Mætast að nýju tuttugu árum eftir hetjudáð Árna Gauts Runólfur Trausti Þórhallsson skrifar 26. janúar 2024 07:01 Árni Gautur Arason var leikmaður Manchester City í nokkra mánuði árið 2004. Alex Livesey/Getty Images Tuttugu ár eru síðan Manchester City vann Tottenham Hotspur 4-3 eftir að vera 3-0 undir í hálfleik. Um er að ræða einn frægasta leik FA Cup, ensku bikarkeppninnar í knattspyrnu. Við Íslendingar munum hvað helst eftir ótrúlegri tvöfaldri-markvörslu Árna Gauts Arasonar en hann stóð vaktina i marki Manchester City í leiknum. Í kvöld mætast liðin aftur í 4. umferð FA Cup. Þægilegur fyrri hálfleikur hjá Tottenham Þegar liðin gengu til búningsherbergja þann 4. febrúar árið 2004 var nákvæmlega ekkert sem benti til þess að Man City væri á leiðinni áfram né að frammistaða Ara Gauts yrði enn til umræðu tveimur áratugum síðar. Líkt og í kvöld þá mættust liðin í 4. umferð en þar sem ekki fékkst skorið úr hvort liðið færi áfram þegar þau mættust í Manchester, lokatölur 1-1, þurftu þau að mætast að nýju á White Hart Lane þann 4. febrúar. Þegar flautað var til hálfleiks var staðan 3-0 Tottenham í vil þökk sé mörkum frá Ledley King, Robbie Keane og Christian Ziege. Ekki skánaði það þegar hinn svo einkar takmarkaði Joey Barton nældi sér í sitt annað gula spjald og þar með rautt undir lok fyrri hálfleiks. Ofan á allt þetta hafði Nicolas Anelka, að flestra mati besti leikmaður Man City á þessum tíma, haltrað af velli í fyrri hálfleik. Ótrúlegasta endurkoma síðari ára Síðari hálfleikurinn var hins vegar eins fjarri þeim fyrri og hægt er að ímynda sér. Sylvain Distin , franski miðvörður Man City, minnkaði muninn eftir aðeins þriggja mínútna leik og fór ónotatilfinning um þau 30 þúsund sem höfðu gert sér ferð á White Hart Lane þetta kvöld. Í stöðunni 3-1 fékk Tottenham aukaspyrnu sem Ziege tók en hann hafði skorað úr einni slíkri í fyrri hálfleik. Aftur smellti Ziege boltanum yfir vegginn og stefndi hann í bláhornið þegar vinstri hendi Árna Gauts Arasonar sló boltann í þverslánna. Ekki nóg með það heldur náði Ari Gautur áttum og sýndi ótrúlega lipra takta þegar hann stökk á eftir frákastinu sem var við það að skoppa yfir marklínuna. Árni Gautur náði hins vegar að klófesta boltann og koma í veg fyrir að Tottenham kæmist 4-1 yfir. 04.02.2004 Á þessum degi fyrir 19 árum. Skagamaður hendir sér í double save á White Hart Lane. Árni Gautur Arason (f.1975) Man City Tottenham #GamlaVarslan pic.twitter.com/AcC2Xacoee— Áhugaverðar staðreyndir um íslenska knattspyrnu (@OReyndir) February 4, 2023 Þarna virtust heimamenn missa alla trú. Hinn hollenski Paul Bosvelt minnkaði muninn svo enn frekar á 69. mínútu og Shaun Wright-Phillips, sem ógnaði sífellt með hraða sínum og krafti, jafnaði metin þegar tíu mínútur voru til leiksloka. Það var svo í uppbótatíma sem Jonathan Paul Macken, sem ólst upp í rauða hluta Manchester-borgar, skoraði fjórða mark gestanna og tryggði Manchester City einn ótrúlegasta sigur í sögu félagsins. Mörkin og vörslu Árna Gauts má sjá í spilaranum hér að ofan. Árni Gautur átti aðeins eftir að spila einn leik til viðbótar fyrir Man City áður en hann yfirgaf félagið sumarið 2004. Sá var gegn Manchester United í 5. umferð FA Cup, fór Man Utd með 4-2 sigur af hólmi í þeim leik og bikarævintýri City-manna því á enda. Árni Gautur og ungur Cristiano Ronaldo í leik liðanna í 5. umferð FA Cup.Neal Simpson/Getty Images Leikur kvöldsins er sýndur beint á Stöð 2 Sport 2. Útsending hefst klukkan 19.50 og leikurinn sjálfur tíu mínútum síðar. Fótbolti Enski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Alexander-Arnold reynir að kaupa Nantes Enski boltinn Fleiri fréttir Alisson tæpur fyrir leikinn gegn Bournemouth Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Með tvær ferðatöskur af fíkniefnum Hafi snúist hugur og vilji nú fara til Liverpool Segir að hann myndi kýla netníðingana í nefið ef þeir stæðu fyrir framan hann Arteta með vondar fréttir af meiðslum Ødegaards Óviss um að hann sé velkominn á Oasis tónleikana Ten Hag rólegur þrátt fyrir fullkomið kvöld Lið Stefáns skoraði úr sextán vítum Auðvelt á Old Trafford gegn C-deildarliðinu Ten Hag aðvarar Antony: „Verður að vinna sér inn réttinn til að spila“ Liverpool birtir áður óséð efni frá Reykjavík: „Beið í sextíu ár eftir því að sjá þetta“ „Þú færð mikið borgað svo þú mátt ekki sýna tilfinningar“ Willum Þór og félagar lögðu Hollywood-lið Wrexham Höjlund enn fjarri góðu gamni en varnarþríeykið klárt í slaginn Englandsmeistarinn Ingle með slitið krossband Fannst mark Gabriels vera ólöglegt Kærir Richarlison og sakar hann um illa meðferð Segist eiga meiri möguleika á að vinna dansþátt en Spurs að vinna titil „Arsenal spilaði eins og meistaralið“ Arteta ánægður með þroskaða frammistöðu í fjarveru lykilmanna Tvö glæsimörk skoruð í endurkomusigri Newcastle Gabriel hetjan hjá vængbrotnu liði Arsenal í nágrannaslagnum Anthony Taylor dómari sló met í gær UEFA hótar því að reka enska landsliðið af þeirra eigin EM Will Ferrell fylgdist með Leeds í fyrsta sinn Enginn varamaður skorað jafn mörg sigurmörk: „Getur orðið einn besti framherji heims“ Aston Villa með ævintýralega endurkomu gegn Everton Nkunku tryggði sigur eftir stoðsendingu Sancho Sjá meira
Við Íslendingar munum hvað helst eftir ótrúlegri tvöfaldri-markvörslu Árna Gauts Arasonar en hann stóð vaktina i marki Manchester City í leiknum. Í kvöld mætast liðin aftur í 4. umferð FA Cup. Þægilegur fyrri hálfleikur hjá Tottenham Þegar liðin gengu til búningsherbergja þann 4. febrúar árið 2004 var nákvæmlega ekkert sem benti til þess að Man City væri á leiðinni áfram né að frammistaða Ara Gauts yrði enn til umræðu tveimur áratugum síðar. Líkt og í kvöld þá mættust liðin í 4. umferð en þar sem ekki fékkst skorið úr hvort liðið færi áfram þegar þau mættust í Manchester, lokatölur 1-1, þurftu þau að mætast að nýju á White Hart Lane þann 4. febrúar. Þegar flautað var til hálfleiks var staðan 3-0 Tottenham í vil þökk sé mörkum frá Ledley King, Robbie Keane og Christian Ziege. Ekki skánaði það þegar hinn svo einkar takmarkaði Joey Barton nældi sér í sitt annað gula spjald og þar með rautt undir lok fyrri hálfleiks. Ofan á allt þetta hafði Nicolas Anelka, að flestra mati besti leikmaður Man City á þessum tíma, haltrað af velli í fyrri hálfleik. Ótrúlegasta endurkoma síðari ára Síðari hálfleikurinn var hins vegar eins fjarri þeim fyrri og hægt er að ímynda sér. Sylvain Distin , franski miðvörður Man City, minnkaði muninn eftir aðeins þriggja mínútna leik og fór ónotatilfinning um þau 30 þúsund sem höfðu gert sér ferð á White Hart Lane þetta kvöld. Í stöðunni 3-1 fékk Tottenham aukaspyrnu sem Ziege tók en hann hafði skorað úr einni slíkri í fyrri hálfleik. Aftur smellti Ziege boltanum yfir vegginn og stefndi hann í bláhornið þegar vinstri hendi Árna Gauts Arasonar sló boltann í þverslánna. Ekki nóg með það heldur náði Ari Gautur áttum og sýndi ótrúlega lipra takta þegar hann stökk á eftir frákastinu sem var við það að skoppa yfir marklínuna. Árni Gautur náði hins vegar að klófesta boltann og koma í veg fyrir að Tottenham kæmist 4-1 yfir. 04.02.2004 Á þessum degi fyrir 19 árum. Skagamaður hendir sér í double save á White Hart Lane. Árni Gautur Arason (f.1975) Man City Tottenham #GamlaVarslan pic.twitter.com/AcC2Xacoee— Áhugaverðar staðreyndir um íslenska knattspyrnu (@OReyndir) February 4, 2023 Þarna virtust heimamenn missa alla trú. Hinn hollenski Paul Bosvelt minnkaði muninn svo enn frekar á 69. mínútu og Shaun Wright-Phillips, sem ógnaði sífellt með hraða sínum og krafti, jafnaði metin þegar tíu mínútur voru til leiksloka. Það var svo í uppbótatíma sem Jonathan Paul Macken, sem ólst upp í rauða hluta Manchester-borgar, skoraði fjórða mark gestanna og tryggði Manchester City einn ótrúlegasta sigur í sögu félagsins. Mörkin og vörslu Árna Gauts má sjá í spilaranum hér að ofan. Árni Gautur átti aðeins eftir að spila einn leik til viðbótar fyrir Man City áður en hann yfirgaf félagið sumarið 2004. Sá var gegn Manchester United í 5. umferð FA Cup, fór Man Utd með 4-2 sigur af hólmi í þeim leik og bikarævintýri City-manna því á enda. Árni Gautur og ungur Cristiano Ronaldo í leik liðanna í 5. umferð FA Cup.Neal Simpson/Getty Images Leikur kvöldsins er sýndur beint á Stöð 2 Sport 2. Útsending hefst klukkan 19.50 og leikurinn sjálfur tíu mínútum síðar.
Fótbolti Enski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti „Hún reif í mig og hraunaði yfir mig, á Marilegan hátt“ Sport Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Aðeins einn löglegur dúkur svo Valur og FH byrja saman í Krikanum Handbolti Víkingar spila á Íslandi í dagsbirtu Fótbolti Alexander-Arnold reynir að kaupa Nantes Enski boltinn Fleiri fréttir Alisson tæpur fyrir leikinn gegn Bournemouth Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Með tvær ferðatöskur af fíkniefnum Hafi snúist hugur og vilji nú fara til Liverpool Segir að hann myndi kýla netníðingana í nefið ef þeir stæðu fyrir framan hann Arteta með vondar fréttir af meiðslum Ødegaards Óviss um að hann sé velkominn á Oasis tónleikana Ten Hag rólegur þrátt fyrir fullkomið kvöld Lið Stefáns skoraði úr sextán vítum Auðvelt á Old Trafford gegn C-deildarliðinu Ten Hag aðvarar Antony: „Verður að vinna sér inn réttinn til að spila“ Liverpool birtir áður óséð efni frá Reykjavík: „Beið í sextíu ár eftir því að sjá þetta“ „Þú færð mikið borgað svo þú mátt ekki sýna tilfinningar“ Willum Þór og félagar lögðu Hollywood-lið Wrexham Höjlund enn fjarri góðu gamni en varnarþríeykið klárt í slaginn Englandsmeistarinn Ingle með slitið krossband Fannst mark Gabriels vera ólöglegt Kærir Richarlison og sakar hann um illa meðferð Segist eiga meiri möguleika á að vinna dansþátt en Spurs að vinna titil „Arsenal spilaði eins og meistaralið“ Arteta ánægður með þroskaða frammistöðu í fjarveru lykilmanna Tvö glæsimörk skoruð í endurkomusigri Newcastle Gabriel hetjan hjá vængbrotnu liði Arsenal í nágrannaslagnum Anthony Taylor dómari sló met í gær UEFA hótar því að reka enska landsliðið af þeirra eigin EM Will Ferrell fylgdist með Leeds í fyrsta sinn Enginn varamaður skorað jafn mörg sigurmörk: „Getur orðið einn besti framherji heims“ Aston Villa með ævintýralega endurkomu gegn Everton Nkunku tryggði sigur eftir stoðsendingu Sancho Sjá meira