Innlent

„Lúmsk hálka“ á höfuðborgarsvæðinu

Samúel Karl Ólason skrifar
Minnst fjórir bílar fóru út af á stuttum kafla á Kringlumýrarbraut seinni partinn í dag.
Minnst fjórir bílar fóru út af á stuttum kafla á Kringlumýrarbraut seinni partinn í dag. Vísir

Nokkuð hefur verið um hálkuslys á höfuðborgarsvæðinu seinni partinn í dag. Vaktstjóri hjá slökkviliði höfuðborgarsvæðisins sagði lúmska hálku hafa verið á götunum.

Fyrr undir kvöld fengust þær upplýsingar frá umferðardeild lögreglunnar á höfuðborgarsvæðinu að bílar hefðu verið kallaðir út til að salta göturnar. 

Þá höfðu einhverjir árekstrar orðið og meðal annars valt bíll við Arnarnesbrúna og rúta og fólksbíll skullu saman í Ártúnsbrekku.

Samkvæmt upplýsingum frá slökkviliðinu hafa nokkrir smáárekstrar orðið síðan þá, vegna áðurnefndrar hálku. Ekki er vitað til þess að fólk hafi meiðst.

Umferð Reykjavík

Tengdar fréttir

Gatna­mótin eru aftur ljós­laus

Umferðarljós á gatnamótum Laugavegs/Suðurlandsbrautar og Kringlumýrarbrautar biluðu aftur í dag. Þau höfðu verið óvirk um helgina og voru löguð í morgun. Sú viðgerð virðist ekki þó hafa haldið þar sem ljósin biluðu aftur í dag.

Mest lesið


Fleiri fréttir

Sjá meira


×

Mest lesið