Kanna hvort grípa þurfi inn í út­gáfu Dimmali­mm

Þetta kemur fram í Morgun­blaðinu í dag. Eins og Vísir hefur greint frá eru að­stand­endur höfundarins, Guð­munds Thor­steins­sonar, Muggs, afar ó­sáttir við út­gáfuna. Ný út­gáfa er í höndum út­gáfu­fyrir­tækisins Óðins­auga og er þar að finna nýjar myndir í stað mynda Muggs.

Þá hefur Mynd­stef sent frá sér yfir­lýsingu vegna málsins þar sem segir að það sé álit sam­takanna að ný út­gáfa gangi of nærri sæmdar­rétti Muggs og rétt­mætum við­skipta­háttum. Á­lita­mál sé um hvort fölsun sé að ræða.

Í svörum til Morgun­blaðsins segir menningar-og við­skipta­ráðu­neytið að því hafi borist á­bendingar vegna málsins. Óskað hafi verið eftir því að kannað yrði hvort á­stæða væri til að beita á­kvæði 2.mgr.53.gr. höfunda­laga.

Sam­kvæmt henni er einungis heimilt að höfða mál vegna brota á sæmdar­rétti verka sem fallin eru úr al­mennri höfundar­réttar­vernd að kröfu ráð­herra, enda telji hann þess þörf vegna til­lits til al­mennra menningar­verndar. Segir ráðu­neytið að sú könnun standi nú yfir í ráðu­neytinu.