Blikar mæta sterku liði Gent í kvöld: „Getum alltaf gefið al­vöru leik“

Um er að ræða þriðja leik Breiða­bliks í Sam­bands­deildinni en fyrir hefur liðið tapað báðum leikjum sínum í riðlinum. Fyrst gegn Mac­cabi Tel Aviv á úti­velli og svo hér heima gegn úkraínska liðinu Zor­ya Luhansk.

„Þetta leggst bara vel í okkur. Það er komin mikil til­hlökkun. Við erum að fara mæta sterku liði í Gent,“ segir Höskuldur í sam­tali við Vísi.

Áður en Breiða­blik hélt yfir til Belgíu milli­lenti liðið í Skot­landi. Æfði þar og spilaði æfingar­leik gegn vara­liði Glas­gow Rangers um síðustu helgi. Leik sem lauk með 3-2 sigri Blika.

„Ég held að þjálfara­t­eymið hafi bara hitt naglann á höfuðið með því að fá þennan leik fyrir okkur af því að það voru alveg liðnar þrjár vikur frá því að Besta deildin kláraðist. Þarna fengum við leik sem var spilaður af mikilli á­kefð og hann mun reynast okkur dýr­mætur upp á fram­haldið að gera.“

Með hvaða hugar­fari fara Blikar inn í þennan leik?

„Við náttúru­lega stefnum bara að því að vinna þennan leik í grunninn. Við áttum okkur alveg á því að við komum inn sem litla liðið í þennan leik. Gent er massíft lið og heima­liðið í þessari viður­eign en við höfum þá trú á okkur að sama hver and­stæðingurinn er, sama á hvaða velli leikurinn er spilaður, getum við alltaf gefið al­vöru leik og ef við nýtum okkar tæki­færi vel þá held ég að við getum alveg náð í góð úr­slit.“

Leikur Gent og Breiðabliks í Sambandsdeild Evrópu verður sýndur í beinni útsendingu á sportrásinni Vodafone Sport og hef útsending klukkan 16.35.