Austurbakki Hólsár með spennandi sjóbirtingsveiði Karl Lúðvíksson skrifar 18. janúar 2023 11:12 Þann 1. apríl hefst sjóbirtingsveiðin af fullum krafti og veiðimenn eru þessa dagana að bóka sig á föstu svæðin og auðvitað að skoða ný. Eitt af þeim svæðum sem hafa verið mjög vinsæl síðustu ár í laxveiði er austurbakki Hólsár en það er líka frábært svæði fyrir sjóbirtingsveiði. Þeir sem eru vanir að veiða á svæðum sem eru síbreytileg ættu ekki að eiga í neinum vandræðum þarna. Veiðisvæðið hefst þar sem Þverá í Fljótshlíð rennur út í Eystri Rangá og þar tekur við langt svæði með sandbotni sem er sífellt á hreyfingu. Veiðistaðir geta þess vegna breyst mikið á milli ára. Veiðimenn sem kunna að lesa í ánna sjá mjög fljótt álitlega veiðistaði og það er það sem gerir þessa veiði einmitt spennandi, að leita af fiski og fá svo töku þegar legustaður er fundinn. Þarna veiðast iðulega mjög vænir sjóbirtingar allt tímabilið en vorveiðin hefur oft verið feyknagóð. Það eru nokkurir lykil veiðistaðir eins og hyljirnir á bak við Ármót en líka breiðan við veiðihúsið, fyrir ofan og neðan brú, Ártún og síðan allir bakkarnir niður að ós þar sem oft á tíðum getur legið mikið af 2-3 punda geldfisk. Þetta er klárlega svæði til að prófa þetta vorið. Stangveiði Mest lesið Vænar bleikjur að veiðast í Elliðavatni Veiði Veiðisaga úr Úlfljótsvatni Veiði Veiðitölur LV: Dapurlegar lokatölur að tínast inn Veiði Hreggnasi gerir langtíma samning um Grímsá Veiði Úthlutun lokið hjá SVFR Veiði Saga stangveiða: Niðursuða James Ritchie á Hvítárlaxi Veiði Vatnaveiðin víða góð þessa dagana Veiði Sjóbleikjan er mætt í Hrollleifsdalsá í Skagafirði Veiði Veiddu vel á léttklæddar flugur Veiði Selja veiðileyfi til styrktar félagi krabbameinssjúkra barna Veiði
Eitt af þeim svæðum sem hafa verið mjög vinsæl síðustu ár í laxveiði er austurbakki Hólsár en það er líka frábært svæði fyrir sjóbirtingsveiði. Þeir sem eru vanir að veiða á svæðum sem eru síbreytileg ættu ekki að eiga í neinum vandræðum þarna. Veiðisvæðið hefst þar sem Þverá í Fljótshlíð rennur út í Eystri Rangá og þar tekur við langt svæði með sandbotni sem er sífellt á hreyfingu. Veiðistaðir geta þess vegna breyst mikið á milli ára. Veiðimenn sem kunna að lesa í ánna sjá mjög fljótt álitlega veiðistaði og það er það sem gerir þessa veiði einmitt spennandi, að leita af fiski og fá svo töku þegar legustaður er fundinn. Þarna veiðast iðulega mjög vænir sjóbirtingar allt tímabilið en vorveiðin hefur oft verið feyknagóð. Það eru nokkurir lykil veiðistaðir eins og hyljirnir á bak við Ármót en líka breiðan við veiðihúsið, fyrir ofan og neðan brú, Ártún og síðan allir bakkarnir niður að ós þar sem oft á tíðum getur legið mikið af 2-3 punda geldfisk. Þetta er klárlega svæði til að prófa þetta vorið.
Stangveiði Mest lesið Vænar bleikjur að veiðast í Elliðavatni Veiði Veiðisaga úr Úlfljótsvatni Veiði Veiðitölur LV: Dapurlegar lokatölur að tínast inn Veiði Hreggnasi gerir langtíma samning um Grímsá Veiði Úthlutun lokið hjá SVFR Veiði Saga stangveiða: Niðursuða James Ritchie á Hvítárlaxi Veiði Vatnaveiðin víða góð þessa dagana Veiði Sjóbleikjan er mætt í Hrollleifsdalsá í Skagafirði Veiði Veiddu vel á léttklæddar flugur Veiði Selja veiðileyfi til styrktar félagi krabbameinssjúkra barna Veiði