Tveir skotnir til bana í Ör­ebro í nótt

Þetta er í annað sinn á stuttum tíma sem slíkt gerist í borginni en á föstudaginn fannst maður skotinn til bana í bíl í sama hverfi, Varberga.

SVT segir frá því að lögregla í borginni kanni nú hvort málin tvö tengist en enginn hefur verið handtekinn enn sem komið er.

Mennirnir sem létust í gær voru báðir á lífi þegar þeir fundust en létust skömmu síðar.

Morðin voru framin á leikskólalóð í Örebro og verða skólarnir á svæðinu lokaðir í dag sökum rannsóknar málsins.

Mennirnir sem létust í gærkvöldi voru báðir á þrítugsaldri og búsettir í Örebro.