Fótbolti

Lazio batt enda á sigurgöngu toppliðsins

Hjörtur Leó Guðjónsson skrifar
Lazio varð í kvöld aðeins annað liðið til að vinna sigur gegn Napoli á tímabilinu.
Lazio varð í kvöld aðeins annað liðið til að vinna sigur gegn Napoli á tímabilinu. Francesco Pecoraro/Getty Images

Napoli, topplið ítölsku úrvalsdeildarinnar, mátti þola 0-1 tap er liðið tók á móti Lazio í toppslag ítölsku deildarinnar í kvöld. Fyrir leikinn í kvöld hafði Napoli unnið átta deildarleiki í röð.

Það var Matias Vecino sem skoraði eina mark leiksins þegar hann kom gestunum í Lazio í forystu um miðjan síðari hálfleik og niðurstaðan því 0-1 útisigur Lazio.

Þrátt fyrir tapið í kvöld er Napoli enn með örugga forystu á toppi deildarinnar og í raun lítið sem getur komið í veg fyrir að liðið tryggi sér ítalska meistaratitilinn.

Napoli er með 65 stig eftir 25 leiki, 17 stigum meira en Lazio sem situr í öðru sæti deildarinnar. Þetta var aðeins annað tap Napoli á tímabilinu og alls hefur liðið tapað stigum í fjórum leikjum.

Ítalski boltinn

Mest lesið


Fleiri fréttir

Sjá meira


×

Mest lesið