Alexandra yfirgefur Frankfurt og gæti verið á leið til Ítalíu

Félagið greinir sjálft frá tíðindunum á heimasíðu sinni í dag. Alexandra var hjá Frankfurt í um eitt og hálft ár, en náði ekki að festa sig í sessi í byrjunarliðinu.

Í tilkynningu félagsins kemur fram að Alexandra sé að ganga í raðir félags utan Þýskalands og hefur hún verið orðuð við félög á Ítalíu.

Alexandra lék fyrri hluta tímabils með Breiðablik í Bestu-deild kvenna þar sem hún var á láni frá Frankfurt til að halda sér í formi fyrir EM. Hún kom svo við sögu í tveimur leikjum íslenska liðsins á Evrópumótinu.