Fótbolti

Slitin hásin frestar frumraun Natöshu með Brann

Arnar Geir Halldórsson skrifar
Natasha Anasi (til hægri) hefur spilað fimm landsleiki fyrir Íslands hönd.
Natasha Anasi (til hægri) hefur spilað fimm landsleiki fyrir Íslands hönd. Ronald Martinez/Getty Images

Knattspyrnukonan Natasha Anasi mun ekki þreyta frumraun sína með norska úrvalsdeildarliðinu Brann í bráð, en hún er tiltölulega nýgengin í raðir félagsins frá Breiðabliki.

Natasha, sem á fimm landsleiki að baki fyrir Ísland, varð fyrir því óláni að slíta hásin á æfingu með Brann í vikunni en félagið staðfesti þetta á miðlum sínum í gærkvöldi.

Undirbúningstímabilið hjá norska meistaraliðinu er nýhafið en liðið lék sinn fyrsta æfingaleik á árinu í gær.

Natasha gekk til liðs við Brann í október eftir að hafa leikið á Íslandi frá árinu 2014 en hún lék með ÍBV, Keflavík og Breiðablik hér á landi.

Norski boltinn

Mest lesið


Fleiri fréttir

Sjá meira


×

Mest lesið