Þessi risa framkvæmd hefur verið tvö ár í vinnslu og felur í sér algjöra umbyltingu á 3. hæð hússins. Í raun ná breytingarnar yfir svæðið frá bílastæðunum austan megin Kringlunnar við Borgarleikhúsið og að rúllustigunum við enda bíógangsins.
Markmiðið með breytingunum er að búa til nýjan áfangastað í Kringlunni sem lifir sjálfstæðu lífi. Opnunartími hæðarinnar verður lengri en hefðbundinn opnunartími Kringlunnar og áhersla verður lögð á mat, afþreyingu og heilsu.
