Fótbolti

FH-ingar fá Kjartan Kára frá Noregi og Finna frá Ítalíu

Hjörtur Leó Guðjónsson skrifar
Kjartan Kári Halldórsson mun leika með FH í Bestu-deildinni í sumar.
Kjartan Kári Halldórsson mun leika með FH í Bestu-deildinni í sumar. FH

FH-ingar hafa fengið tvöfaldan liðsstyrk fyrir komandi átök í Bestu-deild karla í fótbolta. Liðið fær annars vegar Kjartan Kára Halldórsson á láni frá Haugesund í Noregi og hins vegar finnska unglingalandsliðsmanninn Eetu Mömmö frá ítalska félaginu Lecce.

Hinn 19 ára gamli Kjartan Kári gekk í raðir Haugesund eftir seinasta tímabil þar sem hann sló í gegn með Gróttu í Lengjudeildinni. Kjartan var þá markahæsti maður deildarinnar með 17 mörk í 19 leikjum áður en hann var seldur frá félaginu.

Mömmö er tvítugur leikmaður sem getur spilað úti á kannti, eða leyst stöðu vængbakvarðar. Hann gekk í raðir Lecce á síðasta ári og hefur leikið með varaliði félagsins. Mömmö á að baki tíu leiki fyrir U17 ára landslið Finnlands og níu leiki fyrir U21 árs liðið og hefur skorað fjögur mörk með liðunum.

Besta deild karla FH

Mest lesið


Fleiri fréttir

Sjá meira


×

Mest lesið