Lagt upp með fjögurra ára samning Kolbeinn Tumi Daðason og Berghildur Erla Bernharðsdóttir skrifa 3. janúar 2024 12:40 Vilhjálmur Birgisson, formaður Starfsgreinasambandsins, og Ragnar Þór Ingólfsson, formaður VR, eru bjartsýnir en bíða eftir útspili stjórnvalda. Vísir/Vilhelm Breiðfylking stéttarfélaga og Samtök atvinnulífsins hafa til skoðunar fjögurra ára kjarasamning. Launatölur hafa verið lagðar á borðið en formaður VR segir launaliðinn algjört aukaatriði þegar kemur að mögulegum ávinningi verkafólks. Stjórnvöld þurfi að stíga skrefið inn í viðræðurnar. Blásið var til fundar í Karphúsinu hjá Ríkissáttasemjara í morgun í kjaraviðræðum Samtaka atvinnulífisns við hina svokölluðu breiðfylkingu stéttarfélaga sem rúmlega nítíu prósent aðildarfélaga ASÍ hafa aðkomu að. Fundinum lauk um ellefuleytið og var nokkuð létt yfir fólki. Höfðu formenn verkalýðsfélaga að orði að þeir hefðu ekki orðið varir við annan eins samtakamátt í seinni tíð. Ekki mörg ljón í veginum „Ég er bjartsýnn varðandi okkur og Samtök atvinnulífsins. Ég held það séu ekki rosalega mörg ljón í veginum. Ég hef ögn meiri áhyggjur af aðkomu stjórnvalda og sveitarfélaga,“ segir Vilhjálmur Birgisson formaður Starfsgreinasambandsins. Sigríður Margrét Oddsdóttir framkvæmdastjóri Samtaka atvinnulífsins segir launaliðinn meðal þess sem væri til umræðu á fundum aðila. Sigríður Margrét Oddsdóttir er framkvæmdastjóri Samtaka atvinnulífsins.Vísir/Vilhelm „Þess vegna erum við hér,“ segir Sigríður Margrét. „Ég hef trú á því að okkur takist þetta verkefni því ég finn hvað það er mikil samstaða milli þessarar breiðfylkingar stéttarfélaga.“ Sérfræðingar rýna í gögnin Ragnar Þór Ingólfsson, formaður VR, segir að sérfræðingahópar samningsaðila muni vinna í allan dag við að bera saman gögn og fara yfir forsendur mögulegra samninga. „Ég myndi segja að tónninn hafi verið mjög jákvæður og uppbyggilegur. Það hefur ekkert breyst til hins verra,“ segir Ragnar Þór. Ragnar Þór Ingólfsson formaður VR.Vísir/Vilhelm „Við lögðum upp með þriggja ára samning en SA fimm ára. Við ætlum að fara sameiginlega með það að markmiði að skoða fjögurra ára samning sem er ágætis millilending til að byrja með og svo sjá hvernig fram vindur.“ Einhverjar tölur séu komnar á borðið. „En það eru svo margar forsendur sem þurfa að ganga upp. Bæði varðandi verðbólgumarkmið og hversu hratt vaxtalækkunarferlið á að vera. Aðkoma stjórnvalda og fleira. Þetta helst allt saman í hendur. Ef einn liður breytist þá breytast allir hinir. Markmið okkar er stórt og í sjálfu sér er launaliðurinn algjört aukaatriði þegar kemur að þeim ávinningi sem okkar fólk getur fengið út úr svona samningi.“ Hvað gerir ríkisstjórnin? Nú þurfi að heyrast frá stjórnvöldum. Frá ríkisráðsfundi á Bessastöðum á dögunum. „Við erum komin á þann tímapunkt að nú þurfa stjórnvöld að ákveða sig hvort þau ætli að koma að þessum samningum eins og við höfum lagt upp með. Það er það góður tónn í viðræðunum og samningsaðilar vita nákvæmlega hvað hvor annar er að hugsa þannig að stjórnvöld þurfa að gefa til kynna hvort þau ætli að vera hluti af þessu eða ekki. Ef þau ætla ekki að taka þátt þá er ljóst að þessar hugmyndir okkar og Samtaka atvinnulífsins eru algjörlega tilgangslausar og í raun fallnar um sjálft sig.“ Ragnar Þór ætlar að leyfa sér að vera bjartsýnn þar til annað kemur í ljós. „Ef stjórnvöld koma jafnuppbyggilega og jákvæð að þessu samtali, sömuleiðis sveitarfélög og fleiri aðilar, þá ætti þetta að ganga hratt og vel fyrir sig. Það eru ofboðslega mörg og flókin atriði sem snúa til dæmis að húsnæðismálunum.“ Næsti sameiginlega fundur samningsaðila hefur verið boðaður klukkan tíu í fyrramálið. Kjaramál Kjaraviðræður 2023-24 Vinnumarkaður Stéttarfélög Atvinnurekendur Mest lesið Telur sig hafa orðið vitni að aðdraganda drápsins Innlent Óvænt ávarp forsætisráðherra: „Við munum verja lýðveldið Ísland“ Innlent Fangaverðir á sjúkrahús eftir hópárás fanga Innlent Trump hrósaði forsetanum fyrir færni í eigin móðurmáli Erlent „Þjóðin þarf að fá að vita hvernig þau hafa hagað sér á bak við tjöldin“ Innlent Sauð upp úr þegar Bryndís sagði Hildi fylgja vinnureglum Innlent Þykir leitt að hafa valdið uppnámi Innlent „Alvarleg yfirlýsing frá formanni flokks“ Innlent „Það er orrustan um Ísland“ Innlent Kvarta yfir því að reykur frá Kanada sé að skemma sumarið Erlent Fleiri fréttir „Forsætisráðherra veit ekkert hvernig þetta hefur verið!“ „Enginn vafi á að fyrirkomulag Bílastæðasjóðs er löglegt“ Nóróveira líkleg orsök hópsýkingar á Laugarvatni „Það er orrustan um Ísland“ „Alvarleg yfirlýsing frá formanni flokks“ „Þjóðin þarf að fá að vita hvernig þau hafa hagað sér á bak við tjöldin“ Þykir leitt að hafa valdið uppnámi Ávarp forsætisráðherra og kjarnorkukafbátur við Grundartanga Minnihlutinn hafi lagt fram eigið veiðigjaldamál: „Þetta er skrumskæling á lýðræðinu“ Spyr hvort draga eigi valdhafa undir húsvegg og skjóta Fangaverðir á sjúkrahús eftir hópárás fanga Sauð upp úr þegar Bryndís sagði Hildi fylgja vinnureglum Óvænt ávarp forsætisráðherra: „Við munum verja lýðveldið Ísland“ Jökulhlaup úr Mýrdalsjökli í Leirá Syðri og Skálm enn í gangi Telur sig hafa orðið vitni að aðdraganda drápsins Borgarbúar frekar hlynntir kílómetragjaldi en landsbyggðin Aðilar „einfaldlega ekki tilbúnir að teygja sig nógu langt“ Tveir menn fjárkúguðu ungan dreng Fundu jöklafýlu í Þórsmörk vegna hlaupsins Metnaðarfullar malbikunarauglýsingar hluti af væb-kúltúrnum Mátti ekki lána sér pening úr eigin fyrirtæki Pilturinn er fundinn „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Reiðarslag fyrir Landsvirkjun, kjarnorkukafbátur og heimsfræg íslensk kisa „Í næstu umferð fara hlutirnir í gegn“ Tilkynnt um buxnalausan mann og stolinn pizzaofn „Það er enginn svartur listi hjá okkur“ Davíð hafi lagt Golíat Sjá meira
Blásið var til fundar í Karphúsinu hjá Ríkissáttasemjara í morgun í kjaraviðræðum Samtaka atvinnulífisns við hina svokölluðu breiðfylkingu stéttarfélaga sem rúmlega nítíu prósent aðildarfélaga ASÍ hafa aðkomu að. Fundinum lauk um ellefuleytið og var nokkuð létt yfir fólki. Höfðu formenn verkalýðsfélaga að orði að þeir hefðu ekki orðið varir við annan eins samtakamátt í seinni tíð. Ekki mörg ljón í veginum „Ég er bjartsýnn varðandi okkur og Samtök atvinnulífsins. Ég held það séu ekki rosalega mörg ljón í veginum. Ég hef ögn meiri áhyggjur af aðkomu stjórnvalda og sveitarfélaga,“ segir Vilhjálmur Birgisson formaður Starfsgreinasambandsins. Sigríður Margrét Oddsdóttir framkvæmdastjóri Samtaka atvinnulífsins segir launaliðinn meðal þess sem væri til umræðu á fundum aðila. Sigríður Margrét Oddsdóttir er framkvæmdastjóri Samtaka atvinnulífsins.Vísir/Vilhelm „Þess vegna erum við hér,“ segir Sigríður Margrét. „Ég hef trú á því að okkur takist þetta verkefni því ég finn hvað það er mikil samstaða milli þessarar breiðfylkingar stéttarfélaga.“ Sérfræðingar rýna í gögnin Ragnar Þór Ingólfsson, formaður VR, segir að sérfræðingahópar samningsaðila muni vinna í allan dag við að bera saman gögn og fara yfir forsendur mögulegra samninga. „Ég myndi segja að tónninn hafi verið mjög jákvæður og uppbyggilegur. Það hefur ekkert breyst til hins verra,“ segir Ragnar Þór. Ragnar Þór Ingólfsson formaður VR.Vísir/Vilhelm „Við lögðum upp með þriggja ára samning en SA fimm ára. Við ætlum að fara sameiginlega með það að markmiði að skoða fjögurra ára samning sem er ágætis millilending til að byrja með og svo sjá hvernig fram vindur.“ Einhverjar tölur séu komnar á borðið. „En það eru svo margar forsendur sem þurfa að ganga upp. Bæði varðandi verðbólgumarkmið og hversu hratt vaxtalækkunarferlið á að vera. Aðkoma stjórnvalda og fleira. Þetta helst allt saman í hendur. Ef einn liður breytist þá breytast allir hinir. Markmið okkar er stórt og í sjálfu sér er launaliðurinn algjört aukaatriði þegar kemur að þeim ávinningi sem okkar fólk getur fengið út úr svona samningi.“ Hvað gerir ríkisstjórnin? Nú þurfi að heyrast frá stjórnvöldum. Frá ríkisráðsfundi á Bessastöðum á dögunum. „Við erum komin á þann tímapunkt að nú þurfa stjórnvöld að ákveða sig hvort þau ætli að koma að þessum samningum eins og við höfum lagt upp með. Það er það góður tónn í viðræðunum og samningsaðilar vita nákvæmlega hvað hvor annar er að hugsa þannig að stjórnvöld þurfa að gefa til kynna hvort þau ætli að vera hluti af þessu eða ekki. Ef þau ætla ekki að taka þátt þá er ljóst að þessar hugmyndir okkar og Samtaka atvinnulífsins eru algjörlega tilgangslausar og í raun fallnar um sjálft sig.“ Ragnar Þór ætlar að leyfa sér að vera bjartsýnn þar til annað kemur í ljós. „Ef stjórnvöld koma jafnuppbyggilega og jákvæð að þessu samtali, sömuleiðis sveitarfélög og fleiri aðilar, þá ætti þetta að ganga hratt og vel fyrir sig. Það eru ofboðslega mörg og flókin atriði sem snúa til dæmis að húsnæðismálunum.“ Næsti sameiginlega fundur samningsaðila hefur verið boðaður klukkan tíu í fyrramálið.
Kjaramál Kjaraviðræður 2023-24 Vinnumarkaður Stéttarfélög Atvinnurekendur Mest lesið Telur sig hafa orðið vitni að aðdraganda drápsins Innlent Óvænt ávarp forsætisráðherra: „Við munum verja lýðveldið Ísland“ Innlent Fangaverðir á sjúkrahús eftir hópárás fanga Innlent Trump hrósaði forsetanum fyrir færni í eigin móðurmáli Erlent „Þjóðin þarf að fá að vita hvernig þau hafa hagað sér á bak við tjöldin“ Innlent Sauð upp úr þegar Bryndís sagði Hildi fylgja vinnureglum Innlent Þykir leitt að hafa valdið uppnámi Innlent „Alvarleg yfirlýsing frá formanni flokks“ Innlent „Það er orrustan um Ísland“ Innlent Kvarta yfir því að reykur frá Kanada sé að skemma sumarið Erlent Fleiri fréttir „Forsætisráðherra veit ekkert hvernig þetta hefur verið!“ „Enginn vafi á að fyrirkomulag Bílastæðasjóðs er löglegt“ Nóróveira líkleg orsök hópsýkingar á Laugarvatni „Það er orrustan um Ísland“ „Alvarleg yfirlýsing frá formanni flokks“ „Þjóðin þarf að fá að vita hvernig þau hafa hagað sér á bak við tjöldin“ Þykir leitt að hafa valdið uppnámi Ávarp forsætisráðherra og kjarnorkukafbátur við Grundartanga Minnihlutinn hafi lagt fram eigið veiðigjaldamál: „Þetta er skrumskæling á lýðræðinu“ Spyr hvort draga eigi valdhafa undir húsvegg og skjóta Fangaverðir á sjúkrahús eftir hópárás fanga Sauð upp úr þegar Bryndís sagði Hildi fylgja vinnureglum Óvænt ávarp forsætisráðherra: „Við munum verja lýðveldið Ísland“ Jökulhlaup úr Mýrdalsjökli í Leirá Syðri og Skálm enn í gangi Telur sig hafa orðið vitni að aðdraganda drápsins Borgarbúar frekar hlynntir kílómetragjaldi en landsbyggðin Aðilar „einfaldlega ekki tilbúnir að teygja sig nógu langt“ Tveir menn fjárkúguðu ungan dreng Fundu jöklafýlu í Þórsmörk vegna hlaupsins Metnaðarfullar malbikunarauglýsingar hluti af væb-kúltúrnum Mátti ekki lána sér pening úr eigin fyrirtæki Pilturinn er fundinn „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Reiðarslag fyrir Landsvirkjun, kjarnorkukafbátur og heimsfræg íslensk kisa „Í næstu umferð fara hlutirnir í gegn“ Tilkynnt um buxnalausan mann og stolinn pizzaofn „Það er enginn svartur listi hjá okkur“ Davíð hafi lagt Golíat Sjá meira