Meiðsla­listi Chelsea metinn á 65 milljarða

Chelsea hefur byrjað tímabilið skelfilega og er með aðeins fimm stig að loknum fimm umferðum. Mauricio Pochettino hefur ekki enn getað stillt upp sínu sterkasta liði en það virðist sem nýr leikmaður meiðist á hverjum degi.

Sem dæmi má taka að miðjumennirnir Roméo Lavia og Moisés Caicedo eru meiddir en þeir gengu til liðs við Chelsea undir lok félagaskiptagluggans á áttu að fylla skarðið sem N´Golo Kanté skildi eftir.

Á samfélagsmiðlum Match of the Day, hins gríðarvinsæla sjónvarpsþátt sem fer yfir leiki helgarinnar í ensku úrvalsdeildinni, sjá úrvalslið meiddra leikmanna hjá Chelsea. Stillt er upp í 11 manna byrjunarlið sem kostaði Chelsea samtals 385 milljónir punda eða 65 milljarða íslenskra króna.

Næsti leikur Chelsea er gegn Aston Villa á Brúnni í Lundúnum þann 24. september.