Stjórinn segir að Leno hafi ekki hrint bolta­stráknum

Atvikið sem um ræðir varð í seinni hálfleiknum þegar Leno var að flýta sér að ná í boltann til að taka markspyrnu. Fulham var komið 2-0 undir og Leno var með gult spjald á bakinu.

Hinn 31 árs gamli markvörður bað boltastrákinn afsökunar en stuðningsmann Bournemouth bauluðu á hann það sem eftir lifði leiks.

Marco Silva, knattspyrnustjóri Fulham, tjáði sig um atvikið eftir leikinn og kom markverði sínum til varnar. ESPN segir frá.

„Ég veit ekki hvort þeir fengu fyrirmæli um það eða ekki en boltastrákarnir voru alltaf að tefja leikinn,“ sagði Marco Silva.

„Bernd vildi koma boltanum strax í leik og tók hann af boltastráknum. Hann hrinti honum ekki. Hann bað strákinn afsökunar,“ sagði Silva.

Justin Kluivert, Dominic Solanke og Luis Sinisterra skoruðu fyrir Bournemouth í þessum 3-0 sigri á Fulham.