Net­á­rásir á ís­lenska inn­viði stór­aukist í kjöl­far inn­rásar Rússa

Fréttablaðið fjallar um málið í dag og herma heimildir þess að 400 þúsund slíkar árásir hafi verið gerðar á Neyðarlínuna, 112, á aðeins einum sólarhring í upphafi stríðsins.

Árásirnar hafa síðan haldið áfram en sömu sögu er að segja af öðrum Evrópulöndum og í Bandaríkjunum.

Guðmundur Arnar Sigmundsson, forstöðumaður netöryggissveitar Certis, segir engar rökstuddar vísbendingar um að árásirnar komi allar frá einu og sama landinu en að vissulega hafi komið holskefla frá því stríðið hófst.

Guðmundur segir tilgang árásanna tvíþættan. Stundum séu gögn tekin í gíslingu og lausnargjalds krafist en stundum sé verið að taka niður ákveðna þjónustu og skemma í hernaðarlegum tilgangi.