Innlent

Birta mynd­band af Ís­lendingi ráðast á leigu­bíl­stjóra í Japan

Hallgerður Kolbrún E. Jónsdóttir skrifar
Hér má sjá íslendinginn kýla í rúðu bílstjórahurðarinnar áður en leigubílstjórinn stígur út.
Hér má sjá íslendinginn kýla í rúðu bílstjórahurðarinnar áður en leigubílstjórinn stígur út. Vísir/Skjáskot

Myndband hefur verið birt af því þegar íslenskur karlmaður réðst á leigubílstjóra í Osaka í Japan síðastliðinn þriðjudag. Íslenski maðurinn, sem er sagður 24 ára gamall og heita Oliver, var handtekinn vegna árásarinnar á laugardag.

Japanskir miðlar hafa flutt fréttir af málinu í dag og nú birt myndband sem tekið var á öryggismyndavélar í Osaka. Má þar sjá íslenska manninn ganga út úr bílnum og kýla bílstjórahurðina áður en leigubílstjórinn, sem er 59 ára gamall, stígur út og íslenski karlmaðurinn slær til hans.  

Greinilegt er að mennirnir eiga í orðaskiptum og er sá íslenski sagður af lögreglu ekki hafa viljað greiða 3.000 yen, eða tæpar 2.800 krónur, fyrir farið.

Íslenski maðurinn er sagður hafa hlaupið á brott eftir að hafa kýlt leigubílstjórann og var hann handtekinn á laugardag eftir að japanska lögreglan bar á hann kennsl af myndböndum öryggismyndavéla. 

Ægir Þór Eysteinsson, upplýsingafulltrúi utanríkisráðuneytisins, segir málið á borði borgaraþjónustu ráðuneytisins.

Japan Íslendingar erlendis

Tengdar fréttir

Ís­lendingur hand­tekinn fyrir líkams­á­rás í Osaka

Íslendingur á þrítugsaldri hefur verið handtekinn í Osaka í Japan grunaður um að hafa ráðist á leigubílstjóra á sextugsaldri eftir að hann neitaði að greiða fargjald. Utanríkisráðuneytið hefur vitneskju um málið.

Mest lesið


Fleiri fréttir

Sjá meira


×

Mest lesið