Árni Tómas getur ekki skrifað út lyf lengur Jakob Bjarnar skrifar 11. desember 2023 16:07 Árni Tómas Ragnarsson hefur tjáð sig opinberlega um mikilvægi þess að sinna fíklum og aðstoða þá í neyð sinni. Læknablaðið Árni Tómas Ragnarsson gigtarlæknir hefur verið sviptur læknaleyfi sínu að hluta; hann er nú með takmarkað starfsleyfi. Sem þýðir að hann má ekki ávísa lyfjum til sjúklinga sinna. Árni Tómas hefur skrifað talsvert út af lyfjum undanfarin ár en hann aðhyllist skaðaminnkunarúrræði sem til að mynda Frú Ragnheiður hefur keyrt á. „Ég hef starfað sem læknir í 40 ár og í því felst að minnka skaðann af sjúkdómum fólks og láta því líða betur,“ sagði Árni Tómas Ragnarsson í samtali við mbl.is í fyrra. Þá hafði Árni Tómas skrifað greinar um skaðaminnkunarúrræði og sagðist ekki geta séð neitt sem mælti mót því að skrifa upp á morfínlyf fyrir lítinn hóp fíkla sem hann valdi, ef það gæti orðið til að þeir létu af innbrotum til að fjármagna neyslu sína. Landlæknir hefur hins vegar gripið í taumana og hefur Árni Tómas verið settur í skammarkrókinn. Þó flestir sem um fjalla séu sammála því að þetta sé leiðin skortir lagaúrræði. Ósáttir sjúklingar Sjúklingar eru að vonum ósáttir og hefur til að mynda Anita da Silva Bjarnadóttir ritað grein sem hún birtir á Vísi þar sem hún kvartar undan þessu tiltæki. „Hann er sviptur fyrir það eitt að segja satt og standa vörð um okkar veikasta fólk- fíklana. Fíkla sem hafa fengið meðferð hjá honum og þar af leiðandi náð tökum á lífi sínu. Fíklum sem voru á götunni og fjárhagsleg byrgði á kerfinu, en með meðferð og skilning náð tökum og eignast heimili, vinnur og líf,“ segir Aníta meðal annars í greininni. Hún segir jafnframt Árna Tómas einn örfárra lækna sem Landlæknisembættið ætti að vera ánægt með, hann hafi til að bera skilning og mannúð hans sé í fyrirrúmi. Pistil sinn stílar hún á Landlækni. „Ég skora á þig að veita honum aftur leyfi til að sinna sínum verkjasjúklingum þó hann fengi ekki að hjálpa fíklunum. Þetta er skammarlegt og vanhæf ákvörðun þar sem hann er sirkabát eini gigtarlæknirinn sem að sérhæfir sig í, og skilur vefjagigt og hversu viðbjóðslega sár og hamlandi sjúkdómur þetta er. Það mun kosta ríkið ansi háar fjárhæðir að gera það ekki og mun stífla allt kerfið að þurfa leita til fagaðila sem þekkja þennan sjúkdóm ekki neitt. Svo ég tali nú ekki um alla sem munu þurfa örorku vegna þess að læknar eru ekki að sinna þessum hóp og að verkjastilla þá, sem þarf til að geta tekið þátt í samfélaginu.“ Aníta boðar aðgerðir: „Það verða mótmæli á morgun þar sem við munum bera skilti og skora á ykkur að veita læknum rými til að sinna ÖLLUM.“ Takmörkun starfsleyfisins snýr aðeins að Árna Tómasi Ekki tókst að ná tali af Árna Tómasi vegna þessa en Kjartan Hreinn Njálsson aðstoðarmaður Landlæknis segir að embættið tjái sig almennt ekki um mál einstakra heilbrigðisstarfsmanna, nema þá hugsanlega til að leiðrétta mikilvægar rangfærslur sem fram koma: „Starfsleyfaskrá embættisins er opinber og þar er birt samdægurs þegar leyfi er takmarkað en ekki hver takmörkunin er.“ Kjartan Njáll gat ekki tjáð sig um málefni einstakra starfsmanna en hann sagði á hverjum tíma til meðferðar nokkur mál hjá Landlækni sem varða lyfjaávísanir.vísir/vilhelm Það að Árni Tómas hafi nú aðeins takmarkað starfsleyfi er ekki liður í átaki embættisins sem varðar gagnrýni sem hefur dunið á Landlækni vegna þess að á Íslandi er skrifað út meira af lyfjum en þekkist. „Heldur fer fram hefðbundið eftirlit skv. 4. gr. laga um landlækni og lýðheilsu nr. 41/2007, bókstaflið f en þar segir að meðal hlutverka landlæknis er „… að hafa eftirlit með lyfjaávísunum og fylgjast með og stuðla að skynsamlegri lyfjanotkun landsmanna…““ Kjartan segir að á hverjum tíma séu til meðferðar hjá embætti landlæknis nokkur mál sem varða lyfjaávísanir. „Þau eru af ýmsum toga, sum smá í sniðum, önnur umfangsmikil. Sumum lýkur án þess að nokkurra aðgerða sé þörf. Öðrum lýkur til dæmis með tilmælum, áminningu, takmörkun réttar til ávísunar lyfja, sviptingu ávísanaréttar og jafnvel sviptingu starfsleyfis.“ Lyf Heilbrigðismál Mest lesið „Þeir sem búa í glerhúsi ættu að spara grjótkastið“ Innlent Býst við að bróðir sinn Leó feti í fótspor Frans Erlent Átta ára fangelsi í sögulegu fíkniefnamáli Innlent Skólaþorpið í Laugardal: Syðri innkeyrslunni lokað og 256 bílastæði fjarlægð Innlent „Hún er albesti vinur minn“ Innlent Flugmenn tókust óafvitandi á um stjórnina í mikilli ókyrrð yfir Íslandi Innlent Stigmögnunin heldur áfram Erlent Hvað vitum við um Leó páfa? Erlent Einn rólegur, annar afar ósáttur Innlent Skipulögð brotastarfsemi er komin til að vera Innlent Fleiri fréttir Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Lítil Björg dró stóra Hildi í land Nýr páfi, svik við almenning og loðnasti starfsmaður Rimaskóla Lá alblóðugur á gangstétt eftir að hafa komist undan árás æskuvinarins Þungt hugsi og í áfalli Telja Jón Þór hafa tryllst af afbrýðissemi Viðsnúningur eftir krappan dans Vantraust á framkvæmdastjóra Félagsbústaða talið alvarlegt Rúmir níu milljarðar runnið úr ríkissjóði til flokkanna Ólafur Þór undrandi og dómsmálaráðherra talar um svik við þjóðina Heilsa, vellíðan, friður, réttlæti og jöfnuður mikilvægustu markmiðin Svik við almenning, kerfið og samstarfsfólk Ein breyting á stjórn sem leggja á niður „Rotnir starfshættir og ríkisrekið ofbeldi gegn borgurunum“ Miklum meirihluta finnst auglýsingar SFS slæmar Hafdís hafi bara umlað „hann reyndi að drepa mig“ Annar snarpur skjálfti í Ljósufjallakerfi Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ Sjá meira
Árni Tómas hefur skrifað talsvert út af lyfjum undanfarin ár en hann aðhyllist skaðaminnkunarúrræði sem til að mynda Frú Ragnheiður hefur keyrt á. „Ég hef starfað sem læknir í 40 ár og í því felst að minnka skaðann af sjúkdómum fólks og láta því líða betur,“ sagði Árni Tómas Ragnarsson í samtali við mbl.is í fyrra. Þá hafði Árni Tómas skrifað greinar um skaðaminnkunarúrræði og sagðist ekki geta séð neitt sem mælti mót því að skrifa upp á morfínlyf fyrir lítinn hóp fíkla sem hann valdi, ef það gæti orðið til að þeir létu af innbrotum til að fjármagna neyslu sína. Landlæknir hefur hins vegar gripið í taumana og hefur Árni Tómas verið settur í skammarkrókinn. Þó flestir sem um fjalla séu sammála því að þetta sé leiðin skortir lagaúrræði. Ósáttir sjúklingar Sjúklingar eru að vonum ósáttir og hefur til að mynda Anita da Silva Bjarnadóttir ritað grein sem hún birtir á Vísi þar sem hún kvartar undan þessu tiltæki. „Hann er sviptur fyrir það eitt að segja satt og standa vörð um okkar veikasta fólk- fíklana. Fíkla sem hafa fengið meðferð hjá honum og þar af leiðandi náð tökum á lífi sínu. Fíklum sem voru á götunni og fjárhagsleg byrgði á kerfinu, en með meðferð og skilning náð tökum og eignast heimili, vinnur og líf,“ segir Aníta meðal annars í greininni. Hún segir jafnframt Árna Tómas einn örfárra lækna sem Landlæknisembættið ætti að vera ánægt með, hann hafi til að bera skilning og mannúð hans sé í fyrirrúmi. Pistil sinn stílar hún á Landlækni. „Ég skora á þig að veita honum aftur leyfi til að sinna sínum verkjasjúklingum þó hann fengi ekki að hjálpa fíklunum. Þetta er skammarlegt og vanhæf ákvörðun þar sem hann er sirkabát eini gigtarlæknirinn sem að sérhæfir sig í, og skilur vefjagigt og hversu viðbjóðslega sár og hamlandi sjúkdómur þetta er. Það mun kosta ríkið ansi háar fjárhæðir að gera það ekki og mun stífla allt kerfið að þurfa leita til fagaðila sem þekkja þennan sjúkdóm ekki neitt. Svo ég tali nú ekki um alla sem munu þurfa örorku vegna þess að læknar eru ekki að sinna þessum hóp og að verkjastilla þá, sem þarf til að geta tekið þátt í samfélaginu.“ Aníta boðar aðgerðir: „Það verða mótmæli á morgun þar sem við munum bera skilti og skora á ykkur að veita læknum rými til að sinna ÖLLUM.“ Takmörkun starfsleyfisins snýr aðeins að Árna Tómasi Ekki tókst að ná tali af Árna Tómasi vegna þessa en Kjartan Hreinn Njálsson aðstoðarmaður Landlæknis segir að embættið tjái sig almennt ekki um mál einstakra heilbrigðisstarfsmanna, nema þá hugsanlega til að leiðrétta mikilvægar rangfærslur sem fram koma: „Starfsleyfaskrá embættisins er opinber og þar er birt samdægurs þegar leyfi er takmarkað en ekki hver takmörkunin er.“ Kjartan Njáll gat ekki tjáð sig um málefni einstakra starfsmanna en hann sagði á hverjum tíma til meðferðar nokkur mál hjá Landlækni sem varða lyfjaávísanir.vísir/vilhelm Það að Árni Tómas hafi nú aðeins takmarkað starfsleyfi er ekki liður í átaki embættisins sem varðar gagnrýni sem hefur dunið á Landlækni vegna þess að á Íslandi er skrifað út meira af lyfjum en þekkist. „Heldur fer fram hefðbundið eftirlit skv. 4. gr. laga um landlækni og lýðheilsu nr. 41/2007, bókstaflið f en þar segir að meðal hlutverka landlæknis er „… að hafa eftirlit með lyfjaávísunum og fylgjast með og stuðla að skynsamlegri lyfjanotkun landsmanna…““ Kjartan segir að á hverjum tíma séu til meðferðar hjá embætti landlæknis nokkur mál sem varða lyfjaávísanir. „Þau eru af ýmsum toga, sum smá í sniðum, önnur umfangsmikil. Sumum lýkur án þess að nokkurra aðgerða sé þörf. Öðrum lýkur til dæmis með tilmælum, áminningu, takmörkun réttar til ávísunar lyfja, sviptingu ávísanaréttar og jafnvel sviptingu starfsleyfis.“
Lyf Heilbrigðismál Mest lesið „Þeir sem búa í glerhúsi ættu að spara grjótkastið“ Innlent Býst við að bróðir sinn Leó feti í fótspor Frans Erlent Átta ára fangelsi í sögulegu fíkniefnamáli Innlent Skólaþorpið í Laugardal: Syðri innkeyrslunni lokað og 256 bílastæði fjarlægð Innlent „Hún er albesti vinur minn“ Innlent Flugmenn tókust óafvitandi á um stjórnina í mikilli ókyrrð yfir Íslandi Innlent Stigmögnunin heldur áfram Erlent Hvað vitum við um Leó páfa? Erlent Einn rólegur, annar afar ósáttur Innlent Skipulögð brotastarfsemi er komin til að vera Innlent Fleiri fréttir Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Lítil Björg dró stóra Hildi í land Nýr páfi, svik við almenning og loðnasti starfsmaður Rimaskóla Lá alblóðugur á gangstétt eftir að hafa komist undan árás æskuvinarins Þungt hugsi og í áfalli Telja Jón Þór hafa tryllst af afbrýðissemi Viðsnúningur eftir krappan dans Vantraust á framkvæmdastjóra Félagsbústaða talið alvarlegt Rúmir níu milljarðar runnið úr ríkissjóði til flokkanna Ólafur Þór undrandi og dómsmálaráðherra talar um svik við þjóðina Heilsa, vellíðan, friður, réttlæti og jöfnuður mikilvægustu markmiðin Svik við almenning, kerfið og samstarfsfólk Ein breyting á stjórn sem leggja á niður „Rotnir starfshættir og ríkisrekið ofbeldi gegn borgurunum“ Miklum meirihluta finnst auglýsingar SFS slæmar Hafdís hafi bara umlað „hann reyndi að drepa mig“ Annar snarpur skjálfti í Ljósufjallakerfi Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ Sjá meira