Aðalmeðferð í hryðjuverkamálinu hefst: „Full ástæða til þess að vera bjartsýnn“ Árni Sæberg skrifar 8. febrúar 2024 09:01 Sveinn Andri ásamt skjólstæðingi sínum Sindra Snæ Birgissyni sem ákærður er fyrir skipulagningu hryðjuverka. vísir/vilhelm Aðalmeðferð í hryðjuverkamálinu svokallaða hefst í Héraðsdómi Reykjavíkur í dag. Héraðsdómur verður skipaður þremur embættisdómurum vegna umfangs og efnis málsins. Verjandi annars sakborninga segir fulla ástæðu til þess að vera bjartsýnn fyrir niðurstöðu málsins. Hryðjuverkamálið hófst þann 21. september árið 2022 þegar sérsveit Ríkislögreglustjóra og Lögreglan á höfuðborgarsvæðinu ruddust inn í iðnaðarbil í Mosfellsbæ og handtóku þar þrjá menn. Einn var handtekinn í Kópavogi í tengslum við aðgerðir lögreglu. Svo fór að tveir mannanna Sindri Snær Birgisson, 26 ára, og Ísidór Nathansson, 25 ára, voru úrskurðaðir í gæsluvarðhald á grundvelli gruns um skipulagningu hryðjuverka. Þann níunda október árið 2022 var gefin út ákæra á hendur mönnunum tveimur. Sindri Snær var ákærður fyrir tilraun til hryðjuverka og vopnalagabrot og Ísidór fyrir hlutdeild í tilraun til hryðjuverka, vopnalagabrot og minniháttar fíkniefnabrot Vísað frá héraði Þann 6. febrúar árið 2023 vísaði Héraðsdómur Reykjavíkur málinu frá dómi á þeim grundvelli að slíkir ágallar væru á tilgreiningu hinnar ætluðu refsiverðu háttsemi er varðaði hryðjuverk að erfitt væri að halda uppi vörnum fyrir þá Sindra og Ísidór. Ákæran væri því haldin slíkum annmörkum að hún fullnægði ekki skilyrðum laga um meðferð sakamála. Fjórum dögum síðar staðfesti Landsréttur frávísunarúrskurð og ákæruvaldið var komið aftur á byrjunarreit í málinu. Símon Sigvaldason, einn þriggja Landsréttardómara, skilaði sératkvæði og sagði vissulega galla á ákærunni en þó ekki slíkir að vísa þyrfti frá dómi. Hann taldi að fella ætti úr gildi úrskurðinn úr héraði. Ákæra í hryðjuverkamálinu, taka tvö Þann 12. júní síðastliðinn var ný ákæra þingfest í málinu. Sú var öllu ítarlegri og þar var farið yfir meinta skipulagningu hryðjuverka. Í henni var órum þeirra Sindra Snæs og Ísidórs um að myrða nafngreint fólk og fremja hryðjuverk lýst og farið yfir samskipti þeirra um aðdáun þeirra á óþokkum á borð við Fjotolf Hansen, sem betur er þekktur sem Anders Behring Breivik. Vísir fjallaði ítarlega um seinni ákæruna og rakti málið allt við það tækifæri. Seinni ákæran hlaut þó ekki náð fyrir augum Daða Kristjánssonar héraðsdómara, sem féllst á kröfu Sveins Andra Sveinssonar, verjanda Sindra Snæs, um frávísun málsins. Landsréttur ósammála og dómarinn fékk reisupassann Héraðssaksóknari kærði úrskurð Daða til Landsréttar og krafðist þess að málið yrði tekið til efnismeðferðar. Landsréttur felldi frávísunarúrskurðinn úr gildi þann 23. október síðastliðinn. Sveinn Andri sagðist þá vera ósammála niðurstöðu Landsréttar og sagði að niðurstaða héraðsdóms hefði verið vel rökstudd. „En Landsréttur hefur lokaorðið. En það má kannski segja að maður vill fiska eitthvað jákvætt út úr þessu þá verður hreinlegra og betra til lengri tíma litið að fá hreina og klára sýknu frekar en að málið endi úti í skurði eins og allt stefndi í.“ Karl Ingi Vilbergsson, sem sækir málið fyrir hönd ákæruvaldsins, ákvað í kjölfarið að fara fram á það að Daði úrskurðaði um eigið vanhæfi í málinu. Hann taldi að Daði hefði með frávísunarúrskurði sínum tekið efnislega afstöðu til ákærunnar. Daði hélt nú ekki og Karl Ingi kærði þann úrskurð til Landsréttar, sem féllst á að Daði væri vanhæfur. Þá niðurstöðu var Sveinn Andri ekki sáttur með. Fjölskipaður dómur og sakborningar mega hlýða hvor á annan Nú er svo komið að aðalmeðferð hefst loksins klukkan 09:15 í dag í sal 101 í Héraðsdómi Reykjavíkur. Sveinn Andri segir í samtali við Vísi að ákveðið hafi verið að dómur í málinu verði fjölskipaður. Enginn sérfræðingur sé meðal dómenda, líkt og oftast er þegar dómar eru fjölskipaðir, heldur dæmi þrír embættisdómarar í málinu. Það sé einfaldlega vegna umfangs og efnis málsins. Þá segir hann að tekist hafi verið á um ýmislegt frá því að ljóst varð að málið fengi efnislega meðferð. Auk vanhæfis dómara hafi ákæruvaldið til dæmis krafist þess að sakborningarnir tveir fengu ekki að hlýða hvor á annan. Dómurinn hafi ekki fallist á það. Það þýði þó ekki endilega að fjölmiðlum verði frjálst að flytja fréttir af aðalmeðferðinni fyrir málflutning næsta föstudag. Færst hefur í aukana að dómarar nýti sér heimild í lögum um meðferð sakamála til þess að banna fréttaflutning á meðan skýrslutökur fara fram. Ákæruvaldinu hafi ekki tekist að sanna ásetning Að lokum segir Sveinn Andri að hann sé nokkuð brattur fyrir aðalmeðferðinni, sem áætlað er að taki heila fimm dag. „Það er full ástæða til þess að vera bjartsýnn. Af því að ákæruvaldinu hefur, að mínu mati, með engu móti tekist að leiða að því líkur að þarna hafi tilraunaásetningur verið til staðar. Grunaðir um skipulagningu hryðjuverka Dómsmál Mest lesið Mamma bara María þegar mæðgurnar eru saman á vakt Innlent Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Önnur vopnageymsla í ljósum logum í Rússlandi Erlent Hvers vegna að fella ísbirni? Innlent Maður margra storma íhugar stöðu sína Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Fleiri fréttir Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Sjá meira
Hryðjuverkamálið hófst þann 21. september árið 2022 þegar sérsveit Ríkislögreglustjóra og Lögreglan á höfuðborgarsvæðinu ruddust inn í iðnaðarbil í Mosfellsbæ og handtóku þar þrjá menn. Einn var handtekinn í Kópavogi í tengslum við aðgerðir lögreglu. Svo fór að tveir mannanna Sindri Snær Birgisson, 26 ára, og Ísidór Nathansson, 25 ára, voru úrskurðaðir í gæsluvarðhald á grundvelli gruns um skipulagningu hryðjuverka. Þann níunda október árið 2022 var gefin út ákæra á hendur mönnunum tveimur. Sindri Snær var ákærður fyrir tilraun til hryðjuverka og vopnalagabrot og Ísidór fyrir hlutdeild í tilraun til hryðjuverka, vopnalagabrot og minniháttar fíkniefnabrot Vísað frá héraði Þann 6. febrúar árið 2023 vísaði Héraðsdómur Reykjavíkur málinu frá dómi á þeim grundvelli að slíkir ágallar væru á tilgreiningu hinnar ætluðu refsiverðu háttsemi er varðaði hryðjuverk að erfitt væri að halda uppi vörnum fyrir þá Sindra og Ísidór. Ákæran væri því haldin slíkum annmörkum að hún fullnægði ekki skilyrðum laga um meðferð sakamála. Fjórum dögum síðar staðfesti Landsréttur frávísunarúrskurð og ákæruvaldið var komið aftur á byrjunarreit í málinu. Símon Sigvaldason, einn þriggja Landsréttardómara, skilaði sératkvæði og sagði vissulega galla á ákærunni en þó ekki slíkir að vísa þyrfti frá dómi. Hann taldi að fella ætti úr gildi úrskurðinn úr héraði. Ákæra í hryðjuverkamálinu, taka tvö Þann 12. júní síðastliðinn var ný ákæra þingfest í málinu. Sú var öllu ítarlegri og þar var farið yfir meinta skipulagningu hryðjuverka. Í henni var órum þeirra Sindra Snæs og Ísidórs um að myrða nafngreint fólk og fremja hryðjuverk lýst og farið yfir samskipti þeirra um aðdáun þeirra á óþokkum á borð við Fjotolf Hansen, sem betur er þekktur sem Anders Behring Breivik. Vísir fjallaði ítarlega um seinni ákæruna og rakti málið allt við það tækifæri. Seinni ákæran hlaut þó ekki náð fyrir augum Daða Kristjánssonar héraðsdómara, sem féllst á kröfu Sveins Andra Sveinssonar, verjanda Sindra Snæs, um frávísun málsins. Landsréttur ósammála og dómarinn fékk reisupassann Héraðssaksóknari kærði úrskurð Daða til Landsréttar og krafðist þess að málið yrði tekið til efnismeðferðar. Landsréttur felldi frávísunarúrskurðinn úr gildi þann 23. október síðastliðinn. Sveinn Andri sagðist þá vera ósammála niðurstöðu Landsréttar og sagði að niðurstaða héraðsdóms hefði verið vel rökstudd. „En Landsréttur hefur lokaorðið. En það má kannski segja að maður vill fiska eitthvað jákvætt út úr þessu þá verður hreinlegra og betra til lengri tíma litið að fá hreina og klára sýknu frekar en að málið endi úti í skurði eins og allt stefndi í.“ Karl Ingi Vilbergsson, sem sækir málið fyrir hönd ákæruvaldsins, ákvað í kjölfarið að fara fram á það að Daði úrskurðaði um eigið vanhæfi í málinu. Hann taldi að Daði hefði með frávísunarúrskurði sínum tekið efnislega afstöðu til ákærunnar. Daði hélt nú ekki og Karl Ingi kærði þann úrskurð til Landsréttar, sem féllst á að Daði væri vanhæfur. Þá niðurstöðu var Sveinn Andri ekki sáttur með. Fjölskipaður dómur og sakborningar mega hlýða hvor á annan Nú er svo komið að aðalmeðferð hefst loksins klukkan 09:15 í dag í sal 101 í Héraðsdómi Reykjavíkur. Sveinn Andri segir í samtali við Vísi að ákveðið hafi verið að dómur í málinu verði fjölskipaður. Enginn sérfræðingur sé meðal dómenda, líkt og oftast er þegar dómar eru fjölskipaðir, heldur dæmi þrír embættisdómarar í málinu. Það sé einfaldlega vegna umfangs og efnis málsins. Þá segir hann að tekist hafi verið á um ýmislegt frá því að ljóst varð að málið fengi efnislega meðferð. Auk vanhæfis dómara hafi ákæruvaldið til dæmis krafist þess að sakborningarnir tveir fengu ekki að hlýða hvor á annan. Dómurinn hafi ekki fallist á það. Það þýði þó ekki endilega að fjölmiðlum verði frjálst að flytja fréttir af aðalmeðferðinni fyrir málflutning næsta föstudag. Færst hefur í aukana að dómarar nýti sér heimild í lögum um meðferð sakamála til þess að banna fréttaflutning á meðan skýrslutökur fara fram. Ákæruvaldinu hafi ekki tekist að sanna ásetning Að lokum segir Sveinn Andri að hann sé nokkuð brattur fyrir aðalmeðferðinni, sem áætlað er að taki heila fimm dag. „Það er full ástæða til þess að vera bjartsýnn. Af því að ákæruvaldinu hefur, að mínu mati, með engu móti tekist að leiða að því líkur að þarna hafi tilraunaásetningur verið til staðar.
Grunaðir um skipulagningu hryðjuverka Dómsmál Mest lesið Mamma bara María þegar mæðgurnar eru saman á vakt Innlent Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Önnur vopnageymsla í ljósum logum í Rússlandi Erlent Hvers vegna að fella ísbirni? Innlent Maður margra storma íhugar stöðu sína Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Fleiri fréttir Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Sjá meira
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent