Fótbolti

Markalaust hjá AC Milan og Empoli

Arnar Geir Halldórsson skrifar
Oliver Giroud skoraði í dag en markið var ekki dæmt gilt.
Oliver Giroud skoraði í dag en markið var ekki dæmt gilt. EPA-EFE/MATTEO BAZZI

Ítalíumeistarar AC Milan fóru illa að ráði sínu í síðasta leik dagsins í ítölsku úrvalsdeildinni.

Meistararnir fengu Empoli í heimsókn og úr varð markalaust jafntefli eftir nær stanslausa sókn heimamanna í 90 mínútur.

Augljóst var á leikskipulagi gestanna að þeirra markmið var að ná einu stigi út úr leiknum en þeir áttu aðeins eina marktilraun í leiknum.

Olivier Giroud taldi sig vera að tryggja AC Milan sigur með marki sem hann skoraði á 89.mínútu en markið var dæmt af við nánari athugun í VAR. 

Úrslitin þýða að AC Milan er 22 stigum á eftir Napoli þegar níu umferðum er ólokið.

Ítalski boltinn

Mest lesið


Fleiri fréttir

Sjá meira


×

Mest lesið