Það lítur ekki vel út með helgarveðrið fyrir veiðimenn. Eini bletturinn á landinu sem sleppur líklega við rok, rigningu, slyddu og jafnvel snjókomu er suð- vesturhornið og það bara tæplega. Á því svæði er spáð nokkrum vind og úrkomu af og til, það kólnar líka þannig að þetta er ekki spennandi veður til veiða. En sumir láta þetta ekkert á sig fá og maður hefutr nú oft heyrt góðar veiðisögur af mönnum sem veiða stundum einna best í vondu veðri.
Í Veiðivötnum er það t.d. vel þekkt að þegar það blæs hressilega og ölduhæðin verður nokkur, að urriðin kemur þá mjög nálægt landi undan öldunni og syndir um í rótinu og skóflar í sig æti sem þar safnast saman. Það þarf að vísu ansi harða veiðimenn til að standa með vindinn í fangið og kasta flugu en með þrautseigju er þetta hægt og gefur oft vel.
Í Elliðavatni er það líka vel þekkt að þegar vatnið litast, og þá sérstaklega þegar það hefur verið hlýtt, þá gengur silungurinn upp í lækjarskil og liggur þar á botninum þar sem vatnið er bæði kaldara og tærara. Þetta má örugglega heimfæra á flest vötn og það er oft talað um hvað menn veiða vel við lækjarskil í vötnum við ákveðnar aðstæður.
Er ekki spurning um að klæða sig bara vel og fara til veiða um helgina?
Arsenal
Real Madrid
