Fyrsta deitið var á nektarströnd með vinkonum hennar

Lalli, er þekktastur undir listamannsnafninu Lalli töframaður. Eiginkona hans, Heiðrún Arna Friðriksdóttir, er viðskiptafræðingur og starfar sem aðstoðarmaður fjármálastjóra hjá fyrirtækinu Controlant. Hún hefur einnig fengist við viðburðastýringu og verkefnastjórn hjá Siðmennt.

Lalli og Heiðrún spjölluðu um samband sitt í hlaðvarpsþættinum Betri helmingurinn þar sem þau ræddu meðal annars hvernig þau hefðu kynnst en leiðir þeirra lágu saman í gegnum stefnumótaforrit.

Fórum öll saman á nektarströnd

Þegar talið barst að skemmtilegum atvikum tók Heiðrún orðið. „Þegar við fórum í fyrsta sinn saman til útlanda þá fékk ég að taka „vin minn“, Lárus, með í árshátíðarferð með CCP til Sitges á Spáni. 200 manna ferð og við vorum þarna nokkrir fararstjórar. 

Við Margrét Erla góðvinkona Lalla og tvær stelpur sem vinna með mér ákváðum að fara öll saman á nektarströnd. 

Þar fórum við öll úr fötum eðlilega og eftir á hugsa ég bara ha, gerði ég það bara. Að fara úr öllum fötunum með manni sem ég var ógeðslega skotin í með þrjár ógeðslega sætar vinkonur mínar með.

 Lárus var eini strákurinn og við bara fimm allsber saman. Þessi rassamynd er bara til ennþá. Ég hugsa þetta mjög oft.“

Hvernig varst þú (Lalli) í þessum aðstæðum?

Heiðrún grípur aftur orðið: „Lárus er svo frjáls með nekt sína honum fyndist helst að allar strendur ættu að vera nektarstrendur þannig þetta truflaði hann ekki neitt. Honum fannst ekkert eðlilegra.

„Ég var fyrst og fremst glaður að þær skyldu vilja koma á nektarströnd,“ segir Lalli og bætir við. „Ég hugsaði bara takk fyrir að nenna því.“

Bannað að hlæja því allir voru allsberir

„Við reyndar lentum í atviki þarna sem Margrét sagði líka í brúðkaupinu okkar um daginn,“ segir Heiðrún og heldur áfram.

„Það var maður á bilinu 60-65 ára ára sem gekk um mjög stoltur, allsber um ströndina meðfram sjónum og það er náttúrulega bannað að taka myndir og video. Það er eiginlega bannað að hlæja þar sem allir eru allsberir. Fólk er misjafnt. 

Þetta var árið 2016 og ekki komnir airpods og allir með snúrur í eyrunum og hann heldur á Iphone-inum sínum og fer eitthvað að vesenast og við förum að pæla í því hvað hann sé eiginlega að gera. 

Þá hafði hann sem sagt flækt snúruna úr heyrnatólunum sínum í typpalokknum og er að reyna að losa hann úr með miklu brasi og við bara – hjálp enginn má hlæja. Horfa annað. En þetta var held ég það fyndnast sem við höfum öll upplifað.“

Þú ert bara á typpinu

Lalli tekur hér við orðinu: „Þú ert bara að labba um með símann þinn í hendinni af því þú ert ekki með vasa af því þú ert bara á typpinu. Í þessari aðstöðu áttu ekki að geta flækt snúruna í neinu það eru engir rennilásar eða límbönd eða neitt sem gæti þvælst fyrir þér nema typpalokkurinn þinn.

Þetta var með betri momentum í lífinu og var síðast rifjað upp í brúðkaupinu okkar við mikinn fögnuð.“

Viðtalið í heild má hlusta á í spilaranum hér fyrir neðan.