúar samningsaðila hafa verið settir í fjölmiðlabann af Ástráði Haraldssyni ríkissáttasemjara og því hafa þeir ekki veitt fjölmiðlum viðtöl.

Á föstudag sagði VR sig frá breiðfylkingunni og sagði formaður Rafiðnaðarsambandsins, eins Fagfélaganna, að ekki væri útilokað að félögin færu í samstarf við VR í mögulegum verkfallsaðgerðum.