Illa ígrunduð áform Ásmundar Þorsteinn Kristjánsson skrifar 8. september 2023 07:00 Tillaga Ásmundar Einars Daðasonar, mennta- og barnamálaráðherra, um sameiningu Menntaskólans á Akureyri og Verkmenntaskólans á Akureyri er vanhugsuð aðför að mennta- og samfélagsmálum á landsbyggðinni. Einsleitara skólaumhverfi er engum til hagsbóta, sækjum frekar fram og fögnum fjölbreytileikanum. Skilur skólasamfélagið eftir í rúst Til að bregðast við óskum um fjölgun nemenda í verk- og starfsnámi er gert ráð fyrir því í fjármálaáætlun ríkisins að auka framlög til framhaldsskólanna um 1 milljarð króna á næstu 4 árum. Fyrstu viðbrögð Ásmundar (þingmaður Reykvíkinga, ættaður úr Dölunum) er að leggja til atlögu við rótgróið menntasamfélag norður á Akureyri. Ætlunin er að leggja niður tvær rótgrónar mennta- og menningarstofnanir og „spara“ allt að 400 milljónir króna (lesist nýta til annarra verkefna annarsstaðar á landinu). Ráðherrann gefur skólameisturum og einum verkefnisstjóra heila tvo mánuði til að móta nýja menntastofnun í stað MA og VMA, mennta- og menningarstofnana á Akureyri sem tók þúsundir einstaklinga, nemendur, kennara og aðra velunnara skólanna marga áratugi að móta og byggja upp. Með því að gefa svo stuttan tíma til að byggja upp úr þeim rústum sem ráðherra virðist vilja skilja eftir sig í skólasamfélaginu hér fyrir norðan má öllum ljóst vera að hlutskipti skólameistaranna er ekki öfundsvert - þeim eru í raun gefnir tveir kostir af ráðherra: „annað hvort vinnur þú með mér að þessu verkefni og átt þá von um að halda starfinu þínu eða þá þú getur átt þig.“ Í sérstöðunni blómstrar fjölbreytnin Það eru ómæld verðmæti fólgin í því fyrir samfélagið á Akureyri og næsta nágrenni að nemendur geti valið á milli tveggja stórgóðra framhaldsskóla sem eru svo ólíkir sem raun ber vitni. Að fórna þessum verðmætum fyrir óraunhæfar hugmyndir um fjárhagslegan ávinning og innihaldslausa frasann um betri, öflugri og „fjölbreyttari“ skóla er hvorki boðleg né sæmandi framganga skynsömu fólki. Eða hver eiga hin svokölluðu samlegðaráhrif nákvæmlega að verða? Við megum því ekki við þeim slæmu samfélagslegu áhrifum sem sameining MA og VMA myndi óneitanlega hafa í för með sér. Einsleitara skólaumhverfi grefur undan þeirri sérstöðu sem skólarnir vissulega hafa, hvor á sinn einstaka hátt. Það þarf ekki að fjölyrða um þann sess sem skólarnir skipa í blómlegu lífi Akureyrarbæjar þar sem nemar hvaðanæva að sækja sér menntun og auðga mannlífið til frambúðar. Í þeirri flóru skína einstaklingar skærar og flytja með sér nýja strauma sem deyja út í flatneskju stærri skóla. Sérstöðunni og smæðinni fylgir fjölbreytnin og í því eru fólgin ómæld verðmæti. Hvar eru kjörnu fulltrúarnir? Hver er afstaða kjörinna fulltrúa okkar á Alþingi og sveitarstjórnum? Hvar er fyrsti þingmaður Norðausturkjördæmis, samflokksmaður ráðherrans sem leggur fram þessa sameiningartillögu? Ummæli hennar hingað til fela ekki í sér neina afstöðu til málsins. Ætlar þú að leyfa ráðherranum þínum að valta yfir kjördæmið þitt? Hvar eru oddvitar hinna flokkanna sem eru í ríkisstjórn? Hver er afstaða bæjarstjórnar Akureyrar? Ætla iðnfyrirtæki á Akureyri og Norðurlandi að láta þessa aðför að verknámi ganga yfir sig án þess að við þau sé nokkurt samráð um þær breytingar sem fyrirhugaðar eru á framtíðar starfskröftum og þekkingu iðnaðar svæðisins? Hver ætlar að standa vörð um þessar mikilvægu menntastofnanir? Ég auglýsi hér með eftir einhverjum sem er ekki sama. Látum í okkur heyra Þessi óútfærða og illa ígrundaða tillaga ráðherra er eins og blaut tuska í andlit allra þeirra sem á undanförnu áratugum hafa lagt þessum mikilvægu menntastofnunum lið í sífelldu uppbyggingarstarfi sínu. Hvers vegna ekki að sækja fram og efla skólana, frekar en að grafa undan þeim með þessum hætti? Kæru nemendur í MA – núverandi og verðandi – fyrrum nemendur standa með ykkur. Og MA-ingar, hvar sem þið eruð í heiminum; rísið upp og talið gegn þessum vanhugsuðu og skaðlegu áformum Ásmundar Einars Daðasonar. Nemendafélag skólans á ekki að standa eitt og óstutt í baráttunni. Höfundur er stúdent frá MA Viltu birta grein á Vísi? Sendu okkur póst. Senda grein Skóla - og menntamál Framhaldsskólar Akureyri Tengdar fréttir Mótmæli nemenda snúist fyrst og fremst um skólamenningu Skólameistari Menntaskólans á Akureyri segir mótmæli nemenda við mögulegri sameiningu skólans við Verkmenntaskólann á Akureyri fyrst og fremst byggð á skólamenningu. Sameining skólanna myndi auka gæði bóknáms á Akureyri og efla þá. 7. september 2023 12:01 Mótmæltu sameiningu MA og VMA: „Ásmundur segðu af þér!“ Fjöldi nemenda Menntaskólans á Akureyri mótmæltu í dag fyrirhugaðri sameiningu skólans og Verkmenntaskólans á Akureyri. 6. september 2023 20:23 Sjokkeraðir nemendur MA boða til mótmæla á Ráðhústorgi Nemendafélag Menntaskólans á Akureyri hefur boðað til mótmæla á Ráðhústorgi bæjarins í dag vegna mögulegrar sameiningar skólans og Verkmenntaskólans á Akureyri. Forseti nemendafélags MA segir nemendur í sjokki eftir fund með ráðherra í gær og óttast að rótgrónar hefðir innans skólans glatist með sameiningu. 6. september 2023 11:44 Mest lesið Halldór 23.8.2025 Halldór Vanþekking eða vísvitandi blekkingar? Hjörtur J. Guðmundsson Skoðun Heildstætt heilbrigðiskerfi – hagur okkar allra Alma D. Möller Skoðun „I believe the children are our future…“ Karen Rúnarsdóttir Skoðun Andaðu rólega elskan... Ester Hilmarsdóttir Skoðun Skólaskætingur Þórdís Kolbrún R. Gylfadóttir Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson Skoðun Er Akureyri að missa háskólann sinn? Aðalbjörn Jóhannsson Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson Skoðun Ný sókn í menntamálum Guðmundur Ari Sigurjónsson Skoðun Skoðun Skoðun Heildstætt heilbrigðiskerfi – hagur okkar allra Alma D. Möller skrifar Skoðun Vanþekking eða vísvitandi blekkingar? Hjörtur J. Guðmundsson skrifar Skoðun „I believe the children are our future…“ Karen Rúnarsdóttir skrifar Skoðun Mikilvægi félagasamtaka og magnað maraþon Þuríður Harpa Sigurðardóttir skrifar Skoðun Allt sem ég þarf að gera Dagbjartur Kristjánsson skrifar Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson skrifar Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar Skoðun Notkun ökklabanda Guðmundur Ingi Þóroddsson skrifar Skoðun Skólaskætingur Þórdís Kolbrún R. Gylfadóttir skrifar Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar Skoðun Ný sókn í menntamálum Guðmundur Ari Sigurjónsson skrifar Skoðun Þjóðarmorð, fálmandi mjálm eða aðgerðir? Viðar Hreinsson skrifar Skoðun Vin í eyðimörkinni – almenningsbókasöfn borgarinnar Sanna Magdalena Mörtudóttir skrifar Skoðun Er Akureyri að missa háskólann sinn? Aðalbjörn Jóhannsson skrifar Skoðun Tíu staðreyndir um alvarlegustu kvenréttindakrísu heims Stella Samúelsdóttir skrifar Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir skrifar Skoðun Mestu aularnir í Vetrarbrautinni Kári Helgason skrifar Skoðun Fjárfestum í fyrsta bekk, frekar en fangelsum Hjördís Eva Þórðardóttir skrifar Skoðun Eftirlíking vitundar og hætturnar sem henni fylgja Þorsteinn Siglaugsson skrifar Skoðun Andaðu rólega elskan... Ester Hilmarsdóttir skrifar Skoðun Gagnvirkni líkama og vitundar til heilbrigðis Þórdís Hólm Filipsdóttir skrifar Skoðun Nýjar lausnir í kennslu – gamlar hindranir Bogi Ragnarsson skrifar Skoðun Kópavogsleiðinn Ragnar Þór Pétursson skrifar Skoðun Samstarf sem skilar raunverulegum loftslagsaðgerðum Nótt Thorberg skrifar Skoðun Lærum að lesa og reikna Jón Pétur Zimsen skrifar Skoðun Loforðið sem borgarstjóri gleymdi Magnea Gná Jóhannsdóttir skrifar Skoðun Kristrún, það er bannað að plata Snorri Másson skrifar Skoðun Öndunaræfingar í boði SFS Vala Árnadóttir skrifar Sjá meira
Tillaga Ásmundar Einars Daðasonar, mennta- og barnamálaráðherra, um sameiningu Menntaskólans á Akureyri og Verkmenntaskólans á Akureyri er vanhugsuð aðför að mennta- og samfélagsmálum á landsbyggðinni. Einsleitara skólaumhverfi er engum til hagsbóta, sækjum frekar fram og fögnum fjölbreytileikanum. Skilur skólasamfélagið eftir í rúst Til að bregðast við óskum um fjölgun nemenda í verk- og starfsnámi er gert ráð fyrir því í fjármálaáætlun ríkisins að auka framlög til framhaldsskólanna um 1 milljarð króna á næstu 4 árum. Fyrstu viðbrögð Ásmundar (þingmaður Reykvíkinga, ættaður úr Dölunum) er að leggja til atlögu við rótgróið menntasamfélag norður á Akureyri. Ætlunin er að leggja niður tvær rótgrónar mennta- og menningarstofnanir og „spara“ allt að 400 milljónir króna (lesist nýta til annarra verkefna annarsstaðar á landinu). Ráðherrann gefur skólameisturum og einum verkefnisstjóra heila tvo mánuði til að móta nýja menntastofnun í stað MA og VMA, mennta- og menningarstofnana á Akureyri sem tók þúsundir einstaklinga, nemendur, kennara og aðra velunnara skólanna marga áratugi að móta og byggja upp. Með því að gefa svo stuttan tíma til að byggja upp úr þeim rústum sem ráðherra virðist vilja skilja eftir sig í skólasamfélaginu hér fyrir norðan má öllum ljóst vera að hlutskipti skólameistaranna er ekki öfundsvert - þeim eru í raun gefnir tveir kostir af ráðherra: „annað hvort vinnur þú með mér að þessu verkefni og átt þá von um að halda starfinu þínu eða þá þú getur átt þig.“ Í sérstöðunni blómstrar fjölbreytnin Það eru ómæld verðmæti fólgin í því fyrir samfélagið á Akureyri og næsta nágrenni að nemendur geti valið á milli tveggja stórgóðra framhaldsskóla sem eru svo ólíkir sem raun ber vitni. Að fórna þessum verðmætum fyrir óraunhæfar hugmyndir um fjárhagslegan ávinning og innihaldslausa frasann um betri, öflugri og „fjölbreyttari“ skóla er hvorki boðleg né sæmandi framganga skynsömu fólki. Eða hver eiga hin svokölluðu samlegðaráhrif nákvæmlega að verða? Við megum því ekki við þeim slæmu samfélagslegu áhrifum sem sameining MA og VMA myndi óneitanlega hafa í för með sér. Einsleitara skólaumhverfi grefur undan þeirri sérstöðu sem skólarnir vissulega hafa, hvor á sinn einstaka hátt. Það þarf ekki að fjölyrða um þann sess sem skólarnir skipa í blómlegu lífi Akureyrarbæjar þar sem nemar hvaðanæva að sækja sér menntun og auðga mannlífið til frambúðar. Í þeirri flóru skína einstaklingar skærar og flytja með sér nýja strauma sem deyja út í flatneskju stærri skóla. Sérstöðunni og smæðinni fylgir fjölbreytnin og í því eru fólgin ómæld verðmæti. Hvar eru kjörnu fulltrúarnir? Hver er afstaða kjörinna fulltrúa okkar á Alþingi og sveitarstjórnum? Hvar er fyrsti þingmaður Norðausturkjördæmis, samflokksmaður ráðherrans sem leggur fram þessa sameiningartillögu? Ummæli hennar hingað til fela ekki í sér neina afstöðu til málsins. Ætlar þú að leyfa ráðherranum þínum að valta yfir kjördæmið þitt? Hvar eru oddvitar hinna flokkanna sem eru í ríkisstjórn? Hver er afstaða bæjarstjórnar Akureyrar? Ætla iðnfyrirtæki á Akureyri og Norðurlandi að láta þessa aðför að verknámi ganga yfir sig án þess að við þau sé nokkurt samráð um þær breytingar sem fyrirhugaðar eru á framtíðar starfskröftum og þekkingu iðnaðar svæðisins? Hver ætlar að standa vörð um þessar mikilvægu menntastofnanir? Ég auglýsi hér með eftir einhverjum sem er ekki sama. Látum í okkur heyra Þessi óútfærða og illa ígrundaða tillaga ráðherra er eins og blaut tuska í andlit allra þeirra sem á undanförnu áratugum hafa lagt þessum mikilvægu menntastofnunum lið í sífelldu uppbyggingarstarfi sínu. Hvers vegna ekki að sækja fram og efla skólana, frekar en að grafa undan þeim með þessum hætti? Kæru nemendur í MA – núverandi og verðandi – fyrrum nemendur standa með ykkur. Og MA-ingar, hvar sem þið eruð í heiminum; rísið upp og talið gegn þessum vanhugsuðu og skaðlegu áformum Ásmundar Einars Daðasonar. Nemendafélag skólans á ekki að standa eitt og óstutt í baráttunni. Höfundur er stúdent frá MA
Mótmæli nemenda snúist fyrst og fremst um skólamenningu Skólameistari Menntaskólans á Akureyri segir mótmæli nemenda við mögulegri sameiningu skólans við Verkmenntaskólann á Akureyri fyrst og fremst byggð á skólamenningu. Sameining skólanna myndi auka gæði bóknáms á Akureyri og efla þá. 7. september 2023 12:01
Mótmæltu sameiningu MA og VMA: „Ásmundur segðu af þér!“ Fjöldi nemenda Menntaskólans á Akureyri mótmæltu í dag fyrirhugaðri sameiningu skólans og Verkmenntaskólans á Akureyri. 6. september 2023 20:23
Sjokkeraðir nemendur MA boða til mótmæla á Ráðhústorgi Nemendafélag Menntaskólans á Akureyri hefur boðað til mótmæla á Ráðhústorgi bæjarins í dag vegna mögulegrar sameiningar skólans og Verkmenntaskólans á Akureyri. Forseti nemendafélags MA segir nemendur í sjokki eftir fund með ráðherra í gær og óttast að rótgrónar hefðir innans skólans glatist með sameiningu. 6. september 2023 11:44
Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar
Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar
Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar
Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar