Sylvía Rut ráðin upp­­­lýsinga­full­­trúi í ráðu­neyti Lilju

Greint er frá ráðningunni á vef ráðuneytisins. Þar segir að Sylvía Rut eigi að baki langan feril í fjölmiðlum og hafi starfað á ýmsum miðlum frá árinu 2013. 

„Hún hefur undanfarið starfað sem varafréttastjóri á fréttastofu Stöðvar 2, Vísis og Bylgjunnar og haft umsjón með Lífinu á Vísi. Hún hefur starfað við þáttagerð á Vísi og Stöð 2 á þáttum á borð við Einkalífið og ljósmyndaþáttunum RAX Augnablik sem hlutu Edduverðlaunin árið 2021.

Sylvía er með B.A.-gráðu í félagsfræði með fjölmiðlafræði sem aukafag frá Háskóla Íslands og M.A.-gráðu í fjölmiðlafræði frá Kaupmannahafnarháskóla.

Starfið var auglýst í nóvember og rann umsóknarfrestur út 12. desember. Alls bárust 37 umsóknir um starfið,“ segir í tilkynningunni.