Albert skoraði sigur­markið

Albert hefur leikið frábærlega fyrir Genoa undanfarnar vikur og eru stærri félög á Ítalíu að horfa til leikmannsins þegar félagaskiptaglugginn opnar á nýjan leik í janúar.

Albert var sem fyrri í byrjunarliði Genoa og skoraði það sem reyndist sigurmarkið þegar tíu mínútur voru til loka fyrri hálfleiks eftir undirbúning Ruslan Malinovsky.

Þar sem ekkert var skorað í síðari hálfleik reyndist mark Alberts sigurmark leiksins, lokatölur 1-0. Genoa situr nú í 13. sæti með 11 stig að loknum tíu leikjum. Salernitana er í 19. sæti án sigurs.