Innlent

Erna og Soffía ráðnar til Mat­væla­stofnunar

Bjarki Sigurðsson skrifar
Erna (t.v) starfaði áður sem framkvæmdastjóri Barnaheilla á Íslandi og Soffía sem IB stallari við Menntaskólann við Hamrahlíð.
Erna (t.v) starfaði áður sem framkvæmdastjóri Barnaheilla á Íslandi og Soffía sem IB stallari við Menntaskólann við Hamrahlíð. Aðsend/Vísir/Vilhelm

Erna Reynisdóttir og Soffía Sveinsdóttir hafa verið ráðnar sem sviðsstjórar hjá Matvælastofnun (MAST). Erna tekur við hjá sviði upplýsingatækni og reksturs og Soffía hjá sviði vettvangseftirlits.

Erna er viðskiptafræðingur með MBA-gráðu með áherslu á fjármál. Þá er hún með diplómu sem viðurkenndur stjórnarmaður. Hún hefur undanfarin tíu ár starfað sem framkvæmdastjóri Barnaheilla á Íslandi.

„Erna er afar reyndur stjórnandi og leiðtogi ásamt því að vera mjög öflug í fjármálastjórn, samskiptum og upplýsingagjöf og hefur leitt samtökin í gegnum mikla uppbyggingu,“ segir í tilkynningu frá MAST.

Soffía er með meistaragráðu í efnafræði og framhaldsmenntun í mannauðsstjórnun og opinberri stjórnsýslu. Hún hefur undanfarin ár unnið sem IB stallari við Menntaskólann við Hamrahlíð.

„Soffía er mikill leiðtogi og teymismanneskja sem hefur tamið sér góða yfirsýn yfir deildina sína,“ segir í tilkynningunni.

Vistaskipti Stjórnsýsla

Mest lesið


Fleiri fréttir

Sjá meira


×

Mest lesið