Ósáttur sjómaður sturtaði þorskhausum við dyr Alþingis Samúel Karl Ólason skrifar 12. júlí 2023 12:03 Hausunum var sturtað við dyrnar að alþingishúsinu. Ósáttur sjómaður sturtaði þorskhausum á gangstéttina við dyr Alþingishússins í nótt. Þannig mótmælti hann stöðvun strandveiða við Ísland en vertíðin þetta sumarið var sú stysta frá því strandveiðar hófust. Við þorskhausana var sett upp skilti sem á stóð, meðal annars, að með því að stöðva umhverfisvænustu fiskveiðar landsins væru sjö hundruð manns að missa vinnuna. Þar stóð einnig að handfæraveiðar væru mun umhverfisvænni en veiðar með botntrolli og spurt hvort stjórnvöldum standi á sama um loftlagsmál, umhverfismál og komandi kynslóðir. Bundnir við bryggju 330 daga árs Guðlaugur Jónasson, smábátasjómaðurinn sem framkvæmdi gjörninginn, með þorskhausana segir í samtali við fréttastofu að hann hafi viljað vekja athygli á því sem hafi staðið á skiltinu. Hann segir togara mun verri fyrir umhverfið og vísar meðal annars til þess að kolefnisspor þeirra séu mun meiri en útblástur þeirra, þar sem troll losi mikið af koltvísýringi úr setlögum á hafsbotni. Guardian fjallaði meðal annarra um rannsókn sem birt var í Nature árið 2021 en í niðurstöðum hennar kom fram að togarar losi álíka mikið af koltvísýringi og allar flugvélar heimsins. Guðlaugur hefur stundað sjómennsku rúm fjörutíu ár. Hann segist sjálfur hafa komist á sjó 29 daga á strandveiðinni í sumar. „Það er enginn rekstrargrundvöllur fyrir svona smábáta, á þeim brauðmolum sem hent er í okkur,“ segir hann. „Við erum að stunda umhverfisvænustu veiðar á Íslandi og við erum bundnir við bryggjur 330 daga á ári.“ Hann segir einnig að á meðan strandveiðir standi yfir sé líf í öllum höfnum landsins, þar sem lífið sé víðar en ekki lítið á veturna, og að ferðamenn hafi mikinn áhuga á veiðunum. Guðmundur Páll Jónsson, lögreglufulltrúi á höfuðborgarsvæðinu, segir að rætt hafi verið við Guðlaug á staðnum. Hann hafi ekki verið handtekinn en eigi væntanlega yfir höfði sér kæru og sekt. Vaktmaður á Alþingi hafi séð um að henda fisknum. Stysta vertíðin hingað til Sjómenn og Landssamband smábátaeigenda höfðu kallað eftir því að Svandís Svavarsdóttir, matvælaráðherra, endurskoðaði þá ákvörðun sína að auka ekki veiðiheimildir til strandveiða en það gerði hún ekki og var veiðin stöðvuð í gær. Sjá einnig: Síðasti dagur strandveiða Landssambandið vísaði meðal annars í áskorun til ráðherra til þess að strandveiðar brúi það tímabil sem þegar stóru fyrirtækin loki vegna sumarleyfa fram að næsta fiskveiðiári. Strandveiðar séu mikilvægar sjómönnum, fiskkaupendum og vinnsluaðilum. Sjómenn hafa lagt stund á strandveiðar á rúmlega sjö hundruð bátum í sumar. Hér má sjá hausana við alþingishúsið í nótt. Lögregla mætti og sjómaðurinn sem framkvæmdi gjörninginn á von á sekt. Strandveiðunum hefur iðulega lokið í ágúst en í ár var strandveiðikvótinn alls 8.527 tonn. Óánægjan er sérstaklega mikil meðal smábátaeigenda á norðan- og austanverðu landinu, en þar er aðalveiðitímabilið síðari hluta sumars, í júlí og ágúst. Forsvarsmenn Strandveiðifélags Íslands eru að undirbúa mótmæli sem til stendur að halda í miðbæ Reykjavíkur á laugardaginn. Kjartan Páll Sveinsson, formaður félagsins, sagði í samtali við Ríkisútvarpið í gær að mótmæla ætti ótímabærri stöðvun strandveiða annað árið í röð og kalla eftir því að strandveiðikerfið verði lagað. Sjávarútvegur Byggðamál Alþingi Ríkisstjórn Katrínar Jakobsdóttur Tengdar fréttir Patreksfjörður í efsta sæti strandveiðanna Strandveiðunum þetta sumar lýkur að öllu óbreyttu í næstu viku en þá stefnir í að útgefinn kvóti klárist. Eftir fyrstu tvo mánuði er búið að landa afla í alls 49 höfnum og er Patreksfjörður í efsta sæti með mestan landaðan afla og fjölda báta. 4. júlí 2023 12:00 „Við viljum samtal um þetta en það virðist ekki vera í boði“ Formaður Strandveiðifélags Íslands segir framkomu yfirvalda í garð strandveiðimanna óásættanlega. Auka þurfi kvótann sem sé algjör hungurlús og gera breytingar á kerfinu til framtíðar. Hann furðar sig á því að matvælaráðherra setji sig upp á móti umhverfisvænum veiðum. 2. júlí 2023 22:39 Strandveiðitímabilið stefnir í að verða það stysta frá upphafi Strandveiðitímabilið í ár stefnir í að verða það stysta í fimmtán ára sögu veiðanna. Frá byrjun maímánaðar er búið að veiða áttatíu prósent strandveiðikvótans í þorski, aðeins tuttugu prósent eru eftir, samkvæmt nýrri samantekt Landssambands smábátaeigenda í morgun. 28. júní 2023 12:00 Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Starfsmaður á Brákarborg grunaður um kynferðisbrot Innlent Sagt að njóta ótruflaðrar ástar í Venesúela Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent Vann á öllum deildum leikskólans Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta Sjá meira
Við þorskhausana var sett upp skilti sem á stóð, meðal annars, að með því að stöðva umhverfisvænustu fiskveiðar landsins væru sjö hundruð manns að missa vinnuna. Þar stóð einnig að handfæraveiðar væru mun umhverfisvænni en veiðar með botntrolli og spurt hvort stjórnvöldum standi á sama um loftlagsmál, umhverfismál og komandi kynslóðir. Bundnir við bryggju 330 daga árs Guðlaugur Jónasson, smábátasjómaðurinn sem framkvæmdi gjörninginn, með þorskhausana segir í samtali við fréttastofu að hann hafi viljað vekja athygli á því sem hafi staðið á skiltinu. Hann segir togara mun verri fyrir umhverfið og vísar meðal annars til þess að kolefnisspor þeirra séu mun meiri en útblástur þeirra, þar sem troll losi mikið af koltvísýringi úr setlögum á hafsbotni. Guardian fjallaði meðal annarra um rannsókn sem birt var í Nature árið 2021 en í niðurstöðum hennar kom fram að togarar losi álíka mikið af koltvísýringi og allar flugvélar heimsins. Guðlaugur hefur stundað sjómennsku rúm fjörutíu ár. Hann segist sjálfur hafa komist á sjó 29 daga á strandveiðinni í sumar. „Það er enginn rekstrargrundvöllur fyrir svona smábáta, á þeim brauðmolum sem hent er í okkur,“ segir hann. „Við erum að stunda umhverfisvænustu veiðar á Íslandi og við erum bundnir við bryggjur 330 daga á ári.“ Hann segir einnig að á meðan strandveiðir standi yfir sé líf í öllum höfnum landsins, þar sem lífið sé víðar en ekki lítið á veturna, og að ferðamenn hafi mikinn áhuga á veiðunum. Guðmundur Páll Jónsson, lögreglufulltrúi á höfuðborgarsvæðinu, segir að rætt hafi verið við Guðlaug á staðnum. Hann hafi ekki verið handtekinn en eigi væntanlega yfir höfði sér kæru og sekt. Vaktmaður á Alþingi hafi séð um að henda fisknum. Stysta vertíðin hingað til Sjómenn og Landssamband smábátaeigenda höfðu kallað eftir því að Svandís Svavarsdóttir, matvælaráðherra, endurskoðaði þá ákvörðun sína að auka ekki veiðiheimildir til strandveiða en það gerði hún ekki og var veiðin stöðvuð í gær. Sjá einnig: Síðasti dagur strandveiða Landssambandið vísaði meðal annars í áskorun til ráðherra til þess að strandveiðar brúi það tímabil sem þegar stóru fyrirtækin loki vegna sumarleyfa fram að næsta fiskveiðiári. Strandveiðar séu mikilvægar sjómönnum, fiskkaupendum og vinnsluaðilum. Sjómenn hafa lagt stund á strandveiðar á rúmlega sjö hundruð bátum í sumar. Hér má sjá hausana við alþingishúsið í nótt. Lögregla mætti og sjómaðurinn sem framkvæmdi gjörninginn á von á sekt. Strandveiðunum hefur iðulega lokið í ágúst en í ár var strandveiðikvótinn alls 8.527 tonn. Óánægjan er sérstaklega mikil meðal smábátaeigenda á norðan- og austanverðu landinu, en þar er aðalveiðitímabilið síðari hluta sumars, í júlí og ágúst. Forsvarsmenn Strandveiðifélags Íslands eru að undirbúa mótmæli sem til stendur að halda í miðbæ Reykjavíkur á laugardaginn. Kjartan Páll Sveinsson, formaður félagsins, sagði í samtali við Ríkisútvarpið í gær að mótmæla ætti ótímabærri stöðvun strandveiða annað árið í röð og kalla eftir því að strandveiðikerfið verði lagað.
Sjávarútvegur Byggðamál Alþingi Ríkisstjórn Katrínar Jakobsdóttur Tengdar fréttir Patreksfjörður í efsta sæti strandveiðanna Strandveiðunum þetta sumar lýkur að öllu óbreyttu í næstu viku en þá stefnir í að útgefinn kvóti klárist. Eftir fyrstu tvo mánuði er búið að landa afla í alls 49 höfnum og er Patreksfjörður í efsta sæti með mestan landaðan afla og fjölda báta. 4. júlí 2023 12:00 „Við viljum samtal um þetta en það virðist ekki vera í boði“ Formaður Strandveiðifélags Íslands segir framkomu yfirvalda í garð strandveiðimanna óásættanlega. Auka þurfi kvótann sem sé algjör hungurlús og gera breytingar á kerfinu til framtíðar. Hann furðar sig á því að matvælaráðherra setji sig upp á móti umhverfisvænum veiðum. 2. júlí 2023 22:39 Strandveiðitímabilið stefnir í að verða það stysta frá upphafi Strandveiðitímabilið í ár stefnir í að verða það stysta í fimmtán ára sögu veiðanna. Frá byrjun maímánaðar er búið að veiða áttatíu prósent strandveiðikvótans í þorski, aðeins tuttugu prósent eru eftir, samkvæmt nýrri samantekt Landssambands smábátaeigenda í morgun. 28. júní 2023 12:00 Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Nýsestur á skrifstofunni þegar hann fékk bíl í flasið Innlent Starfsmaður á Brákarborg grunaður um kynferðisbrot Innlent Sagt að njóta ótruflaðrar ástar í Venesúela Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent Vann á öllum deildum leikskólans Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta Sjá meira
Patreksfjörður í efsta sæti strandveiðanna Strandveiðunum þetta sumar lýkur að öllu óbreyttu í næstu viku en þá stefnir í að útgefinn kvóti klárist. Eftir fyrstu tvo mánuði er búið að landa afla í alls 49 höfnum og er Patreksfjörður í efsta sæti með mestan landaðan afla og fjölda báta. 4. júlí 2023 12:00
„Við viljum samtal um þetta en það virðist ekki vera í boði“ Formaður Strandveiðifélags Íslands segir framkomu yfirvalda í garð strandveiðimanna óásættanlega. Auka þurfi kvótann sem sé algjör hungurlús og gera breytingar á kerfinu til framtíðar. Hann furðar sig á því að matvælaráðherra setji sig upp á móti umhverfisvænum veiðum. 2. júlí 2023 22:39
Strandveiðitímabilið stefnir í að verða það stysta frá upphafi Strandveiðitímabilið í ár stefnir í að verða það stysta í fimmtán ára sögu veiðanna. Frá byrjun maímánaðar er búið að veiða áttatíu prósent strandveiðikvótans í þorski, aðeins tuttugu prósent eru eftir, samkvæmt nýrri samantekt Landssambands smábátaeigenda í morgun. 28. júní 2023 12:00