Friður 3000 Geir Gunnar Markússon skrifar 11. desember 2023 11:00 Heiti þessa pistils er fengið frá þeim tíma þegar Ástþór Magnússon var í framboði til forseta Íslands árið 1996 og notaðist við slagorðið „Friður 2000“. Ástþór var með það markmið að ná alheimsfrið fyrir árið 2000 en miðað við ástandið í heimsmálum í dag þá virðist nú friður í heiminum frekar fjarlægt markmið. Kannski verðum við búin að ná að sættast á frið í heiminum árið 3000? Hvernig stendur á því að borgarar þessa heims þurfa alltaf að vera í stríði? Maður hefði vonað að með meiri velmegun, aukinni þekkingu og af reynslu fyrri stríða að menn færu nú að slíðra sverðin. Við virðumst lítið sem ekkert læra af sögunni og Gyðingar sem fóru hvað verst út úr seinni heimstyrjöldinni eru nú farnir að slátra Palestínumönnum í „útrýmingarbúðum“ á Gaza! Alveg galið og það er alveg sama hvað maður hugsar þetta djúp þetta bara gengur ekki upp í hausnum á manni. Það er svo merkilegt með öll þessi stríð nú á tímum og áður fyrr að þetta er svo oft gert í nafni trúar. Það er einkennilegt að drepa í nafni trúar, því flest trúarbrögð ganga út á kærleik! Hvaða máli skiptir það hvað við trúum á s.s. Guð, Múhameð, Búdda, okkur sjálf, ekki neitt, heilagar kýr eða sólina, svo lengi sem við erum góðar manneskjur? En hverjir eru að heyja þessi stríð? Það eru oftast valdagráðugir, ríkir og frekir karlar sem telja að þeir megi allt, geti allt og ætla að gera heiminn að sínum. Freki karlinn er búinn að fá að stjórna þessum heimi allt of lengi með þeim „árangri“ sem við sjáum á þessum stríðshrjáða og sundraða heimi. Það er óskandi að kvenmenn fari að taka við stjórn heimsins. Því ef konur munu ráða hér í heiminum þá væru ekki lönd í stríði við hvort annað, þau væru bara í fýlu við hvort annað. Þeir sem síst mega sín verða svo helstu fórnarlömb þessara stríða. Það er ekki hallir freku karlanna sem eru sprengdar upp í stríðum heldur heimili friðelskandi fólks sem hefur ekkert til saka unnið nema að fæðast í þennan grimma heim. Flóttamenn úr stríðshrjáðum löndum fá svo slæmar móttökur frá freka karlinum sem vill helsta loka landamærum síns lands því ekki vill hann að eyða aurum í innflytjendur. Freki karlinn er duglegur í dag að byggja gjá milli „almennra“ borgara og innflytjenda sem þeir sjá oft allt til foráttu. Það er vonandi fyrir freka karlinn að hann verði aldrei flóttamaður frá eigin landi! Eigum við borgarar þessa heims ekki að fara að senda freka karlinn á eftirlaun? Hann hefur fengið að ganga of langt með græðgi og yfirgangi, það er kominn tími til að friðelskandi og víðsýnt fólk fái að stýra í þessum heimi. Það sem er hættulegast í þessum heimi er að gott fólk geri ekki neitt og leyfi freka karlinum að stjórna án þess að láta í sér heyra eða bregðast við ranglætinu, græðginni og frekjunni. Ég vil trúa því að það séu fleiri í þessum heimi sem eru friðelskandi og vilja ekkert frekar en lifa í sátt og samlyndi. Að við förum að vinna saman og auðga þjóðfélög með allskyns blöndum af mismunandi fólki. Stefnum að því að deila friði um allan heim og kjósum freku karlana burt. Deilum ást, umhyggju, hlýju og náungakærleik. Tökum upp friðarbyltingu og förum að pósta #peace2030 út um allt. Heimurinn og við eigum það skilið. Byggjum brýr í stað múra! Ef við erum með stórt heimili og miklar tekjur, bjóðum þeim sem minna mega sín til okkar í stað þess að byggja múra í kringum heimili okkar. Eigið gleðileg og kærleiksrík jól. Höfundur er næringarfræðingur. Imagine (íslensk þýðing) Að hugsa himnaríki og helvíti ekki til aðeins jörð og himin það er auðvelt ef ég vil. Að hugsa að allir lifðu og hrærðust hér og nú. Hugsaðu þér hvergi nein landamæri lögð að drepa og deyja fyrir né deilt um trúarbrögð. Já hugsaðu þér heiminn halda grið og frið. Mér er sagt ég sé með óra en ég er ekki einn um það Já komdu með, við höldum hópinn gerum heiminn að griðastað. Að hugsa sér ef engar eignir væru til græðgi og hungur horfin, hvergi ranglátt spil Að hugsa öll gæði heimsins og jarðar deilast jafnt Mér er sagt ég sé með óra en ég er ekki einn um það Já komdu með, við höldum hópinn, gerum heiminn að einum stað. - John Lennon Viltu birta grein á Vísi? Sendu okkur póst. Senda grein Geir Gunnar Markússon Mest lesið Halldór 23.8.2025 Halldór Vanþekking eða vísvitandi blekkingar? Hjörtur J. Guðmundsson Skoðun Heildstætt heilbrigðiskerfi – hagur okkar allra Alma D. Möller Skoðun „I believe the children are our future…“ Karen Rúnarsdóttir Skoðun Andaðu rólega elskan... Ester Hilmarsdóttir Skoðun Skólaskætingur Þórdís Kolbrún R. Gylfadóttir Skoðun Er Akureyri að missa háskólann sinn? Aðalbjörn Jóhannsson Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson Skoðun Ný sókn í menntamálum Guðmundur Ari Sigurjónsson Skoðun Skoðun Skoðun Heildstætt heilbrigðiskerfi – hagur okkar allra Alma D. Möller skrifar Skoðun Vanþekking eða vísvitandi blekkingar? Hjörtur J. Guðmundsson skrifar Skoðun „I believe the children are our future…“ Karen Rúnarsdóttir skrifar Skoðun Mikilvægi félagasamtaka og magnað maraþon Þuríður Harpa Sigurðardóttir skrifar Skoðun Allt sem ég þarf að gera Dagbjartur Kristjánsson skrifar Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson skrifar Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar Skoðun Notkun ökklabanda Guðmundur Ingi Þóroddsson skrifar Skoðun Skólaskætingur Þórdís Kolbrún R. Gylfadóttir skrifar Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar Skoðun Ný sókn í menntamálum Guðmundur Ari Sigurjónsson skrifar Skoðun Þjóðarmorð, fálmandi mjálm eða aðgerðir? Viðar Hreinsson skrifar Skoðun Vin í eyðimörkinni – almenningsbókasöfn borgarinnar Sanna Magdalena Mörtudóttir skrifar Skoðun Er Akureyri að missa háskólann sinn? Aðalbjörn Jóhannsson skrifar Skoðun Tíu staðreyndir um alvarlegustu kvenréttindakrísu heims Stella Samúelsdóttir skrifar Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir skrifar Skoðun Mestu aularnir í Vetrarbrautinni Kári Helgason skrifar Skoðun Fjárfestum í fyrsta bekk, frekar en fangelsum Hjördís Eva Þórðardóttir skrifar Skoðun Eftirlíking vitundar og hætturnar sem henni fylgja Þorsteinn Siglaugsson skrifar Skoðun Andaðu rólega elskan... Ester Hilmarsdóttir skrifar Skoðun Gagnvirkni líkama og vitundar til heilbrigðis Þórdís Hólm Filipsdóttir skrifar Skoðun Nýjar lausnir í kennslu – gamlar hindranir Bogi Ragnarsson skrifar Skoðun Kópavogsleiðinn Ragnar Þór Pétursson skrifar Skoðun Samstarf sem skilar raunverulegum loftslagsaðgerðum Nótt Thorberg skrifar Skoðun Lærum að lesa og reikna Jón Pétur Zimsen skrifar Skoðun Loforðið sem borgarstjóri gleymdi Magnea Gná Jóhannsdóttir skrifar Skoðun Kristrún, það er bannað að plata Snorri Másson skrifar Skoðun Öndunaræfingar í boði SFS Vala Árnadóttir skrifar Sjá meira
Heiti þessa pistils er fengið frá þeim tíma þegar Ástþór Magnússon var í framboði til forseta Íslands árið 1996 og notaðist við slagorðið „Friður 2000“. Ástþór var með það markmið að ná alheimsfrið fyrir árið 2000 en miðað við ástandið í heimsmálum í dag þá virðist nú friður í heiminum frekar fjarlægt markmið. Kannski verðum við búin að ná að sættast á frið í heiminum árið 3000? Hvernig stendur á því að borgarar þessa heims þurfa alltaf að vera í stríði? Maður hefði vonað að með meiri velmegun, aukinni þekkingu og af reynslu fyrri stríða að menn færu nú að slíðra sverðin. Við virðumst lítið sem ekkert læra af sögunni og Gyðingar sem fóru hvað verst út úr seinni heimstyrjöldinni eru nú farnir að slátra Palestínumönnum í „útrýmingarbúðum“ á Gaza! Alveg galið og það er alveg sama hvað maður hugsar þetta djúp þetta bara gengur ekki upp í hausnum á manni. Það er svo merkilegt með öll þessi stríð nú á tímum og áður fyrr að þetta er svo oft gert í nafni trúar. Það er einkennilegt að drepa í nafni trúar, því flest trúarbrögð ganga út á kærleik! Hvaða máli skiptir það hvað við trúum á s.s. Guð, Múhameð, Búdda, okkur sjálf, ekki neitt, heilagar kýr eða sólina, svo lengi sem við erum góðar manneskjur? En hverjir eru að heyja þessi stríð? Það eru oftast valdagráðugir, ríkir og frekir karlar sem telja að þeir megi allt, geti allt og ætla að gera heiminn að sínum. Freki karlinn er búinn að fá að stjórna þessum heimi allt of lengi með þeim „árangri“ sem við sjáum á þessum stríðshrjáða og sundraða heimi. Það er óskandi að kvenmenn fari að taka við stjórn heimsins. Því ef konur munu ráða hér í heiminum þá væru ekki lönd í stríði við hvort annað, þau væru bara í fýlu við hvort annað. Þeir sem síst mega sín verða svo helstu fórnarlömb þessara stríða. Það er ekki hallir freku karlanna sem eru sprengdar upp í stríðum heldur heimili friðelskandi fólks sem hefur ekkert til saka unnið nema að fæðast í þennan grimma heim. Flóttamenn úr stríðshrjáðum löndum fá svo slæmar móttökur frá freka karlinum sem vill helsta loka landamærum síns lands því ekki vill hann að eyða aurum í innflytjendur. Freki karlinn er duglegur í dag að byggja gjá milli „almennra“ borgara og innflytjenda sem þeir sjá oft allt til foráttu. Það er vonandi fyrir freka karlinn að hann verði aldrei flóttamaður frá eigin landi! Eigum við borgarar þessa heims ekki að fara að senda freka karlinn á eftirlaun? Hann hefur fengið að ganga of langt með græðgi og yfirgangi, það er kominn tími til að friðelskandi og víðsýnt fólk fái að stýra í þessum heimi. Það sem er hættulegast í þessum heimi er að gott fólk geri ekki neitt og leyfi freka karlinum að stjórna án þess að láta í sér heyra eða bregðast við ranglætinu, græðginni og frekjunni. Ég vil trúa því að það séu fleiri í þessum heimi sem eru friðelskandi og vilja ekkert frekar en lifa í sátt og samlyndi. Að við förum að vinna saman og auðga þjóðfélög með allskyns blöndum af mismunandi fólki. Stefnum að því að deila friði um allan heim og kjósum freku karlana burt. Deilum ást, umhyggju, hlýju og náungakærleik. Tökum upp friðarbyltingu og förum að pósta #peace2030 út um allt. Heimurinn og við eigum það skilið. Byggjum brýr í stað múra! Ef við erum með stórt heimili og miklar tekjur, bjóðum þeim sem minna mega sín til okkar í stað þess að byggja múra í kringum heimili okkar. Eigið gleðileg og kærleiksrík jól. Höfundur er næringarfræðingur. Imagine (íslensk þýðing) Að hugsa himnaríki og helvíti ekki til aðeins jörð og himin það er auðvelt ef ég vil. Að hugsa að allir lifðu og hrærðust hér og nú. Hugsaðu þér hvergi nein landamæri lögð að drepa og deyja fyrir né deilt um trúarbrögð. Já hugsaðu þér heiminn halda grið og frið. Mér er sagt ég sé með óra en ég er ekki einn um það Já komdu með, við höldum hópinn gerum heiminn að griðastað. Að hugsa sér ef engar eignir væru til græðgi og hungur horfin, hvergi ranglátt spil Að hugsa öll gæði heimsins og jarðar deilast jafnt Mér er sagt ég sé með óra en ég er ekki einn um það Já komdu með, við höldum hópinn, gerum heiminn að einum stað. - John Lennon
Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar
Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar
Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar
Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar