Tindastóll andar ofan í hálsmál HK

Heimakonur unnu að lokum 5-4 sigur en Tindastóll er þar af leiðandi með 31 stig og er einu stigi á eftir HK sem situr í öðru sæti deildarinnar. 

Murielle Tiernan skoraði tvö marka Tindastóls í leiknum en hún er þar af leiðandi næst markahæsti leikmaður deildarinnar í sumar með 11 mörk. Linli Tun, framherji Fjarðarbyggðar/Hattar/Leiknis er markahæst með 12 mörk. 

Hugrún Pálsdóttir, Melissa Alison Garcia og Aldís María Jóhannsdóttir skoruðu svo sitt markið hver fyrir Stólana. 

Bergdís Sveinsdóttir, Hafdís Bára Höskuldsdóttir, Kiley Norkus og Christabel Oduro voru hins vegar á skotskónum fyrir gestina úr Fossvoginum. 

Fram undan er því æsispennandi barátta um að komast upp í efstu deild að ári en FH trónir á toppnum með fjögurra stiga forskoti á HK. 

Fyrr í dag gerðu Fylkir og Fjarðabyggð/Höttur/Leiknir markalaust jafntefli en þetta er sjöunda jafntefli Fylkisliðsins í röð. 

Fjarðabyggð/Höttur/Leiknir situr í fjórða sæti deildarinnar með 25 stig, Víkingur er sæti neðar með 23 stig. Grindavík er svo í sjötta sæti með 14 stig, Fylkir í því sjöunda með 13 stig og Augnablik áttunda með 12 stig.

Fjölnir og Haukar eru síðan í tveimur neðstu sætunum með fjögur stig hvort lið og fall blasir við þeim tveimur liðum.  

Upplýsingar um úrslit, markaskorara og stöðuna í deildinni eru fengnar hjá urslit.net.