Bíó og sjónvarp

Áður óséð efni frá gerð Leynilöggu

Sylvía Rut Sigfúsdóttir skrifar
Hannes Þór Halldórsson hefur hlotið verðlaun fyrir leikstjórn á kvikmyndinni Leynilögga.
Hannes Þór Halldórsson hefur hlotið verðlaun fyrir leikstjórn á kvikmyndinni Leynilögga. Samsett

Kvikmyndin Leynilögga er tilnefnd sem besta gamanmyndin á Evrópsku kvikmyndaverðlaununum sem fram fara í Hörpu í kvöld. Þetta er í fyrsta sinn sem íslensk kvikmynd er tilnefnd í þessum flokki. 

Sýnt verður beint frá verðlaununum í streymi.

Hannes Þór Halldórsson leikstjóri myndarinnar var á fullu í verkefnum með íslenska landsliðinu í knattspyrnu á sama tíma og hann vann að myndinni. Það kom því fyrir að hann stökk á milli starfa sinna sem leikstjóri og markmaður. 

Einn daginn hófu þau tökur á Leynilöggu klukkan sjö og þurftu að klára að taka upp bílaeltingarleik fyrir 11 þegar Hannes þurfti að vera mættur á landsliðsæfingu. Hér fyrir neðan má sjá myndband um gerð myndarinnar Leynilögga þar sem hægt er að sjá Hannes á hlaupum á milli verkefna.

Klippa: Áður óséð efni frá gerð Leynilöggu

Evrópski Óskarinn

Hannes Þór sagði í samtali við Lífið í vikunni að myndin Leynilögga væri sífellt að koma þeim á óvart.

„Við vorum að gera grínmynd fyrir íslenskan markað, við ætluðum bara að gera skemmtilega mynd fyrir íslenska kvikmyndahúsagesti.“

Einhverjir hafa líkt tilnefningu Leynilöggu til verðlaunanna um helgina við það að íslenska landsliðið ætti séns á að vinna Evrópumót í knattspyrnu. Hannes Þór var spurður hvort að sú samlíking væri rétt.

„Þetta er mjög stór hátíð og sú stærsta í Evrópu, stærstu verðlaunin. Það hefur verið talað um þetta sem Evrópska Óskarinn. Fyrir okkur held ég að þetta sé ekkert ósvipað og íslenska landsliðið að komast á stórmót og það sem gerist þar er bara bónus. Sigurinn fyrir okkur er bara þessi tilnefning.“

Hann gat þó ekki valið á milli hvort tilnefningin eða spyrnan sem hann varði frá Messi á HM árið 2018 væri meiri hápunktur.

„Þú getur ekki stillt mér upp við þennan vegg.“

Viðtalið má sjá í spilaranum hér fyrir neðan.

Kvikmyndagerð á Íslandi Bíó og sjónvarp Evrópsku kvikmyndaverðlaunin

Tengdar fréttir

Ganga gapandi inn í Eldborg

Sjö hundruð erlendir gestir eru væntanlegir til landsins í tengslum við Evrópsku kvikmyndaverðlaunin í Hörpu annað kvöld. Leikstjóri einnar vinsælustu kvikmyndar ársins og leikari úr Game of Thrones eru á meðal alþjóðlegra stórstjarna sem verða viðstaddar. Listrænn stjórnandi segir áhorfendur mega eiga von á óvæntum uppákomum.

Sleppa rauðum dregli í Hörpu fyrir mosa, jökulár og stuðlaberg

Rauði dregillinn á Evrópsku kvikmyndaverðlaununum sem fara fram á morgun verður ekki rauður heldur með öðru sniði en vaninn er á slíkum hátíðum. Stjörnurnar stilla sér upp fyrir ljósmyndara í Hörpu umkringdar íslenskri náttúru.

Verða kynnar þegar Evrópsku kvik­­mynda­verð­­launin verða af­hent í Hörpu

Ilmur Kristjánsdóttir og Hugleikur Dagsson verða kynnar á Evrópsku kvikmyndaverðlaununum sem afhent verða í Hörpu á laugardaginn. Nokkur fjöldi þekktra leikstjóra og leikara koma hingað til lands í tilefni af verðlaunahátíðinni, meðal annars frönsku leikkonuna Léa Seydoux og sænska leikstjórann Ruben Östlund.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.