Fótbolti

Viking Stavanger komst á toppinn með sigri

Hjörvar Ólafsson skrifar
Patrik Sigurður Gunnarsson og liðsfélagar hans hjá Viking eru á toppi norsku efstu deildarinnar Vísir/Getty
Patrik Sigurður Gunnarsson og liðsfélagar hans hjá Viking eru á toppi norsku efstu deildarinnar Vísir/Getty

Patrik Sigurður Gunnarsson stóð á milli stanganna hjá Viking Stavanger þegar liðið lagði Molde að velli í norsku efstu deildinni í fótbolta karla í dag. 

Þrátt fyrir að Patrik Sigurður hafi þurft að hrifsa boltann þrisvar sinnum í netið á marki sínu kom það ekki sök þar sem leikmenn Viking Stavanger svöruðu því með fjórum mörkum. 

Samúel Kári Friðjónsson kom inná sem varamaður hjá Viking Stavanger þegar rúmur stundarfjórðungur var eftir af leiknum. 

Þessi sigur fleytti Viking Stavanger í toppsæti deildarinnar en liðið hefur tveggja stiga forskot á Hólmbert Aron Friðjónsson og liðsfélaga hans hjá Lilleström sem mæta Alfons Sampsted og samherjum hans Bodö/Glimt á morgun. 

Norski boltinn

Mest lesið


Fleiri fréttir

Sjá meira


×

Mest lesið