Einkunnir Íslands: Fullkomin frumraun hjá átján ára nýliða Íþróttadeild Stöðvar 2 og Vísis skrifar 5. desember 2023 20:56 Fanney Inga Birkisdóttir og Glódís Perla Viggósdóttir faðmast eftir frábæra frammistöðu í Viborg í kvöld. EPA-EFE/Johnny Pedersen Hin átján ára gamla Fanney Inga Birkisdóttir, fyrirliðinn Glódís Perla Viggósdóttir og markaskorarinn Karólína Lea Vilhjálmsdóttir stóðu upp úr í fræknum 1-0 sigri Íslands gegn Danmörku í kvöld. Ísland gerði Danmörku risastóran grikk með sigrinum, og réttu Þýskalandi hjálparhönd, því Danir hefðu með sigri getað náð efsta sæti riðilsins og komist í úrslit Þjóðadeildarinnar í fótbolta, með möguleika á ólympíusæti. Fanney Inga og Glódís stóðu upp úr aftast á vellinum í þéttri vörn íslenska liðsins sem sá til þess að færi Dana yrðu ekki nægilega góð, og Karólína sýndi á ný sínar bestu hliðar eins og hún gerði á EM í Englandi í fyrra. Einkunnir íslenska liðsins í kvöld má sjá hér að neðan. Einkunnir Íslands: Fanney Inga Birkisdóttir, markvörður: 9 Svo til fullkomin frumraun hjá þessum 18 ára gamla markverði Vals sem öðlast hefur hellings reynslu á þessu tímabili, meðal annars í lokakeppni EM U19. Fanney Inga var öryggið uppmálað allan leikinn, óhrædd við að spila boltanum stutt á samherja þegar það var hægt og við að rífa til sín lausa bolta í teignum. Þurfti sjaldan að verja erfið skot en átti eina frábæra markvörslu. Guðný Árnadóttir, hægri bakvörður: 6 Að mestu örugg í varnarleiknum en mögulega ekki rétt staðsett í sumum tilvikum þegar verjast þurfti fyrirgjöfum frá hinum kantinum. Skilaði litlu fram á við eins og mátti svo sem búast við í svona leik. Guðrún Arnardóttir, hafsent: 7 Gerði engin mistök í vörninni og passar vel saman með Glódísi í miðri vörninni. Saman sáu þær til þess að stöðva fjölda sókna Dana. Glódís Perla Viggósdóttir, hafsent: 9 Yfirburðamaður í varnarleiknum og raunar í algjörum heimsklassa. Alltaf mætt á réttan stað og ef boltinn kemur í loftinu inn í vítateiginn þá skallar Glódís hann, eða þannig var það alla vega í kvöld. Var nálægt því að skora í fyrri hálfleik, með skalla. Sædís Rún Heiðarsdóttir, vinstri bakvörður: 6 Ekki alltaf rétt tengd í varnarleiknum en olli engum stórslysum. Það var þó helst að einhverjar glufur mynduðust í vörninni hennar megin. Átti frábæra sendingu á Karólínu í markinu. Selma Sól Magnúsdóttir, miðjumaður: 7 Búin að festa sig vel í sessi á miðjunni hjá íslenska liðinu, lætur alltaf finna vel fyrir sér og skilaði boltanum ágætlega frá sér. Alexandra Jóhannsdóttir, miðjumaður: 6 Fékk tækifæri í byrjunarliðinu og stóð sig ágætlega en hefði mátt skila meiru fram á við. Gefur ekkert eftir í návígjum. Karólína Lea Vilhjálmsdóttir, framliggjandi miðjumaður: 8 Fengum að sjá þá Karólínu sem hefur verið svo frábær í þýsku deildinni í vetur. Hún var sérstaklega áberandi í fyrri hálfleiknum og ógnandi fram á við, og nýtti svo eina tækifærið sitt í seinni hálfleik til að skora sigurmarkið. Agla María Albertsdóttir, hægri kantur: 6 Nálægt því að skora með góðu skoti í fyrri hálfleiknum en annars ekki mjög áberandi í leiknum. Studdi þó vel við í varnarleiknum. Diljá Ýr Zomers, vinstri kantur: 5 Ekki alveg nógu vel tengd við liðsfélagana í kvöld, bæði í vörn og sókn, og náði ekki alveg að fylgja eftir frammistöðunni gegn Wales þar sem hún skoraði á föstudaginn. Hlín Eiríksdóttir, framherji: 6 Barðist af krafti allan tímann og gerði sérstaklega vel í að halda boltanum í fyrri hálfleik þegar íslenska liðið þurfti að losa boltann fram. Kom hins vegar minna út úr henni fremst á vellinum. Varamenn Íslands: Berglind Rós Ágústsdóttir - Kom inn fyrir Selmu Sól á 70. mínútu: 6 Kom inn í leikinn skömmu áður en markið kom. Þurfti mikið að verjast en skilaði boltanum ágætlega frá sér. Hafrún Rakel Halldórsdóttir - Kom inn fyrir Öglu Maríu á 70. mínútu: 6 Lítt áberandi en dugleg sem fyrr. Ólöf Sigríður Kristinsdóttir - Kom inn fyrir Hlín á 78. mínútu Spilaði ekki nóg til að fá einkunn. Arna Sif Ásgrímsdóttir - Kom inn fyrir Karólínu Leu á 90. mínútu Spilaði ekki nóg til að fá einkunn. Landslið kvenna í fótbolta Þjóðadeild kvenna í fótbolta Mest lesið Tárin runnu þegar feðgarnir föðmuðust eftir afrek Gísla í Meistaradeildinni Handbolti Faðir Ingebrigtsen barnanna fékk fimmtán daga dóm Sport „Ég á erfitt með að trúa þessu upp á hreinræktaðan Árbæing“ Íslenski boltinn Álftnesingar krækja í lykilmann Keflavíkur Körfubolti Vellirnir hálftómir á HM félagsliða Sport Kæra Coote vegna ummæla sinna um Jürgen Klopp Enski boltinn Neyddur í legghlífar í Garðabæ en losaði sig strax við þær Íslenski boltinn Giftu sig í miðju hlaupi Sport Dóttirin talar íslensku: Í úrslitum NBA og meira tengd Íslandi en áður Körfubolti Frá martraðarbyrjun í draumaendi með mögnuðu sigurpútti Golf Fleiri fréttir Topplisti Alberts: „Íslenskasti leikur allra tíma“ Asíutúrinn setur strik í reikninginn varðandi framtíð Son Í stöðugu sambandi við strandaglópinn Solomon Markalaust hjá Fluminense og Dortmund „Ég vil líka skora mörk“ Kæra Coote vegna ummæla sinna um Jürgen Klopp Systurfélagi Silkeborg hent út úr Evrópukeppninni áður en hún byrjar Flýta tveimur leikjum KA-manna í næsta mánuði Versta staða Fylkismanna í næstum því fjörutíu ár Víkingar til Kósóvó en Valsmenn til Eistlands Spilaði í fyrsta skiptið eftir bílslysið Trump fékk gefins áritaða treyju Cristiano Ronaldo Blikar lentu á móti albönsku meisturunum „Ég á erfitt með að trúa þessu upp á hreinræktaðan Árbæing“ Vita ekki hvar leikmaður þeirra er Þjálfari Evrópumeistaranna ber að ofan og berfættur á æfingu liðsins Man. United sagt í viðræðum við Ekitike sem var líka orðaður við Liverpool Sjáðu Gylfa leggja upp sigurmarkið fyrir Gunnar og öll hin í sigri Víkinga á KR Leikmenn sænska kvennalandsliðsins slógust á æfingu Óskar Hrafn: Lítið gagn af því að tryllast Gylfi: Það vilja allir spilar framar Uppgjörið: Víkingur - KR 3-2 | Víkingur tyllti sér á toppinn í frábærum leik Uppgjörið: FH 5 - 1 Tindastóll | FH gekk frá Tindastól í seinni hálfleik Uppgjörið: Þór/KA 0 - 2 Breiðablik | Blikar með öruggan sigur Neyddur í legghlífar í Garðabæ en losaði sig strax við þær María og Haug fá ekki að mæta Íslandi á EM Leita arftaka Jóns Þórs: „Hann tók þessu með mikilli reisn“ Áhorf á kvennaboltann eykst mikið í Noregi en hrynur á Íslandi Jón Þór hættur hjá ÍA „Ég vil drepa Manchester United“ Sjá meira
Ísland gerði Danmörku risastóran grikk með sigrinum, og réttu Þýskalandi hjálparhönd, því Danir hefðu með sigri getað náð efsta sæti riðilsins og komist í úrslit Þjóðadeildarinnar í fótbolta, með möguleika á ólympíusæti. Fanney Inga og Glódís stóðu upp úr aftast á vellinum í þéttri vörn íslenska liðsins sem sá til þess að færi Dana yrðu ekki nægilega góð, og Karólína sýndi á ný sínar bestu hliðar eins og hún gerði á EM í Englandi í fyrra. Einkunnir íslenska liðsins í kvöld má sjá hér að neðan. Einkunnir Íslands: Fanney Inga Birkisdóttir, markvörður: 9 Svo til fullkomin frumraun hjá þessum 18 ára gamla markverði Vals sem öðlast hefur hellings reynslu á þessu tímabili, meðal annars í lokakeppni EM U19. Fanney Inga var öryggið uppmálað allan leikinn, óhrædd við að spila boltanum stutt á samherja þegar það var hægt og við að rífa til sín lausa bolta í teignum. Þurfti sjaldan að verja erfið skot en átti eina frábæra markvörslu. Guðný Árnadóttir, hægri bakvörður: 6 Að mestu örugg í varnarleiknum en mögulega ekki rétt staðsett í sumum tilvikum þegar verjast þurfti fyrirgjöfum frá hinum kantinum. Skilaði litlu fram á við eins og mátti svo sem búast við í svona leik. Guðrún Arnardóttir, hafsent: 7 Gerði engin mistök í vörninni og passar vel saman með Glódísi í miðri vörninni. Saman sáu þær til þess að stöðva fjölda sókna Dana. Glódís Perla Viggósdóttir, hafsent: 9 Yfirburðamaður í varnarleiknum og raunar í algjörum heimsklassa. Alltaf mætt á réttan stað og ef boltinn kemur í loftinu inn í vítateiginn þá skallar Glódís hann, eða þannig var það alla vega í kvöld. Var nálægt því að skora í fyrri hálfleik, með skalla. Sædís Rún Heiðarsdóttir, vinstri bakvörður: 6 Ekki alltaf rétt tengd í varnarleiknum en olli engum stórslysum. Það var þó helst að einhverjar glufur mynduðust í vörninni hennar megin. Átti frábæra sendingu á Karólínu í markinu. Selma Sól Magnúsdóttir, miðjumaður: 7 Búin að festa sig vel í sessi á miðjunni hjá íslenska liðinu, lætur alltaf finna vel fyrir sér og skilaði boltanum ágætlega frá sér. Alexandra Jóhannsdóttir, miðjumaður: 6 Fékk tækifæri í byrjunarliðinu og stóð sig ágætlega en hefði mátt skila meiru fram á við. Gefur ekkert eftir í návígjum. Karólína Lea Vilhjálmsdóttir, framliggjandi miðjumaður: 8 Fengum að sjá þá Karólínu sem hefur verið svo frábær í þýsku deildinni í vetur. Hún var sérstaklega áberandi í fyrri hálfleiknum og ógnandi fram á við, og nýtti svo eina tækifærið sitt í seinni hálfleik til að skora sigurmarkið. Agla María Albertsdóttir, hægri kantur: 6 Nálægt því að skora með góðu skoti í fyrri hálfleiknum en annars ekki mjög áberandi í leiknum. Studdi þó vel við í varnarleiknum. Diljá Ýr Zomers, vinstri kantur: 5 Ekki alveg nógu vel tengd við liðsfélagana í kvöld, bæði í vörn og sókn, og náði ekki alveg að fylgja eftir frammistöðunni gegn Wales þar sem hún skoraði á föstudaginn. Hlín Eiríksdóttir, framherji: 6 Barðist af krafti allan tímann og gerði sérstaklega vel í að halda boltanum í fyrri hálfleik þegar íslenska liðið þurfti að losa boltann fram. Kom hins vegar minna út úr henni fremst á vellinum. Varamenn Íslands: Berglind Rós Ágústsdóttir - Kom inn fyrir Selmu Sól á 70. mínútu: 6 Kom inn í leikinn skömmu áður en markið kom. Þurfti mikið að verjast en skilaði boltanum ágætlega frá sér. Hafrún Rakel Halldórsdóttir - Kom inn fyrir Öglu Maríu á 70. mínútu: 6 Lítt áberandi en dugleg sem fyrr. Ólöf Sigríður Kristinsdóttir - Kom inn fyrir Hlín á 78. mínútu Spilaði ekki nóg til að fá einkunn. Arna Sif Ásgrímsdóttir - Kom inn fyrir Karólínu Leu á 90. mínútu Spilaði ekki nóg til að fá einkunn.
Landslið kvenna í fótbolta Þjóðadeild kvenna í fótbolta Mest lesið Tárin runnu þegar feðgarnir föðmuðust eftir afrek Gísla í Meistaradeildinni Handbolti Faðir Ingebrigtsen barnanna fékk fimmtán daga dóm Sport „Ég á erfitt með að trúa þessu upp á hreinræktaðan Árbæing“ Íslenski boltinn Álftnesingar krækja í lykilmann Keflavíkur Körfubolti Vellirnir hálftómir á HM félagsliða Sport Kæra Coote vegna ummæla sinna um Jürgen Klopp Enski boltinn Neyddur í legghlífar í Garðabæ en losaði sig strax við þær Íslenski boltinn Giftu sig í miðju hlaupi Sport Dóttirin talar íslensku: Í úrslitum NBA og meira tengd Íslandi en áður Körfubolti Frá martraðarbyrjun í draumaendi með mögnuðu sigurpútti Golf Fleiri fréttir Topplisti Alberts: „Íslenskasti leikur allra tíma“ Asíutúrinn setur strik í reikninginn varðandi framtíð Son Í stöðugu sambandi við strandaglópinn Solomon Markalaust hjá Fluminense og Dortmund „Ég vil líka skora mörk“ Kæra Coote vegna ummæla sinna um Jürgen Klopp Systurfélagi Silkeborg hent út úr Evrópukeppninni áður en hún byrjar Flýta tveimur leikjum KA-manna í næsta mánuði Versta staða Fylkismanna í næstum því fjörutíu ár Víkingar til Kósóvó en Valsmenn til Eistlands Spilaði í fyrsta skiptið eftir bílslysið Trump fékk gefins áritaða treyju Cristiano Ronaldo Blikar lentu á móti albönsku meisturunum „Ég á erfitt með að trúa þessu upp á hreinræktaðan Árbæing“ Vita ekki hvar leikmaður þeirra er Þjálfari Evrópumeistaranna ber að ofan og berfættur á æfingu liðsins Man. United sagt í viðræðum við Ekitike sem var líka orðaður við Liverpool Sjáðu Gylfa leggja upp sigurmarkið fyrir Gunnar og öll hin í sigri Víkinga á KR Leikmenn sænska kvennalandsliðsins slógust á æfingu Óskar Hrafn: Lítið gagn af því að tryllast Gylfi: Það vilja allir spilar framar Uppgjörið: Víkingur - KR 3-2 | Víkingur tyllti sér á toppinn í frábærum leik Uppgjörið: FH 5 - 1 Tindastóll | FH gekk frá Tindastól í seinni hálfleik Uppgjörið: Þór/KA 0 - 2 Breiðablik | Blikar með öruggan sigur Neyddur í legghlífar í Garðabæ en losaði sig strax við þær María og Haug fá ekki að mæta Íslandi á EM Leita arftaka Jóns Þórs: „Hann tók þessu með mikilli reisn“ Áhorf á kvennaboltann eykst mikið í Noregi en hrynur á Íslandi Jón Þór hættur hjá ÍA „Ég vil drepa Manchester United“ Sjá meira