Xhaka farinn til Bayer Leverkusen frá Arsenal

Leverkusen greiðir 25 milljónir evra fyrir leikmanninn, sem samsvarar um 3,7 milljörðum íslenskra króna. Þessi þrítugi miðjumaður skrifar undir fimm ára samning við félagið.

Xhaka hafði verið í herbúðum Arsenal frá árinu 2016 og átti eitt ár eftir af samningi sínum við félagið. Flestir gerðu þó ráð fyrir því að hann myndi yfirgefa Skytturnar í sumar, enda er líklegt að spiltíminn verði af skornum skammti á næsta tímabili með komu Declan Rice til félagsins.

Alls lék Xhaka 297 leiki fyrir Arsenal í öllum keppnum og skoraði í þeim 23 mörk. Hann varð bikarmeistari í tvígang með félaginu og lék lykilhlutverk í titilbaráttu liðsins á síðasta tímabili.