Fjöru­tíu og einn flótta­maður fórst undan stöndum Ítalíu

Ítalska ríkissjónvarpið RAI greindi frá fréttunum.

Fjórir farþegar bátsins, þrír karlar og ein kona, komust lífs af. Fólkinu var bjargað af áhöfn flutningaskips áður en þau voru flutt yfir í bát landhelgisgæslu Ítala. Hópurinn kom til Lampedusa í morgun þar sem þau greindu björgunarsveitarfólki frá örlögum bátsins.

Að sögn fólksins lagði báturinn (sem var um sjö metrar að lengd) af stað frá hafnarborginni Sfax í Túnis síðastliðinn fimmtudag og voru 45 manns um borð í honum, þar af þrjú börn. 

Báturinn sökk aðeins nokkrum klukkustundum eftir brottför eftir að stór alda skall á honum.

Meira en átján hundruð manns hafa látið lífið í ár á leið sinni yfir Kyrrahafið frá Túnis til Ítalíu. Undanfarna daga hafa varðskip á vegum landhelgisgæslunnar og aðrir hópar bjargað tvö þúsund manns undan ströndum Lampedusa.