Dag­skráin í dag: Ítalski boltinn og margt fleira

Stöð 2 Sport 2

Við hefjum leik í franska fótboltanum kl. 11:55 þegar Lille tekur á móti Lorient. Næsti leikur í beinni á Stöð 2 Sport 2 er svo viðureign Bills og Steelers í NFL deildinni kl. 18:00 og kl. 21:30 er komið að leik Cowboys og Packers. Ameríski fótboltinn er þó ekki búinn þá en kl. 01:15 eftir miðnætti mætast Lions og Rams

Stöð 2 Sport 3

Suður Evrópa ræður ríkjum á Stöð 2 Sport 3 í dag.

Klukkan 11:20 er það viðureign Murcia og Real Madrid í spænsku ACB deildinni en svo tekur ítalski boltinn og Sería A við. Kl. 13:50 mætast Napoli og Salernitana. Klukkan 16:50 skiptum við aftur yfir í spænska körfuboltann þegar Lenovo Tenerife og Barca mætast.

Eftir kvöldmat förum við svo aftur til Ítalíu en stórleikur AC Milan og Róma er á dagskrá kl. 19:35

Stöð 2 Sport 4

Ítalski boltinn er einnig fyrirferðamikill á Stöð 2 Sport 4. Klukkan 11:20 er það viðureign Lazio og Lecce og 16:50 verður sýnt beint frá leik Fiorentina og Udinese.

Um kvöldið er svo komið að NBA deildinni en kl. 20:30 mætast Nuggets og Pacers

Vodafone Sport

Fyrsti leikur dagsins er viðureign QPR - Watford í ensku 1. deildinni. Útsending hefst kl. 11:55.

Klukkan 14:20 er það svo þýski boltinn og viðureign Bochum og Werder Bremen

Þá er komið að Afríkukeppninni í fótbolta en tveir leikir verða í beinni útsendingu. Klukkan 16:55 er það viðureign Egyptalands og Mósambík og klukkan 19:55 mætast Gana og Grænhöfðaeyjar.

Við lokum kvöldinu svo með leik úr NHL deildinni en kl. 00:05 er viðureign Maple Leafs og Wings á dagskrá.